Skip to main content
x

ተስፋ የተጣለባቸው የደቡብ አፍሪካ አዲሱ ፕሬዚዳንት ሲሪል ራማፎዛ ፈተናዎች

ደቡብ አፍሪካ ጨቋኝና ዘረኛ ከነበረው የአፓርታይድ አገዛዝ ከተላቀቀች 23 ዓመታት የሞላት ሲሆን፣ አገሪቱን ለመምራት ሲሪል ራማፎዛን አራተኛ ፕሬዚዳንቷ አድርጋ መርጣለች፡፡ ዓርብ የካቲት 9 ቀን 2010 ዓ.ም. የደቡብ አፍሪካ ፕሬዚዳንት ሆነው የተመረጡት ራማፎዛ አገሪቱን ለመምራት ከኔልሰን ማንዴላ፣ ከታቦ ምቤኪና ሥልጣናቸውን በግፊት ከለቀቁት ከጃኮብ ዙማ በመቀጠል አራተኛ መሪ ይሆናሉ፡፡

የጃኮብ ዙማ ፀሐይ ስትጠልቅ

ምናልባትም ከዚምባቡዌ የቀድሞ ፕሬዚዳንት ሮበርት ገብርኤል ሙጋቤ ቀጥሎ በአፍሪካ አወዛጋቢው መሪ የደቡብ አፍሪካ መሪ ጃኮብ ጌድልዬሌኪዛ ዙማ ናቸው ቢባል ማጋነን አይሆንም፡፡ ዙማ አልተማሩም፣ ይህንንም በኩራት ይናገራሉ፡፡ ዙማ ስድስት ሚስቶች አግብተው 22 ልጆችም ከተለያዩ እናቶች ወልደዋል፡፡ ኑሯቸውም የመሀል ስማቸውን ይመስላል የሚሏቸውም ብዙ ናቸው፡፡ ‹‹እያጠፋሁህ እስቃለሁ›› የሚባለው የመሀል ስማቸው በዙሉ ቋንቋ ነው፡፡

ዶናልድ ትራምፕንና ሪፐብሊካን ፓርቲን ጥያቄ ያስነሳባቸው አወዛጋቢው ማስታወሻ

ከምርጫ ክርክር ጊዜያቸው ጀምሮ ውዝግብ ሳይለያቸው እስከ መንበረ ሥልጣናቸው የዘለቁት ዶናልድ ትራምፕ ከራሳቸው አልፎ ፓርቲያቸውን ያስወቀሱባቸው ጊዜያት እጅግ በርካታ ናቸው፡፡ ይኼም ዓርብ ጥር 23 ቀን 2010 ዓ.ም. በሕዝብ ተወካዮች ምክር ቤት የሪፐብሊካን ፓርቲ ተወካይና የኢንተለጀንስ ኮሚቴ ሰብሳቢ ዴቪን ኑንስ ተጽፎ፣ በፕሬዚዳንቱ ይሁንታ ይፋ በተደረገው አወዛጋቢ ማስታወሻ ይበልጥ ጎልቶ ታይቷል፡፡

የሳዑዲ ዓረቢያን ፖለቲካ ይቀይራል የተባለው የቱጃሮች መፈታት

በሳዑዲ ዓረቢያ አልጋ ወራሽ መሐመድ ቢን ሰልማን የሚመራው የፀረ ሙስና ኮሚቴ ከሁለት ወራት በፊት በቁጥጥር ሥር ካዋላቸው ባለሀብቶችና ልዑላን ቤተሰቦች መካከል የተወሰኑትን ባለፈው ሳምንት ማብቂያ ላይ ለቋል፡፡ በባለወርቃማው ባለአምስት ኮከቡ ሪትዝ ካርልተን ሆቴል በቁጥጥር ሥር ከዋሉት ቱጃሮች መካከል ከዚህ ቀደም 23 ያህሉ የተለቀቁ ሲሆን፣ የአብዛኞቹ ስም ግን አልተገለጸም ነበር፡፡ በዚህ ሳምንት ማብቂያ ተለቀዋል ከተባሉት መካከል ግን ቢሊየነሩ ልዑል አልዋሊድ ቢን ታላል እንደሚገኙበት ዓለም አቀፍ ሚዲያዎች ዘግበዋል፡፡

ከሦስት ቀናት መስተጓጎል በኋላ ለ17 ቀናት የተለቀቀው የአሜሪካ በጀት

የአሜሪካ ፕሬዚዳንት ዶናልድ ትራምፕ በምርጫ ወቅትና ከዚያም በኋላ ለሕዝባቸው ቃል የገቧቸውን አጀንዳዎች ለመፈጸም ሁኔታዎች እምብዛም አልፈቀዱላቸውም፡፡ በተለይ አሜሪካን በማስቀደም ለስደተኞች ያላቸው አሉታዊ አቋም ከማስተቸትም አልፎ፣ የአሜሪካን የመንግሥት በጀት እስከማስተጓጎል ደርሶ የመንግሥት መሥሪያ ቤቶች ሠራተኞች በከፊል ለሦስት ቀናት ያህል ቤታቸው እንዲቀመጡም ምክንያት ሆኗል፡፡

