Skip to main content
x

ባንኮችን ያስተሳሰረው የክፍያ ሥርዓት ከ2.5 ቢሊዮን ብር በላይ አንቀሳቅሷል

የኢትዮጵያ ብሔራዊ ባንክን ጨምሮ ሁሉንም የግልና የመንግሥት ባንኮች የአክሲዮን ባለቤት በማድረግ የተቋቋመው ኢትስዊች ኩባንያ፣ የሁሉንም ባንኮች የኤቲኤም ማሽኖች በማጣመር የክፍያ ሥርዓትን ለማስፋፋት መንቀሳቀስ ከጀመረ ሰነባብቷል፡፡ 

ኦሮሚያ ኢንተርናሽናል ባንክ በሰባት ወራት ውስጥ ከ188 ሚሊዮን ዶላር በላይ የውጭ ምንዛሪ ገቢ አስመዘገበ

ወደ ሥራ ከገባ ዘጠነኛ ዓመቱን ያስቆጠረው ኦሮሚያ ኢንተርናሽናል ባንክ፣ እ.ኤ.አ. በ2017 (የበጀት ዓመቱ በአውሮፓውያን አቆጣጠር መሠረት) ሰባት ወራት ውስጥ በወጪ ንግድ የባንክ አገልግሎት አማካይነት ከ188 ሚሊዮን ዶላር በላይ ገቢ ማግኘቱን ገለጸ፡፡ በ2010 ሰባት ወራት ውስጥ ያገኘው ትርፍም እ.ኤ.አ. በ2016 ሙሉ ዓመት ካገኘው በከፍተኛ ደረጃ ብልጫ እንዳለው ባንኩ  አስታውቋል፡፡ ባንኩ በየዓመቱ የሚያከብረው የወጪ ንግድ ቀን ሰኞ ጥር 28 ቀን 2010 ዓ.ም. ሲካሄድ እንደተገለጸው፣ በሰባት ወራት ጊዜ ውስጥ ማግኘት የቻለው የውጭ ምንዛሪ ገቢ ከቀዳሚው ዓመት ብልጫውን ይዟል፡፡

የግል ባንኮች ከ160 ቢሊዮን ብር በላይ በማበደር ግማሽ ዓመቱን አጠናቀዋል

በአገሪቱ በተፈጠረው የፖሊቲካና የፀጥታ ችግር ሳቢያ የቢዝነስ እንቅስቃሴዎች መቀዛቀዛቸው ብቻም ሳይሆን፣ የብድር አሰጣጥ ገደብ መጣሉ የባንኮችን እንቅስቃሴ ክፉኛ እንደፈተነው ሲነገር ቆይቷል፡፡ ይህ ይባል እንጂ የአገሪቱ ባንኮች እንደወትሯቸው ውጤታሜ እንቅስቃሴ ከማድረግ ባሻገር በአትራፊነታቸው እንደቀጠሉና ለተበዳሪዎች የሰጡት የገንዘብ መጠንም ጭማሪ ማሳየቱ ታውቋል፡፡

ከንፋስ አመጣሽ ታክስና ከልማት ድርጅቶች ሽያጭ የሚገኝ 14 ቢሊዮን ብር ተጨማሪ በጀት ሆኖ ቀረበ

የብር ምንዛሪ ተመን እንዲቀንስ በመደረጉ የአገሪቱ ባንኮች ከነበራቸው ተቀማጭ የዶላር ክምችት ካገኙት ድንገተኛ ትርፍ ላይ መንግሥት በንፋስ አመጣሽ ታክስ ከሚያገኘው ገቢ፣ እንዲሁም ከመንግሥት ልማት ድርጅቶች ሽያጭ እንደሚገኝ የታሰበ 14 ቢሊዮን ብር ተጨማሪ የፌዴራል መንግሥት በጀት እንዲሆን ተጠየቀ፡፡ ባለፈው ሳምንት የሚኒስትሮች ምክር ቤተ ያፀደቀው ይህ የተጨማሪ በጀት፣ ማክሰኞ ጥር 15 ቀን 2010 ዓ.ም. ፓርላማው እንዲያፀድቀው ቀርቧል፡፡

የብሔራዊ ባንክ ውሳኔን የሚጠብቀው የባንክ ዳይሬክተሮች ሹመት

የአገሪቱ የፋይናንስ ተቋማት በአገሪቱ ሕግ መሠረት ዓመታዊ የሥራ እንቅስቃሴያቸውን የሚያሳይ ሪፖርት በማጠናቀር በውጭ ኦዲተሮች ተመርምሮ የተመሰከረ የሒሳብ ሪፖርታቸውን ባለአክሲየኖች ለሚታደሙበት ጠቅላላ ጉባዔ ያሰማሉ፡፡ የፋይናንስ ተቋማቱ ከሌሎች የአክሲዮን ኩባንያዎችና በኢትዮጵያ የንግድ ሕግ ከተመለከተው ባሻገር፣ የኢትዮጵያ ብሔራዊ ባንክ ሕግጋትና መመርያዎችን የተከተሉ ጉባዔዎችን የማካሄድ ግዴታ ተጥሎባቸዋል፡፡

ብሔራዊ ባንክ በማኅተም የተደገፈ የውጭ ምንዛሪ ምዝገባ ቁጥር ለአመልካቾች እንዲሰጥ የሚያሳስብ ማስታወቂያ አወጣ

የውጭ ምንዛሪ ጥያቄን በግልጽነት ለማዳረስና ለማስተዳደር በማለት የኢትዮጵያ ብሔራዊ ባንክ ከሁለት ዓመት በፊት ያወጣውና በየጊዜው ሲያሻሽለው የቆየውን መመርያ በቅርቡ ከማማሻሉም በላይ፣ ይህንኑ መመርያ መሠረት ያደረገና የውጭ ምንዛሪ ጥያቄ የሚያቀርቡ ደንበኞች ላቀረቡት ጥያቄ በማኅተም የተደገፈ ተራ ቁጥርን ጨምሮ ሌሎች መብቶችና ግዴታዎቻቸውን የሚገልጽ ማስታወቂያ በየባንኮች መለጠፍ ጀመረ፡፡

