Skip to main content
x

‹‹በስም ማጥፋት ተግባር ውስጥም ሆነ በሌሎች አላስፈላጊ ጉዳዮች እየተሳተፉ የሚገኙ ዕድሜያቸውን ለማሳጠር እየጣሩ ያሉ አካላት ናቸው››

ነገሪ ሌንጮ (ዶ/ር)፣ የመንግሥት ኮሙዩኒኬሽን ጉዳዮች ጽሕፈት ቤት ኃላፊ በመንግሥት ኮሙዩኒኬሽን ጉዳዮች ጽሕፈት ቤትና በሚኒስትሩ ላይ የስም ማጥፋት ዘመቻ የከፈቱ ባለሥልጣናትም ሆኑ ግለሰቦች፣ ዕድሜያቸውን ማሳጠር የፈለጉ ናቸው ሲሉ ሚኒስትሩ ነገሪ ሌንጮ (ዶ/ር) ተናገሩ። ሚኒስትሩ ይህንን የተናገሩት ሰኞ ኅዳር 11 ቀን 2010 ዓ.ም. የበጀት ዓመቱን የሩብ ዓመት የሥራ አፈጻጸምና ቀጣይ ዕቅድ ለምክር ቤቱ የባህል፣ ቱሪዝምና መገናኛ ብዙኃን ጉዳዮች ቋሚ ኮሚቴ ሲያቀርቡ ነው።

ሜቴክ የያዛቸው ግዙፍ ፕሮጀክቶች መጓተት የፈጠረው ውዝግብ

• ‹‹አሻጥሮች እየተፈጸሙብኝ ነው›› ሜቴክ • ‹‹ይህንን መስማት ያማል›› ስኳር ኮርፖሬሽን • ‹‹ሕዝቡም እምነት እያጣ ነው እኛም ወደ መሰልቸት ደርሰናል›› የፓርላማ አባል የኢትየጵያ ብረታ ብረትና ኢንጂነሪንግ ኮርፖሬሽን (ሜቴክ) የያዛቸው ግዙፍ የስርኳና የማዳበሪያ ፋብሪካዎች ግንባታ መጓተት ላለፉት ዓመታት ሲፈጥር የነበረው ውዝግብ አሁንም መፈታት ባለመቻሉ፣ የፕሮጀክቶቹ ባለቤቶች በሆኑት የመንግሥት ተቋማትና በሜቴክ መካከል ውዝግቡ በድጋሚ ባለፈው ሳምንትም ተደምጧል፡፡

የቆዳና ሌጦ ግብይት ተጠሪነት ለእንስሳትና ዓሳ ሀብት ሚኒስቴር ሊዛወር ነው

ፀረ ሙስና ኮሚሽን አዲስ ኮሚሽነር ተሾመለት ሐሙስ ኅዳር 7 ቀን 2010 ዓ.ም. ለምክር ቤት የቀረበው የጥሬ ቆዳና ሌጦ ግብይት ማሻሻያ ረቂቅ አዋጅ፣ ተጠሪነቱ ለእንስሳትና ዓሳ ሀብት ሚኒስቴር እንዲሆን ሐሳብ አቀረበ፡፡ ለሦስተኛ ዓመት የሥራ ዘመን አምስተኛ መደበኛ ስብሰባ ረቂቅ አዋጁን በንባብ ያቀረቡት የመንግሥት ምክትል ተጠሪው አቶ ጌታቸው በዳኔ እንደገለጹት፣ የጥሬ ቆዳና ሌጦ ግብይት አዋጅ ምርቱ በየግለሰብ ቤቶች እየባከነ የሚታየውን ችግር ለመቅረፍ ይረዳል፡፡ በአምራቾች እጅ ስለሚቆይም የምርት ጥራት ችግርን እንዲያሻሽል ይረዳልም ብለዋል፡፡

ትምህርት ሚኒስቴር የዩኒቨርሲቲ ተማሪዎች ቁጥር በፀጥታ ችግሮች ሳቢያ መቀነሱ አሳስቦኛል አለ

በዩኒቨርሲቲዎች የተቋረጠው የታሪክ ትምህርት በሁለተኛ ደረጃ ትምህርት ቤቶች እንዲሰጥ ተወሰነ ከመስከረም ወር ጀምሮ በትምህርት ገበታቸው ላይ መገኘት የሚጠበቅባቸው የዩኒቨርሲቲ ተማሪዎች ቁጥር መቀነሱ እንዳሳሰበው፣ ትምህርት ሚኒስቴር ለሕዝብ ተወካዮች ምክር ቤት ገለጸ።

