Thursday, December 8, 2022
ሌሎች ዓምዶች
    - Advertisment -
    - Advertisment -

    [ሚኒስትሩ ቢሮ መግባታቸውን የተመለከተው አማካሪያቸው የአንድ ባለሀብትን ጥያቄ ለማቅረብ ወደ ውስጥ ዘለቀ]

    • ክቡር ሚኒስትር አካም?
    • ምን አልክ?
    • አካም፡፡
    • ተው… ?
    • ምነው ክቡር ሚኒስትር?
    • የማትቀጥለውን አትጀምር ማለቴ ነው፡፡
    • ያው እንዴት አደሩ ለማለት ነው።
    • እሱን ብቻ ሳይሆን ሌላም አውቃለሁ።
    • ምን ክቡር ሚኒስትር?
    • አካም የምትለው መቼና ለምን እንደሆነ?
    • ጠዋት ስንገናኝ ነው እንደዛ የምለው።
    • ለማንኛውም ምን ይዘህ ነው የመጣኸው?
    • ባለፈው የመጡት ባለሀብት የጠየቁት የቀረጥ ነፃ ዕድል ምን ደረጃ ላይ እንደደረሰ ለመጠየቅ ነው ክቡር ሚኒስትር?
    • እኮ …ቀድሜ አውቄዋለሁ።
    • ምንድነው ክቡር ሚኒስትር?
    • የሆነ ነገር ስትይዝ ምን ብለህ እንደምትጀምር፡፡
    • ምን ብዬ ነው የምጀምረው?
    • አካም፡፡
    • እ…
    • ባይ ዘ ዌ የሰላምታህን ቋንቋ በመለዋወጥ የሚቀየር ነገር የለም።
    • እንዴት ክቡር ሚኒስትር?
    • ነገርኩህ አካም አልክም ጉድ ሞርኒንግ ለባለሀብቱ ጥያቄ የሰጠነው መልስ አይቀየርም።
    • ከመቼ ጀምሮ ነው ይህንን አቋም የያዙት ክቡር ሚኒስትር?
    • እሱ ትናንትናም ሊሆን ይችላል ዛሬም ሊሆን ይችላል። ከዚህ በኋላ ግን አቋማችን ነው።
    • ጥሩ ደህና ይዋሉ ክቡር ሚኒስትር !

    [ክቡር ሚኒስትሩ ያለቃቸውን የፓርላማ ንግግር በአካል ተገኝተው ከተከታተሉ በኋላ ወደ መኖሪያ ቤታቸው ሲገቡ የእጅ ስልካቸውን በሌባ የተነጠቁት ባለቤታቸው እያማረሩ አገኟቸው] 

