Skip to main content
x

የቤንሻንጉል ጉምዝ ክልል ሰፋፊ የማዕድን ቦታዎችን ከባለሀብቶች ሊነጥቅ ነው

የቤንሻንጉል ጉምዝ ክልላዊ መንግሥት ከ20 ሔክታር በላይ የማዕድን ቦታዎችን የያዙ ባለሀብቶች ለክልሉ እንዲመልሱ አዘዘ፡፡ ቤንሻንጉል በወርቅና በዕምነበረድ ሀብት የሚታወቅ ክልል ነው፡፡ በተለይ በዳለቲ፣ በፀዳልና በመተከል አካባቢ የሚገኘው ነጭ ዕምነበረድ ከፍተኛ ተፈላጊነት አለው፡፡ በቅርቡ በክልሉ የወጣው መመርያ የዕምነበረድ አምራቾችን የሚመለከት እንደሆነ ታውቋል፡፡

ለነዳጅ ታሪፍ ጭማሪ የዘገየው የመንግሥት ምላሽ አንድምታ

የነዳጅ ትርፍ ህዳግ (ታሪፍ) ለዓመታት ባለመስተካከሉና የዘርፉ ቢሮክራሲ ከመቃናት ይልቅ እየተወሳሰበ በመቀጠሉ፣ በርካታ የነዳጅ ማመላለሻ ትራንስፖርት ባለቤቶች እንዲሁም የነዳጅ ማደያ ባለቤቶች ሥራ ማቆምን አማራጭ አድርገው ማሰብ ጀምረዋል፡፡ ነዳጅ ለኢትዮጵያ ዋነኛው ስትራቴጂክ ሸቀጥ ቢሆንም፣ መንግሥት ለዘርፉ ትኩረት በመንፈጉ የነዳጅ ዘርፍ ነጋዴዎች ለኪሳራ በመዳረጋቸው ኪሳራውን መሸከም የማይችሉበት ደረጃ ላይ መድረሳቸውን አበክረው እያሳወቁ ነው፡፡ በመንግሥት ቸልተኝነት እያዘኑ ከሚገኙ ዋነኛ የነዳጅ ዘርፍ ተዋናዮች መካከል አቶ ፀጋ አሳመረ ይገኙበታል፡፡ የ77 ዓመት ዕድሜ ባለፀጋው አቶ ፀጋ፣ በኢትዮጵያ የነዳጅ ማመላለሻ ትራንስፖርት፣ በነዳጅ ማደያ ዘርፍ እንዲሁም በነዳጅ ማከፋፈል ዘርፍ ውስጥ ለ56 ዓመታት ጉልህ ሥፍራ ይዘው ቆይተዋል፡፡

በኦሮሚያ ክልል ጉጂ ዞን የሚገኘው የታንታለም ማምረቻ መዘጋቱ ውዝግብ ፈጠረ

የኦሮሚያ ክልል በጉጂ ዞን የሚገኘውንና የፌዴራል መንግሥት ተቋም የሆነውን የቂንጢቻ ታንታለም ማዕድን ማምረቻ መዝጋቱ በክልሉና በፌዴራል መንግሥት መካከል ውዝግብ ፈጠረ፡፡ የማዕድን ማምረቻው እንዲዘጋ የተወሰነው በአካባቢውና በማኅበረሰቡ ላይ ጉዳት እያደረሰ ነው በሚል ምክንያት ቢሆንም፣ ዋና ምክንያቱ ግን የማዕድን ይዞታውን ለአካባቢው ወጣቶች ተሰጥቷቸው ራሳቸው አምርተው በመሸጥ ተጠቃሚ እንዲሆኑ ታስቦ መሆኑን ከሁለቱም ወገኖች ሪፖርተር ያሰባሰባቸው መረጃዎች ያመለክታሉ።

በማዕድን ዘርፍ ከ70 በላይ የውጭና የአገር ውስጥ ኩባንያዎች የሚሳተፉበት ዓውደ ርዕይ ሊካሄድ ነው

ኢትዮ ማይኒንግ ኤክስፖ ኃላፊነቱ የተወሰነ የግል ኩባንያ ከማዕድን፣ ፔትሮሊየምና የተፈጥሮ ጋዝ ሚኒስቴር ጋር በመተባበር ዓለም አቀፍ የማዕድን ኮንፈረንስና ዓውደ ርዕይ ለማካሄድ ዝግጅት መጀመሩን አስታወቀ፡፡