‹‹ዴሞክራሲያዊ ማዕከላዊነትን የመጠበቅ ጉዳይ የማይገረሰስ የኢሕአዴግ መርህ ነው›› ጠቅላይ ሚኒስትር ኃይለ ማርያም ደሳለኝ

አፈ ጉባዔ አባዱላ የድርጅቱን ውሳኔ የመቀበል ግዴታ አለባቸው ብለዋል በአገሪቱ ከሚታዩ የፖለቲካ ክስተቶች በተቃራኒ ገዥው ፓርቲ ኢሕአዴግ አሁንም ጥብቅ የሆነውን ዴሞክራሲያዊነቱን ጠብቆ እንደሚገኝ፣ ይህንንም ማዕከላዊነት ጠብቆ የማቆየት ጉዳይ የማይገረሰስ የገዥው ፓርቲ ምሰሶ እንደሆነ የፓርቲው ሊቀመንበርና የአገሪቱ ጠቅላይ ሚኒስትር ኃይለ ማርያም ደሳለኝ አስታወቁ፡፡

የኢኮኖሚ ዕድገቱን ለማስቀጠል ከ700 ቢሊዮን ብር በላይ ኢንቨስትመንቶች እንደሚያስፈልጉ የብሔራዊ ባንክ ገዥ አስታወቁ

የአገሪቱ የኢኮኖሚ ዕድገት እንዳይገታ ከ700 ቢሊዮን ብር በላይ ኢንቨስትመንቶች በኤክስፖርት ተኮር ዘርፎች እንደሚያስፈልጉ የብሔራዊ ባንክ ገዥ ገለጹ፡፡ የባንኩ ገዥ አቶ ተክለ ወልድ አጥናፉ ለሕዝብ ተወካዮች ምክር ቤት የበጀትና ፋይናንስ ጉዳዮች ቋሚ ኮሚቴ ሰኞ ጥቅምት 27 ቀን 2010 ዓ.ም. እንዳስታወቁት፣ የተጠቀሰውን የገንዘብ መጠን ያህል አዳዲስ ኢንቨስትመንቶችን በተለይ ኤክስፖርት ተኮር በሆኑ ዘርፎች ማከናወን ስላልተቻለ የኢኮኖሚው ዕድገት ሊገታ እንደሚችል ጠቁመዋል፡፡

ኢትዮ ቴሌኮም በውጭ ምንዛሪ እጥረት መሥራትም ሆነ ብድር መክፈል አልቻልኩም አለ

በአገሪቱ ካለፉት ዓመታት ጀምሮ የተከሰተው የውጭ ምንዛሪ እጥረት እየተባባሰ በመምጣቱ፣ ለበጀት ዓመቱ ያቀዳቸውን ሥራዎች ማከናወን አለመቻሉን፣ መክፈል የሚገባውን የውጭ ብድሮችን ለመክፈል መቸገሩን ኢትዮ ቴሌኮም አስታወቀ፡፡

ለጋምቤላ እርሻዎች የተሰጠው ብድር የልማት ባንክን መመለስ ያልቻሉ ብድሮች ወደ ዘጠኝ ቢሊዮን ብር አድርሷል ተባለ

በመንግሥት ድጋፍ የግል አልሚዎች በጋምቤላ ክልል ለጀመሯቸው ሰፋፊ እርሻዎች የተለቀቀው ብር የኢትዮጵያ ልማት ባንክን የማይመለስና መመለሳቸው አጠራጣሪ የሆኑ ብድሮች መጠን፣ 8.6 ቢሊዮን ብር እንዲደርስ ምክንያት ሆነዋል ተባለ፡፡ ይኼንን ያሉት የአገሪቱ የገንዘብ ተቋማትን የሚቆጣጠረው ብሔራዊ ባንክ ገዥ አቶ ተክለ ወልድ አጥናፉ ናቸው፡፡

በፌዴራል መንግሥት የተረቀቀው የአሽከርካሪዎች ብቃት ማረጋገጫ አዋጅ እንዳይፀድቅ የኦሮሚያ ክልል ጠየቀ

በፌዴራል መንግሥት ተረቆ ለሕዝብ ተወካዮች ምክር ቤት የቀረበውና በአገር አቀፍ ደረጃ ተግባራዊ እንዲደረግ ሆኖ የተዘጋጀው የአሽከርካሪዎች ብቃት ማረጋገጫ አዋጅ እንዳይፀድቅ፣ የኦሮሚያ ክልል ትራንስፖርት ባለሥልጣን ጠቅላይ ሚንስትሩንና ፓርላማውን በደብዳቤ ጠየቀ።