    • ዝም ብላችሁ ሕዝቡን አዘርፉት እንጂ መንግሥትማ የለም።
    • ምን ሆንሽ? ምን ገጠመሽ?
    • ዋናው የዚህ አገር ችግር ሌብነት ነው።
    • ያልሽው ትክክል ነው። እኛም ዋናው ችግር ይህ እንደሆነ ለይተናል።
    • ምንድነው የለያችሁት?
    • ችግሩ ሌብነት መሆኑን ብቻ ሳይሆን… ሌቦቹ እነ ማን እንደሆኑ ለይተናል፡፡
    • እነ ማን ናቸው?
    • ዋነኞቹ ብለን የለየናቸው ሌቦች የፍርድ ቤቶች ናቸው።
    • ዋነኞቹ?
    • አዎ። አልሰማሽም እንዴ?
    • ምኑን?
    • ዛሬ ፓርላማ ላይ ዝርዝራቸው በይፋ ተነግሯል።
    • እሺ ሁለኛው ዋና ሌባ ማነው?
    • ሁለተኛው ዋና ሌባ ዓቃቤ ሕግ ነው።
    • ምን?
    • ይሄ ብቻ መስሎሽ ነው? ሦስተኛም አራተኛም… ተዘርዝረዋል።
    • እሺ… ሦስተኛው ማነው?
    • ፖሊስ ነው፡፡
    • ወይ ጉድ አራተኛውስ?
    • አራተኞቹ ሌቦች ኦዲተሮች ናቸው።
    • ኦዲተሮች ደግሞ በየት በኩል ወደ ሌብነት ገቡ?
    • በሌብነት የተበላ ገንዘብ በኦዲት እንዲያጋልጡ ሲባሉ ነው መንገዱን ያገኙት።
    • እንዴት አድርገው ነው የሚሰርቁት?
    • የተበላ ገንዘብ መኖሩን በኦዲት ካረጋግጡ በኋላ ከማጋልጥህ ስንት ታመጣለህ ብለው ይቀበላሉ።
    • በሙሉ እዚህ ምድብ ናቸው በለኛ?
    • እነ ማን?
    • ከሌባ ይጠብቁናል ያልናቸው፡፡
    • ሌሎች አሉ…
    • እነ ማን ናቸው ደግሞ?
    • የእምነት ተቋማት ናቸው።
    • የጉድ አገር አሉ… እነሱም?
    • አዎ። መንግሥት በእምነት ውስጥ አይግባ ብንል ሰፊ ሌብነት ተንሰራፍቶ ተገኝቶባቸዋል። ቢሆንም መፍትሔ እናበጅላቸዋለን።
    • ምን ልታደርጉ አሰባችሁ?
    • አማኙ የሰጠው ገንዘብም ሆነ ስጦታ ለታለመለት ዓላማ መዋሉን ሕግ አውጥተን ኦዲት እናደርጋለን።
    • ኦዲት ልታደርጉ?
    • አዎ። የግድ መጀመር አለበት።
    • ሆሆ…?
    • ምነው?
    • ሙዳየ ምጽዋት ኦዲት ስታደርጉ ታይቶኝ ነዋ?
    • እሱ በሚወጣው ሕግ በዝርዝር ይወሰናል።
    • እስካሁን ከዘረዘርካቸው ውስጥ ግን በተለምዶ የምናውቃቸው ሌቦች የሉም።
    • በተለምዶ የሚታወቁት ሌቦች እነ ማን ናቸው?
    • የመንግሥት ሌቦች ናቸዋ?
    • እነሱም አሉበት?
    • አገሩ ሁሉ ሌባ ሆኗል በለኛ?
    • ምን እናድርግ ብለሽ ነው?
    • እንዴት?
    • ለህልውና ዘመቻ ወጥተን ስንመለስ ይኸ ጠበቀን።
    • እና መፍትሔው ምንድነው። ምን ልታደርጉ አሰባችሁ?
    • አቅጣጫ ተቀምጧል።
    • የምን አቅጣጫ?
    • ፓርላማ ላይ ሲነገር አልሰማሽም?
    • ምን ተነገረ?
    • የዘረዘርኩልሽን እነዚህን ሌቦች ከመንግሥት ሌቦች ጋር ቀላቅለን በመሄድ የምንፈልገውን ግብ ለማሳካት አቅጣጫ ተቀምጧል።
    • ኪኪኪኪ ….ሆሆሆ፡፡
    • ለምን እንደሳቃሽ አልገባኝም?
    • እሳቸው ቃል ሲገድፉ እናንተም እንደምትገድፉ አላውቅም ነበር?
    • ምን ማለትሽ ነው አልገባኝም?
    • እሳቸው ቃል ገድፈው እንጂ ለማለት የፈለጉት ቀላቅለን እንጠርጋቸዋለን ነው።
    • ቃሉ ገደፈው ነው ብለሽ ነው?
    • የቃል አጠቃቀም ስህተት መሆኑ ግልጽ እኮ ነው?
    • ቢሆንም…
    • እንዴት? እናንተ አርማችሁ ማስረዳት አትችሉም?
    • የተገደፈው ከላይ ነዋ፡፡
    • ቢሆንስ?
    • እርማቱም ከላይ መምጣት አለበት !

    በብዛት የተነበቡ ፅሁፎች

    በሰባት የመንግሥት ተቋማት ላይ ሰፊ የወንጀል ምርመራ እየተካሄደ መሆኑ ተሰማ

    በስምንት የመንግሥት ዩኒቨርሲቲዎች ላይ የወንጀል ምርመራ እንዲጀመር ተወስኗል ከ1.4 ቢሊዮን...