የኦሮሚያ ኅብረት ሥራ ባንክ ባለ 18 ፎቅ ጊዜያዊ የዋና መሥሪያ ቤት ለመገንባት ስምምነት ተፈራረመ

የኦሮሚያ ኅብረት ሥራ ባንክ ባለ 18 ፎቅ ጊዜያዊ የዋና መሥሪያ ቤት ሕንፃ ለማስገንባት፣ ቻይና ውይ ከተባለ የቻይና ኮንስትራክሽን ኩባንያ ጋር ስምምነት ተፈራረመ፡፡ ሕንፃው የሚገነባው ቦሌ ሩዋንዳ አካባቢ መሆኑ ታውቋል፡፡

ከ67 ሚሊዮን ብር በላይ ያተረፈው ደቡብ ግሎባል ባንክ የተከፈለ ካፒታሉን ለማሟላት እንደሚሠራ ገለጸ

የፋይናንስ ኢንዱስትሪውን ዘግይቶ የተቀላቀለው ደቡብ ግሎባል ባንክ፣ በ2009 ዓ.ም. ከታክስ በፊት 67.7 ሚሊዮን ብር አተረፈ፡፡ የተከፈለ ካፒታሉ ግማሽ ቢሊዮን ብር እንደሚያደርስ አስታወቀ፡፡ ቅዳሜ ታህሳስ 7 ቀን 2010 ዓ.ም. ባንኩ ባካሄደው ጠቅላላ ጉባዔ ወቅት ይፋ ባደረገው ሪፖርት መሠረት፣ ከታክስ በፊት ያስመዘገበው ትርፍ ከ2008 ዓ.ም. አኳያ ከ253 ሺሕ ብር በላይ ወይም የ0.4 በመቶ ቅናሽ አሳይቷል፡፡ በቀደመው ዓመት ባንኩ ከታክስ በፊት ያገኘው ትርፍ 67.9 ሚሊዮን ብር ነበር፡፡ ይህም ትርፍ ቢሆን ከሌሎች ባንኮች አንፃር አነስተኛ እንደነበር ለመረዳት ተችሏል፡፡

የአክሲዮን ገበያ አለመጀመሩ ዋጋ እያስከፈለ እንደሆነ ተገለጸ

የአክሲዮን ገበያ ቢቋቋም 200 ቢሊዮን ብር ካፒታል ማመንጨት እንደሚቻል ተጠቆመ ኢትዮጵያ ከተቀረው ዓለም በመለየት ብሔራዊ የአክሲዮን ገበያ (Stock Market) አለማቋቋሟ፣ በኢኮኖሚ ልማት ዘርፍ ከፍተኛ ዋጋ እያስከፈላት እንደሆነ የፋይናንስ ባለሙያዎች አስታወቁ፡፡ ማክሰኞ ታኅሳስ 10 ቀን 2010 ዓ.ም. በተባበሩት መንግሥታት ድርጅት የአፍሪካ ኢኮኖሚ ኮሚሽን የስብሰባ አዳራሽ በተከፈተው ሁለተኛው የምሥራቅ አፍሪካ የፋይናንስ ጉባዔ ላይ ጥናታዊ ጽሑፍ ያቀረቡ የፋይናንስ ባለሙያዎች፣ በኢትዮጵያ የአክሲዮን ገበያ ባለመቋቋሙ ምክንያት ለኢንቨስትመንት ፕሮጀክቶች የሚያስፈልግ ካፒታል ማመንጨት አለመቻሉን፣ በዚህም አገሪቱን ትልቅ ኢኮኖሚያዊ ጥቅሞች እያሳጣት እንደሆነ ገልጸዋል፡፡

የአክሲዮን ገበያ አለመጀመሩ ዋጋ እያስከፈለ እንደሆነ ተገለጸ

የአክሲዮን ገበያ ቢቋቋም 200 ቢሊዮን ብር ካፒታል ማመንጨት እንደሚቻል ተጠቆመ ኢትዮጵያ ከተቀረው ዓለም በመለየት ብሔራዊ የአክሲዮን ገበያ (Stock Market) አለማቋቋሟ፣ በኢኮኖሚ ልማት ዘርፍ ከፍተኛ ዋጋ እያስከፈላት እንደሆነ የፋይናንስ ባለሙያዎች አስታወቁ፡፡ ማክሰኞ ታኅሳስ 10 ቀን 2010 ዓ.ም. በተባበሩት መንግሥታት ድርጅት የአፍሪካ ኢኮኖሚ ኮሚሽን የስብሰባ አዳራሽ በተከፈተው ሁለተኛው የምሥራቅ አፍሪካ የፋይናንስ ጉባዔ ላይ ጥናታዊ ጽሑፍ ያቀረቡ የፋይናንስ ባለሙያዎች፣ በኢትዮጵያ የአክሲዮን ገበያ ባለመቋቋሙ ምክንያት ለኢንቨስትመንት ፕሮጀክቶች የሚያስፈልግ ካፒታል ማመንጨት አለመቻሉን፣ በዚህም አገሪቱን ትልቅ ኢኮኖሚያዊ ጥቅሞች እያሳጣት እንደሆነ ገልጸዋል፡፡