Saturday, October 1, 2022
ሌሎች ዓምዶች

    ጠቅላይ ሚኒስትሩ የአዲሷ የፌዴራል ዋና ኦዲተር ሹመት እንዲፀድቅ ለፓርላማ አቀረቡ

    - Advertisement -spot_img

    በብዛት የተነበቡ

    ጠቅላይ ሚኒስትር ዓብይ አህመድ (ዶ/ር) ወ/ሮ መሠረት ዳምጤ የፌደራል ዋና ኦዲተር ሆነው እንዲሾሙ ለፓርላማ አቀረቡ፡፡

    የፌደራል ዋና ኦዲተር መሥሪያ ቤት  ምክትል ዋና ኦዲተር ሆነው እያገለገሉ ያሉት ወ/ሮ መሠረት፣ ለ12 ዓመታት ተቋሙን በዋና ኦዲተርነት ያገለገሉት የቀድሞ ዋና ኦዲተር አቶ ገመቹ ዱቢሶ በ2013 ዓ.ም. በጡረታ ከተሰናበቱበት ጊዜ ጀምሮ በበላይነት እየመሩ ናቸው፡፡

    አቶ ገመቹ በዋና ኦዲተርነት ባገለገሉበት ወቅት በመንግሥት ባለበጀት መሥሪያ ቤቶች ላይ የሚታየውን የኦዲት ጉድለትና የአፈጻጸም ግድፈት በማጋለጥ፣ ለሕዝብ ተወካዮች ምክር ቤት በማቅረብ ታዋቂነት ማትረፋቸው ይታወሳል፡፡

    ጠቅላይ ሚኒስትር ዓብይ ግንቦት ዓርብ 26 ቀን 2014 ዓ.ም. ለረጅም ዓመታት በዋና ኦዲተር መሥሪያ ቤት ያገለገሉትን ወ/ሮ መሠረት ጨምሮ፣ ለስድስት ሰዎች ሹመት ሰጥተዋል፡፡

    ለዋና ኦዲተር መሥሪያ ቤት ምክትል ዋና ኦዲተር አቶ አበራ ታደሰ፣ ለጠቅላይ ሚኒስትሩ የብሔራዊ ደኅንነት አማካሪ ሬድዋን ሁሴን (አምባሳደር)፣ ለጠቅላይ ሚኒስትር ጽሕፈት ቤት በሚኒስትር ማዕረግ የፕሮጅክት ክትትል ኃላፊነት አቶ ካሊድ አብዱራህማን፣ ለከተማ መሠረተ ልማት ሚኒስትር ደኤታነት አቶ ወንድሙ ሴታ፣ ለነዳጅና  ኢነርጂ ባለሥልጠን ዋና ዳይሬክተርነት አቶ ሔኖስ ወርቁ ሆነው ተሹመዋል፡፡

    የፌደራል ዋና ኦዲተርና ምክትል ዋና ኦዲተር ሹመት በፓርላማ እንዲፀድቅ ተመርቷል፡፡

    Ethiopian Reporter

    - Advertisement -

    ትኩስ ጽሑፎች