    ጎህ ቤቶች ባንክ ወደ ቤት ልማት ለመግባት ብሔራዊ ባንክን ፈቃድ ጠየቀ

    በስምንት ወራት ውስጥ 7.9 ሚሊዮን ብር ማትረፉን አስታውቋል ኢትዮጵያ ውስጥ...

    ሒጂራ ባንክ የ143 ሚሊዮን ብር ኪሳራ አስመዘገበ

    በኢትዮጵያ ሙሉ ለሙሉ ከወለድ ነፃ ባንክ አገልግሎት ለመስጠት ወደ...

    ወጋገን ባንክ ከገጠመው ቀውስ በማገገም በ2014 የሒሳብ ዓመት የተሻለ ትርፍ አገኘ

    ለሁለት ዓመታት የዘለቀው የሰሜን ኢትዮጵያ ጦርነት የቢዝነስ እንቅስቃሴያቸው ከተስተጓጎለባቸው...
    - Advertisment -

    ትኩስ ፅሁፎች

    በኦሮሚያ ክልል የተፈጸመው ጭፍጨፋና ሥጋቱ

    ኦሮሚያ ክልል ከቀውስ አዙሪት መላቀቅ ያቃተው ይመስላል፡፡ ከ200 በላይ...

    እናት ባንክ ካፒታሉን ወደ አምስት ቢሊዮን ብር ለማሳደግ ወሰነ

    መጠባበቂያን ሳይጨምር የባንኩ የተጣራ ትረፍ 182 ሚሊዮን ብር ሆኗል እናት...

    ቡና ባንክ ዓመታዊ ትርፉን ከአንድ ቢሊዮን ብር በላይ ማሻገር ቻለ

    ቡና ባንክ በ2014 የሒሳብ ዓመት ዓመታዊ የትርፍ ምጣኔውን ለመጀመርያ...

    ወጋገን ባንክ ከገጠመው ቀውስ በማገገም በ2014 የሒሳብ ዓመት የተሻለ ትርፍ አገኘ

    ለሁለት ዓመታት የዘለቀው የሰሜን ኢትዮጵያ ጦርነት የቢዝነስ እንቅስቃሴያቸው ከተስተጓጎለባቸው...
    spot_img

    ተዛማጅ ፅሁፎች

    [ክቡር ሚኒስትሩ በዕረፍት ቀናቸው እርጅና የተጫጫናቸው አጎታቸውን ለመጠየቅ ቢሄዱም ሚኒስትሩ ራሳቸው ተጠያቂ ሆነዋል]

    ዛሬ እንዴት ትዝ አልኩህ ክቡር ሚኒስትር? ልትመዛት ያሰብካት ነገር አለች ማለት ነው? እንዴት? ክቡር ሚኒስትር ብለህ ጠራኸኛ?! ክቡር ሚኒስትር አይደለህም እንዴ? እንደዚያ ብለህ በጠራኸኝ ቁጥር አንድ ያልተዋጠለህን ነገር ታነሳለህ።...

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር! ቀድሜ ቀጠሮ እንዲያዝልኝ ስጠይቅ እንደገለጽኩት በተቋሙ ሠራተኛ ተወክዬ ነው የመጣሁት። እንዴ? አንተ የእኛ ተቋም ባልደረባ አይደለህም...

    [የተቃዋሚ ፓርቲው ትይዩ ሚኒስትር ክቡር ሚኒስትሩ ጋ ደውለው መንግሥት በሙሰኞች ላይ ለመውሰድ ስላሰበው የሕግ ዕርምጃ ሐሳብ እየተለዋወጡ ነው]

    ሄሎ… ማን ልበል? ጤና ይስጥልኝ ክቡር ሚኒስትር? ጤና ይስጥልኝ… ማን ልበል? የእርስዎ ትይዩ ነኝ፡፡  አቤት? ያው ፓርቲዬን ወክዬ የፍትሕ ሚኒስትሩ ትይዩ ነኝ ማለቴ ነው፡፡ ኦ... ገባኝ… ገባኝ...  ትንሽ ግራ አገባሁዎት አይደል? ትይዩ...