Skip to main content
x

የንግድ ምክር ቤቶች መቋቋሚያ አዋጅን ለማሻሻል የቀረቡ ሁለት ሐሳቦች እየተፋጩ ነው

በመላ አገሪቱ የሚገኙትን የንግድ ኅብረተሰብ ይወክላሉ የተባሉ የንግድና ዘርፍ ማኅበራት ምክር ቤቶች ከግማሽ ሚሊዮን ያላነሱ አባላትን እንደያዙ ይነገራል፡፡ እነዚህ ንግድና ዘርፍ ማኅበራት ምክር ቤቶች ቀድሞ በንግድ ምክር ቤት አሁን ደግሞ በንግድና ዘርፍ ማኅበራት ምክር ቤቶች የሚል መጠሪያ ይዘው እየተንቀሳቀሱ ናቸው፡፡ ይሁንና እነዚህን ተቋማት ከ12 ዓመታት በፊት እንደ አዲስ እንዲዋቀር ያደረገው አዋጅ ቁጥር 341/95 ከወጣበት ጊዜ አንስቶ አዋጁ በርካታ ክፍተቶች እንዳሉት ሲጠቀስ ቆይቷል፡፡ በተለይም ዘርፍ ምክር ቤቶች ከታች ጀምሮ በራሳቸው መዋቅር እንዲደራጁና በየደረጃው ከንግድ ምክር ቤቶች ጋር ተጣምረው እንዲደራጁ መደረጉ፣ የንግድ ምክር ቤቶችን እንቅስቃሴ በተፈለገው ደረጃ አላራመደም በሚል የተለያዩ መከራከሪያዎች ሲቀርቡ እንደነበር ይታወሳል፡፡

ለነዳጅ ታሪፍ ጭማሪ የዘገየው የመንግሥት ምላሽ አንድምታ

የነዳጅ ትርፍ ህዳግ (ታሪፍ) ለዓመታት ባለመስተካከሉና የዘርፉ ቢሮክራሲ ከመቃናት ይልቅ እየተወሳሰበ በመቀጠሉ፣ በርካታ የነዳጅ ማመላለሻ ትራንስፖርት ባለቤቶች እንዲሁም የነዳጅ ማደያ ባለቤቶች ሥራ ማቆምን አማራጭ አድርገው ማሰብ ጀምረዋል፡፡ ነዳጅ ለኢትዮጵያ ዋነኛው ስትራቴጂክ ሸቀጥ ቢሆንም፣ መንግሥት ለዘርፉ ትኩረት በመንፈጉ የነዳጅ ዘርፍ ነጋዴዎች ለኪሳራ በመዳረጋቸው ኪሳራውን መሸከም የማይችሉበት ደረጃ ላይ መድረሳቸውን አበክረው እያሳወቁ ነው፡፡ በመንግሥት ቸልተኝነት እያዘኑ ከሚገኙ ዋነኛ የነዳጅ ዘርፍ ተዋናዮች መካከል አቶ ፀጋ አሳመረ ይገኙበታል፡፡ የ77 ዓመት ዕድሜ ባለፀጋው አቶ ፀጋ፣ በኢትዮጵያ የነዳጅ ማመላለሻ ትራንስፖርት፣ በነዳጅ ማደያ ዘርፍ እንዲሁም በነዳጅ ማከፋፈል ዘርፍ ውስጥ ለ56 ዓመታት ጉልህ ሥፍራ ይዘው ቆይተዋል፡፡

ነጋዴዎች ሰዓት አልፏል በሚል ሰበብ ፈቃድ ከማሳደስ እንደታገዱ ገለጹ

በመቶዎች የሚቆጠሩ የአዲስ አበባ ነጋዴዎች፣ የታኅሳስ ወር ማብቂያ ማለትም ታኅሳስ 30 ቀን 2010 ዓ.ም. ዓመታዊ የንግድ ፈቃድ ዕድሳት አገልግሎት ለማግኘት ማልደው በንግድ ሚኒስቴር ሕንፃ ቢገኙም፣ በንግድ ፈቃድ ዕድሳትና ምዝገባ ኃላፊዎች ‹‹የሥራ ሰዓት አልፏል፤›› በማለት በፖሊስ ጭምር እንዳባረሯቸው ገለጹ፡፡

ምልዓተ ጉባዔ ለጥቂት ተሟልቶ የተካሄደው የፓርላማ ውሎ

የከተማ ፕላን ረቂቅ አዋጅ ለፌዴሬሽን ምክር ቤት ተመርቷል ፓርላማው ሐሙስ ኅዳር 14 ቀን 2010 ዓ.ም. የነበረውን መደበኛ ስብሰባ ለማካሄድ የሚያስፈልገውን ምልዓተ ጉባዔ ለጥቂት በማሟላት፣ ለዕለቱ በያዛቸው ሁለት አጀንዳዎች ላይ ተወያይቶ ውሳኔ አሳለፈ፡፡

