Wednesday, September 28, 2022
ሌሎች ዓምዶች
    - Advertisment -
    - Advertisment -

    [ክቡር ሚኒስትሩ ከባድ ዝናብ እየጣለ ከመኪናቸው በመውረድ ወደ መኖሪያ ቤታቸው ገብተው በወቅታዊ ዝናብ ዙሪያ ከባለቤታቸው ጋር እየተጨዋወቱ ነው]

    • የዘንድሮ ክረምት ከበድ ብሎ የመጣ ይመስላል አይደል?
    • እንዴት አወቅህ? 
    • ይኸው ገና ሰኔ ሳይገባ ጎርፍ እያስቸገረን አይደለም እንዴ? 
    • ቦዮቹ በቆሻሻ ስለተደፈኑ ይሆናላ?
    • እንጂ ክረምቱ ከባድ ስለሆነ አይደለም እያልሽ ነው? 
    • እሱንማ እንዴት አውቃለሁ?
    • በከባዱ እየዘነበ እያየሽ አይደለም እንዴ? 
    • ከባድ ዝናብ እየጣለ መሆኑንማ እያየሁ ነው።
    • ታዲያ ምንድነው የምትይው?
    • መለየት አልቻልኩም ማለቴ ነው።
    • ዝናብ መሆኑን መለየት አልቻልሽም?
    • እሱማ እንዴት ይጠፋኛል?
    • እና ምኑን ነው መለየት ያልቻልሽው?
    • የማን እንደሆነ። 
    • ምኑ? 
    • ዝናቡን ነዋ፡፡
    • እንዴት?
    • ምን እንዴት አለው፣ ባለፈው የእኛ ዝናብ ነው ስትሉን አልነበረም እንዴ?
    • እህ… የዝናቡን ባለቤት ነው መለየት የተቸገርሽው?
    • ታዲያ… የብልፅግና ዝናብ ይሁን የክረምት ዝናብ መለየት ተቸገረን እኮ? 
    • አይ አንቺ… እና እንዴት ነው የዝናቡን ባለቤት የምትለይው? 
    • እኔ እንኳን ባልችልም በቀላሉ ይለያል ሲባል ሰምቻለሁ።
    • እንዴት ነው በቀላሉ የሚለየው?
    • በኪሎ በቀላሉ ይለያል አሉ።
    • በኪሎ? 
    • አዎ። እንደዚያ ሲባል ሰምቻለሁ። 
    • ዝናብ በኪሎ?
    • አዎ። ለምሳሌ የእናንተ አራት ኪሎ ነው የሚባለው አሉ። 
    • አራት ኪሎ? ለምን?
    • እዚያ ስለማይጥል። 

    [ክቡር ሚኒስትሩ በወቅታዊው ዝናብ ዙሪያ ከባለቤታቸው እየተጨዋወቱ ቴሌቪዥኑን ሲከፍቱ ቃል አቀባይዋ የሰጡት መግለጫ እየተላለፈ ዓይተው ከባለቤታቸው ጋር መከታተል ጀመሩ]

    • ሰማህ… ሰማህ?
    • ምንድን? ቃል አቀባይዋ ያሉት ነው? 
    • አዎ። አሁን ነው ክረምቱ ከባድ ማለት!
    • ምንድነው ያሉት?
    • ክረምቱን ተገን አድርገው ጥቃት ለመክፈት ዝግጅት ላይ ናቸው እያሉ ነው።
    • አያደርጉትም? 
    • ለምን? 
    • አይሆንም ስልሽ? 
    • እኮ ለምን?
    • የቀጣዩ ዓመት በጀት ለፓርላማ ሲቀርብ የተገለጸው ያንን የሚያመለክት አይደለም። 
    • በጀቱ ሲቀርብ ምንድነው የተባለው?
    • ጦርነት ቆሞ ሰላም እንደሚሰፍንና በቀጣዩ ዓመትም በጦርነት የተጎዱ አካባቢዎችን መልሶ ለመገንባት ትኩረት እንደሚሰጥ ነው ታሳቢ የተደረገው። 
    • እንደዚያ ከሆነስ ጥሩ ነው ግን ….
    • ግን ምን?
    • ለምንድነው ከአንድ መንግሥት ሁለት የሚጣረሱ መረጃዎች የሚወጡት?
    • ምን ተጣረሰ?
    • አንዱ በክረምቱ ጥቃት ለመክፈት ዝግጅት እያደረጉ ነው ይላል።
    • እሺ…
    • ሌላው ደግሞ በቀጣዩ ዘመን ሰላም ሰፍኖ ለመልሶ ግንባታ ትኩረት የሰጠ በጀት አጽድቁልኝ ይላል። ግራ እኮ አጋባችሁን?
    • አይዞሽ አትስጊ ሰላም ይሆናል። 
    • የቀረበው በጀት ግን ያንን የሚያመላክት ነው?
    • አዎ። ትልቅ በጀት ነው እንዲጸድቅ የተጠየቀው።
    • ትልቅ በጀት መጠየቁ ሰላም እንደሚሆን ያሳያል ብለህ ነው?
    • እንደ እኔ እንደ እኔ ትልቅ በጀት መጠየቁ ፊታችንን ወደ ልማት ማዞራችንን ይጠቁማል ባይ ነኝ።
    • ስንት ተጠየቀ?
    • 6 ቢሊዮን ብር።
    • አጠቃላዩ ማለት ነው?
    • አዎ። አጠቃላይ ነው።
    • ከዚህ ውስጥ ለመከላከያ ስንት ተያዘ? 
    • መቶ ቢሊዮን። 
    • ምን…?
    • ምነው ደነገጥሽ?
    • በጀቱ ወደ ልማት መዞራችንን ይጠቁማል ስትል አልነበረም እንዴ?
    • አዎ። ብያለሁ፡፡
    • ይኼ ልማትን ይጠቁማል?
    • እኔ ግን አላልኩማ፡፡
    • ምንድነው ያልከው ታዲያ?
    • ልማት ሳይሆን ወደ ልማት መዞራቸንን ይጠቁማል ነው ያልኩት።

