Sunday, June 23, 2024
- Advertisement -
- Advertisement -
ማኅበራዊመስማት የተሳናቸው 200 ሰዎች ተጠቃሚ የሚሆኑበት የ550 ሺሕ ዶላር ፕሮጀክት ይፋ ሆነ

መስማት የተሳናቸው 200 ሰዎች ተጠቃሚ የሚሆኑበት የ550 ሺሕ ዶላር ፕሮጀክት ይፋ ሆነ

ቀን:

ፕሮጀክቱ ለሦስት ዓመት ይቆያል

የኢትዮጵያ ተኪ የወረቀት ቦርሳዎች አምራች ድርጅት ከአሜሪካ ኤምባሲ ባገኘው 550 ሺሕ ዶላር ድጋፍ 200 መስማት የተሳናቸውን ሰዎች ወደ ሥራ አስገብቶ ተጠቃሚ ለማድረግ ቅድመ ዝግጅት ማጠናቀቁን አስታወቀ፡፡

ድርጅቱ ይህንን ያስታወቀው ፕሮጀክቱን ይፋ ባደረገበት ሐሙስ ግንቦት 25 ቀን 2014 ዓ.ም. ሲሆን፣ መስማት የተሳናቸው ሴት ልጆችን የሥራ ዕድል እንዲያገኙና ያላቸውን ክህሎት አውጥተው እንዲሠሩ ለማድረግ ፕሮጀክቱ ትልቅ አስተዋጽኦ ይኖረዋል ተብሏል፡፡

የተኪ የወረቀት ቦርሳዎች አምራች ድርጅት ምክትል ዋና ሥራ አስኪያጅ ወ/ሮ ሚሚ ለገሰ ለሪፖርተር እንደገለጹት፣ መንግሥት አብዛኛውን ጊዜ ለአካል ጉዳተኞች የሥራ ዕድል ባለመፍጠሩ ምክንያት ቁጥራቸው ከፍተኛ የሆኑ መስማት የተሳናቸው ወገኖች ከሥራ ገበታ ሳይገናኙ ቀርተዋል፡፡

መስማት የተሳናቸው 200 ሰዎች ተጠቃሚ የሚሆኑበት የ550 ሺሕ ዶላር ፕሮጀክት ይፋ ሆነ | Ethiopian Reporter | ሪፖርተር

ተኪ የወረቀት ቦርሳዎች አምራች ድርጅት በአሁኑ ወቅት ለ27 መስማት የተሳናቸው ሴት ልጆች በሥራ ተጠቃሚ አድርጓል ያሉት ሥራ አስኪያጇ እነዚህም ልጆች ከወረቀት በብዛት ቦርሳዎችን በማምረት ለሆቴሎችና ለተለያዩ ተቋሞች እያከፋፈሉ መሆኑን አስረድተዋል፡፡

ድርጅቱ በአሁኑ ወቅት ስድስት ዓይነት ቦርሳዎችን እያመረተ መሆኑን እንደየቦርሳው ዓይነት በቀን ከ1,000 እስከ 1,500 ድረስ አምርቶ ለገበያ እንደሚያቀርብም አክለው ገልጸዋል፡፡

ቦርሳዎችንም ለማምረት የሚጠቀሙባቸው ወረቀቶች ደረጃቸውን የጠበቁ መሆናቸውን ገልጸው፣ አብዛኛውን ጊዜም ለማምረት የሚያስፈልጉ ግብዓቶች በውጭ ምንዛሪ እጥረትም ሆነ በሌሎች ምክንያቶች ከጊዜ ወደ ጊዜ ጭማሪ እያሳዩ ነው ብለዋል፡፡

መስማት የተሳናቸው ዜጎች ተጠቃሚ እንዲሆኑ ተቋሙ የግንዛቤ ማስጨበጫ እንዲሁም ደግሞ የተለያዩ ሥልጠናዎችን እየሰጠ መሆኑን የተናገሩት ወ/ሮ ሚሚ በቀጣይም የተለያዩ የወረቀት ሥራዎች በመሥራት በአፍሪካ ብሎም በአውሮፓ ተወዳዳሪ ለመሆን እንደሚሠራ አመልክተዋል፡፡

የአሜሪካ አምባሳደር ትሬሲ ጃኮፕሰን በበኩላቸው መስማት የተሳናቸውን ለመደገፍና ያላቸውን አቅም ለማሳደግ ተቋማቸው በቀጣይ የሚሠራም ይሆናል ብለዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...