የቆዳና ሌጦ ግብይት ተጠሪነት ለእንስሳትና ዓሳ ሀብት ሚኒስቴር ሊዛወር ነው

ፀረ ሙስና ኮሚሽን አዲስ ኮሚሽነር ተሾመለት ሐሙስ ኅዳር 7 ቀን 2010 ዓ.ም. ለምክር ቤት የቀረበው የጥሬ ቆዳና ሌጦ ግብይት ማሻሻያ ረቂቅ አዋጅ፣ ተጠሪነቱ ለእንስሳትና ዓሳ ሀብት ሚኒስቴር እንዲሆን ሐሳብ አቀረበ፡፡ ለሦስተኛ ዓመት የሥራ ዘመን አምስተኛ መደበኛ ስብሰባ ረቂቅ አዋጁን በንባብ ያቀረቡት የመንግሥት ምክትል ተጠሪው አቶ ጌታቸው በዳኔ እንደገለጹት፣ የጥሬ ቆዳና ሌጦ ግብይት አዋጅ ምርቱ በየግለሰብ ቤቶች እየባከነ የሚታየውን ችግር ለመቅረፍ ይረዳል፡፡ በአምራቾች እጅ ስለሚቆይም የምርት ጥራት ችግርን እንዲያሻሽል ይረዳልም ብለዋል፡፡

ከ107.9 ሚሊዮን ብር በላይ የውጭ ምንዛሪ አሳጥተዋል የተባሉ ቡና ነጋዴዎች ተከሰሱ

ግንዛቤውና ዕውቀቱ የሌላቸውን ሰዎች ስም በመጠቀምና በሐሰተኛ ሰነድ የቡና ላኪነትን ንግድ ፈቃድ በማውጣት ከ2.7 ሚሊዮን ቶን በላይ ቡና በሕገወጥ መንገድ በመሸጥ፣ 7.9 ሚሊዮን ዶላር ወይም 107.9 ሚሊዮን ብር የውጭ ምንዛሪ መንግሥትን አሳጥተዋል የተባሉ ቡና ነጋዴዎችና ተባባሪዎቻቸው ክስ ተመሠረተባቸው፡፡

በስንዴ ዱቄት እጥረት የሚሰቃዩት የቤንሻንጉል ጉምዝ ነዋሪዎች

መንግሥት በዝቅተኛ የኑሮ ደረጃ ላይ የሚገኙ የኅብረተሰብ ክፍሎችን ተጠቃሚ ለማድረግና የኑሮ ውድነት ግሽበትን ለመከላከል፣ ከፍተኛ ድጎማ በማድረግ፣ በተመጣጣኝና አነስተኛ ዋጋ የስንዴ ዱቄት፣ ስኳርና ዘይት እንዲከፋፈሉ የዘረጋው አሠራር ቢኖርም፣ እየደረሳቸው እንዳልሆነ የቤንሻንጉል ጉምዝ ክልል ነዋሪዎች ተናገሩ፡፡

መንግሥት የገንዘብ ተመን ለውጡ ያመጣውን የገበያ ቀውስ ለማብረድ ቁጥጥር ላይ ትኩረት አድርጓል

ብር ከዶላር ጋር ያለው የውጭ ምንዛሪ ተመን 15 በመቶ እንዲዳከም ከተደረገ በኋላ የተፈጠረውን የገበያ ዋጋ ቀውስ ለመቆጣጠር መንግሥት ዘግይቶ ከንግዱ ማኅበረሰብ ጋር ተወያየ፡፡ መንግሥታዊው የንግድ ኩባንያ አለ በጅምላ የውጭ ምንዛሪ በልዩ ሁኔታ እንዲፈቀድለት ጠየቀ፡፡

የብር ምንዛሪ ለውጥ የነዳጅ ዋጋ ያንራል የሚል ሥጋት ፈጥሯል

ባለፈው ሳምንት የኢትዮጵያ ብሔራዊ ባንክ በብር ምንዛሪ ላይ ያደረገው የ15 በመቶ ለውጥ የነዳጅ ዋጋ ያንራል የሚል ሥጋት ፈጥሯል፡፡ ብሔራዊ ባንክ የተዳከመውን ኤክስፖርት ዘርፍ እንዲያንሠራራ ለማድረግ የብር ምንዛሪ በ15 በመቶ እንዲጨምር አድርጓል፡፡ ዕርምጃው የኢኮኖሚክስ ባለሙያዎችን አስደንግጧል፡፡ የምንዛሪ ለውጡ በነዳጅ ዋጋ ላይ ጭማሪ እንደሚፈጥር፣ በገቢና በአገር ውስጥ ምርቶች ላይ ዋጋ ጭማሪ በመፍጠር የኑሮ ውድነቱን ያባብሳል የሚል ሥጋት ፈጥሯል፡፡

መንግሥት የውጭ ምንዛሪ ለውጡን በመንተራስ ዋጋ በሚያንሩ ላይ ዕርምጃ እወስዳለሁ አለ

ሰሞኑን የኢትዮጵያ ብሔራዊ ባንክ የብር የምንዛሪ ተመን በ15 በመቶ እንዲቀንስ ካደረገ በኋላ የአገር ውስጥ ገበያ ከፍተኛ የዋጋ ጭማሪ እየታየበት በመሆኑ፣ ይህንን ያልተገባ ድርጊት በሚፈጽሙት ላይ መንግሥት ዕርምጃ እወስዳለሁ አለ፡፡