    በብዛት የተነበቡ ፅሁፎች

    የአውሮፓ ኅብረት ተወካይ በተመድ ጉባዔ ‹‹የትግራይ መንግሥት›› በማለት ላደረጉት ንግግር ማስተካከያ እንዲደረግ ኢትዮጵያ ጠየቀች

    በስዊዘርላንድ ጄኔቭ እየተካሄደ በሚገኘው 51ኛው የተባበሩት መንግሥታት ድርጅት (ተመድ)...

    የፋይናንስ ደኅንነት አገልግሎት ሕገወጥ ገንዘብ አስተላላፊዎችን አስጠነቀቀ

    የፋይናንስ ደኅንነት አገልግሎት በሕገወጥ የገንዘብ ማስተላለፍ ድርጊት ተሰማርተዋል ያላቸው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የተጨማሪ እሴት ታክስ አዋጅን የሚተካ ረቂቅ ተዘጋጀ

    ከቫት ነፃ የነበረው የኤሌክትሪክ ኃይል ገደብ ተቀመጠለት የገንዘብ ሚኒስቴር ከሃያ...
    - Advertisment -

    ትኩስ ፅሁፎች

    በቤንዚንና ነጭ ናፍጣ ላይ ጭማሪ ተደረገ

    ከዛሬ መስከረም 18 ቀን 2015 ዓም እኩለ ሌሊት ጀምሮ...

    ‹‹ለሰላምና ለዕርቅ መሸነፍ የለብንም›› ብፁዕ ወቅዱስ ፓትርያርክ አቡነ ማትያስ ቀዳማዊ

    የሰው ልጅ ጠብን በዕርቅ፣ በደልን በይቅርታ፣ ድህነትን በልማት፣ ክህደትን...

    መፍትሔ አልባ ጉዞ የትም አያደርስም!

    ኢትዮጵያ ችግሮቿን የሚቀርፉ አገር በቀል መፍትሔዎች ላይ ማተኮር ይኖርባታል፡፡...

    ጦርነቱና ውስጣዊ ችግሮች

    መስከረም 14 ቀን 2015 ዓ.ም. የመንግሥት ኮሙዩኒኬሽን አገልግሎት ባወጣው...
    spot_img

    ተዛማጅ ፅሁፎች

    [ክቡር ሚኒስትሩ ከዘመዶቻቸውና ከቤተሰቦቻቸው ጋር ሆነው በዓሉን በመኖሪያ ቤታቸው እያከበሩ ነው። ባለቤታቸውም ለበዓሉ የተዘጋጀውን ዳቦ ባርከው እንዲቆርሱ ለክቡር ሚኒስትሩ እያቀረቡ ነው]

    በል ዳቦውን ባርከህ ቁረስልንና በዓሉን እናክብር፡፡ ጥሩ ወዲህ አምጪው... በል መርቅ... ከዓመት ዓመት ያድርሰን... ኧረ በሥርዓት መርቅ ተው? ከዓመት ዓመት ያድርሰን አልኩኝ እኮ... አልሰማሽም እንዴ? ከዓመት ዓመት መድረሱ ብቻ ምን...

    [አብሮ የሚኖረው ወንድማቸው በተደጋጋሚ እየደወለ መሆኑን የተመለከቱት ክቡር ሚኒስትሩ በስተመጨረሻ የእጅ ስልካቸውን አንስተው ሃሎ አሉ]

    ሃሎ... ስብሰባ ላይ ሆኜ ነው ያላነሳሁት ...በሰላም ነው? ሰላም ነው። ልንገርህ ብዬ ነው... ምንድነው ምትነግረኝ?  ዛሬ አልመጣም፣ እንዳትጠብቀኝ ልነግርህ ነው። ምን ማለት ነው? ወደ አገር ቤት ልትመለስ ነው?  እንደዚያ...

    [ክቡር ሚኒስትሩ ወደ ከተማ አስተዳደሩ ከንቲባ ጋር ደውለው ልማታዊ ወጣቶች ያቀረቡት አቤቱታ በአፋጣኝ መፍትሔ እንዲሰጠው እያሳሰቡ ነው]

    እየደገፉን ያሉ አንዳንድ ልማታዊ ወጣቶች በከተማ አስተዳደሩ ላይ ቅሬታ አቅርበዋል። እኛ ላይ?  አዎ!  ቅሬታቸው ምንድነው? ለምን ለእኛ አላሳወቁንም? የሚሰማቸው ስላላገኙ ነው ቅሬታቸውን ወደ እኛ ይዘው የመጡት።  እስኪ ነገሩን አጣራለሁ...