አወዛጋቢው የትራምፕ ንግግር

የአሜሪካ ፕሬዚዳንት ዶናልድ ትራምፕ ከዓመት በፊት ከነበረው የፕሬዚዳንታዊ ምርጫ ቅስቀሳ ዘመቻቸው ጀምሮ ለስደተኞች ያላቸው አቋም አሉታዊ ነው፡፡ ‹‹ወንጀለኞች ናቸው›› የሚሏቸውን የሜክሲኮ ስደተኞች ለመቆጣጠር በአሜሪካና በሜክሲኮ ድንበር መካከል ግንብ እንደሚያስገነቡም የተናገሩት በምረጡኝ ዘመቻቸው ወቅት ነበር፡፡ ስደተኞች ላይ ማዕቀብ እንደሚጥሉም እንዲሁ፡፡

የዶናልድ ትራምፕን የመምራት ብቃትና የዋይት ሐውስን ውጥንቅጥ ያብጠለጠለው አወዛጋቢ መጽሐፍ

የሰሜን ኮሪያው ፕሬዚዳንት ኪም ጆን ኡን የኑክሌር መሣሪያ ፕሮግራማቸውን የሚያዩት አገራቸውን ከአሜሪና ከደቡብ ኮሪያ ሊሰነዘር ከሚችል ጥቃት እንደ መከላከያ አድርገው ነው፡፡ ሁለቱ የሰሜን ኮሪያ ተቀናቃኞች ግን ይህን አይቀበሉትም፡፡ ሁሌም የሰሜን ኮሪያን የኑክሌር ፕሮግራም እንደ ኮነኑ፣ በልሳነ ምድሩም የጋራ ወታደራዊ ልምምድ እንዳደረጉ ነው፡፡

ዓለማችንን በትምባሆ ኢንዱስትሪ ከተደቀነባት አደጋ እንዴት እንታደጋት?

ትምባሆና ከትምባሆ ጋር ተያያዥ የሆኑ ምርቶች ለጤና አደገኛ በሆነ ሁኔታ ጠንቅ አንደሆኑና በየዓመቱ በሚሊዮኖች የሚቆጠሩ ሰዎችን ሕይወት እየቀጠፈ፣ እንዲሁም ከዚህ የበለጠ ቁጥር ያላቸውን ሰዎች እየጎዳ እንደሆነ እናውቃለን፡፡ ይህ በእንዲህ እንዳለ ትልልቅ ዓለም አቀፍ የትምባሆ አምራች ኩባንያዎች፣ ምርታቸው ጤና ላይ ሰለሚያደርሰው ጉዳት ለዘመናት አሳሳች የሆነና የውሸት መረጃዎችን ሲያወጡና ሲፈበርኩ እንደቆዩ የሚታወቅ ሀቅ ነው፡፡

ሊቢያ ውስጥ መፈናፈኛ ያጡ በሺዎች የሚቆጠሩ ስደተኞችን የመታደግ አዲስ ጅምር

በቅርቡ በሲኤንኤን አማካይነት የተሠራጨው ተንቀሳቃሽ ምሥል ሊቢያን የስደተኞች የምድር ገሃነም አድርጓታል፡፡ በ21ኛው ክፍለ ዘመን ለማሰብ የሚከብድ የባሪያ ንግድ የሚካሄድባት አገር መሆኗ ብዙዎችን አስደንግጧል፡፡ በተለይ ከሰሃራ በታች ካሉ የአፍሪካ አገሮች ስደተኞች በሊቢያ ውስጥ በሕገወጥ አዘዋዋሪዎች ታግተው መከራ የሚያዩበት፣ በአገሬው ሰዎች ሳይቀር ጉልበታቸው በነፃ የሚበዘበዝበት፣ በተጨናነቁ እስር ቤቶች ስቃይ የሚፈጸምባቸው፣ ከዝርፊያ በተጨማሪ ግድያ ሳይቀር የሚፈጸምባቸው ስደተኞች በመቶ ሺዎች ይቆጠራሉ፡፡

የኤኤንሲ አዲሱ መሪ ሲሪል ራማፎሳ

የደቡብ አፍሪካ አውራ ፓርቲ ‹‹አፍሪካን ናሽናል ኮንግረስ›› (ኤኤንሲ) በፓርቲው ውስጥ የተፈጠረውን ክፍፍል ወደ አንድ ያመጣሉ የተባሉትን ሲሪል ራማፎሳ መሪ አድርጎ መርጧል፡፡ በደቡብ አፍሪካ ፕሬዚዳንት ጃኮብ ዙማ የሚመራውን ኤኤንሲ የሚረከቡት ባለሀብቱ ራማፎሳ፣ በአገሪቱ የተንሰራፋውን ሙስናም ያስተነፍሳሉ ተብሎ ተስፋ ተጥሎባቸዋል፡፡ አገሪቱም እ.ኤ.አ. በ2019 ለምታደርገው ፕሬዚዳንታዊ ምርጫም  ራማፎሳ ተስፋ ተጥሎባቸዋል፡፡ ሆኖም በፓርቲው ውስጥ ክፍፍል ሊፈጠር ይችላል ተብሏል፡፡