Tuesday, July 23, 2024
- Advertisement -
- Advertisement -
ስፖርትየመጀመሪያው የወጣቶች ኦሊምፒክ ጨዋታ በአዲስ አበባ የበላይነት ተጠናቀቀ

የመጀመሪያው የወጣቶች ኦሊምፒክ ጨዋታ በአዲስ አበባ የበላይነት ተጠናቀቀ

ቀን:

ሁለተኛውን የኦሊምፒክ ጨዋታ አዲስ አበባ ታዘጋጃለች

ለሁለት ሳምንታት በሐዋሳ ከተማ የተከናወነው የመጀመሪያው የኢትዮጵያ ወጣቶች ኦሊምፒክ ጨዋታ በአዲስ አበባ ሻምፒዮናነት ተጠናቋል፡፡ ከግንቦት 21 ቀን እስከ ሰኔ 4 ቀን 2014 ዓ.ም. በሲዳማ ብሔራዊ ክልላዊ መንግሥት ከተማ ሐዋሳ ሲከናወን የነበረው የኦሊምፒክ ጨዋታ በመዝጊያው ዕለት በተደረጉ የእግር ኳስና የጅምናስቲክ  ፍጻሜ ጨዋታዎች ተጠናቋል፡፡

የኦሊምፒክ ጨዋታ በሆኑና ከኦሊምፒክ ጨዋታ ወጪ የሆኑ ስፖርቶች ውድድሮቹ ሲከናወኑና ከፍተኛ ፉክክር ሲደረግባቸው ሰንብቷል፡፡ በጨዋታው ከክልልና ከተማ አስተዳደሮች በተለያዩ የስፖርት ዓይነቶች የተካፈሉ ሲሆን አዲስ አበባ በበላይነት ማጠናቀቅ ችሏል፡፡ 

አዲስ አበባ 46 ወርቅ፣ 30 የብር፣ 34 የነሐስ በድምሩ 110 ሜዳልያዎችን በማግኘት ጨዋታውን በአንደኝነት አጠናቋል፡፡ ወጤቱን ተከትሎ የአዲስ አበባ ከተማ አስተዳደር ደማቅ አቀባበል ከማድረጉም በዘለለ፣ የአምስት ሚሊዮን ብር ሽልማት ማበርከት ችሏል፡፡

የከተማ አስተዳደሩ በተለያዩ ሻምፒዮናዎች ላይ ሲወከል ቢስተዋልም፣ ብቁ የሆኑ የስፖርት ክለቦች እንደሌሉትና የሚመጥነው ክለብ መገንባት ሳይችል ዘልቋል፡፡ በዚህም በከተማዋ የሚገኙ ክፍለ ከተሞች በተለያዩ ስፖርቶች የራሳቸውን ጠንካራ ክለብ መመሥረት እንደሚገባቸውና ከተማዋ በስፖርቱ ቀድሞ ወደ ነበራት ስሟ እንድትመለስ መሥራት እንደሚገባ የሚያነሱ አሉ፡፡

ውጤቱን ተከትሎ በከተማዋ ውስጥ የሚገኙ ክፍለ ከተሞች የራሳቸውን የስፖርት ክለቦች እንዲኖራቸውና በቀጣይ አገራዊ ሻምፒዮናዎች ላይ ጠንክረው እንዲቀርቡ ለማስቻል፣ ለከተማ አስተዳደሩ ከንቲባ ቢሮ ጥያቄ መቅረቡ ታውቋል፡፡

ጨዋታውን ኦሮሚያ በ27 ወርቅ፣ 24 የብርና 15 የነሐስ በድምሩ 66 ሜዳልያዎችን ሰብስቦ ሁለተኛ ደረጃን ሲይዝ፣ ደቡብ ክልል በ9 ወርቅ፣ 13 የብር፣ 21 የነሐስ፣ በድምሩ 43 ሜዳልያዎች ሦስተኛ በመያዝ አጠናቋል፡፡

በኢትዮጵያ ኦሊምፒክ ኮሚቴ አዘጋጅነት የተከናወነው የመጀመሪያው ወጣቶች ኦሊምፒክ ጨዋታ፣ በግብፅ የሚከናወነውን የአፍሪካ ኦሊምፒክ ጨዋታ ታሳቢ ያደረገ ሲሆን በሐዋሳው ጨዋታ ላይ ተካፍለው ጥሩ ውጤት ያመጡ አትሌቶች ተካፋይ ይሆናሉ፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

‹‹በየቦታው ምርት እየገዙ የሚያከማቹ ከበርቴ ገበሬዎች ተፈጥረዋል››

አቶ ኡስማን ስሩር፣ የማዕከላዊ ኢትዮጵያ ክልል በምክትል ርዕሰ መስተዳድር...

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...