Tuesday, November 29, 2022
ሌሎች ዓምዶች
    - ማስታወቂያ -
    - ማስታወቂያ -

    አማራ ባንክ በ70 ቅርንጫፍ ባንኮች ሥራ ሊጀምር ነው

    - ማስታወቂያ -

    ተዛማጅ ፅሁፎች

    የምሥረታ ሒደቱን ከጀመረ ሦስት ዓመታትን ያስቆጠረው አማራ ባንክ 70 ቅርንጫ ፎችን ይዞ ቅዳሜ ሰኔ 11 ቀን 2014 ዓ.ም. ሥራ እንደሚጀምር አስታወቀ፡፡ ባንኩ በ70 ቅርንጫፎች ሥራ የሚጀምር ቢሆንም የሰኔ ወር ከመጠናቀቁ በፊት ተጨማሪ 30 ቅርንጫፎችን ሥራ እንደሚያስጀምር አስታውቋል፡፡

    አማራ ባንክ ሥራ የሚጀምርባቸው አብዛኛዎቹ ቅርንጫፎት በአዲስ አበባ ከተማ እንደሚገኙ የተገለጸ ሲሆን፣ ቀሪዎቹ በሌሎቹ የአገሪቱ ክፍሎች ይገኛሉ ተብሏል፡፡

    የባንኩ ዋና ሥራ አስፈጻሚ አቶ ሔኖክ ከበደ ለሪፖርተር እንደገለጹት፣ ባንኩ ወደ ሥራ የሚገባው “T24 Version 2021” የተባለውን የኮር ባንኪንግ ሥርዓት ይዞ ነው፡፡ ባንኩ የኮር ባንኪንግ ሥርዓቱን የዘረጋው ከሲውዘርላንዱ ቴሜኖስ ትራንሳክት (Temenos Transact) ጋር በገባው አጋርነት ሲሆን፣ ሥርዓቱን ለመዘርጋት ከሦስት ሚሊዮን ዶላር በላይ ወጪ ማድረጉን አቶ ሔኖክ ተናግረዋል፡፡

    በቀድሞ በገቢዎችና ጉምሩክ ባለሥልጣን ዋና ዳይሬክተር አቶ መላኩ ፈንታ ቦርድ ሰብሳቢነትና በአቶ ሔኖክ ከበደ ዋና ሥራ አስፈጻሚነት የሚመራው አማራ ባንክ፣ ከ185 ሺሕ በላይ አክሲዮኖችን ይዟል፡፡

    ባንኩ እስከ የካቲት 2013 ዓ.ም. ለአንድ ዓመት ከሦስት ወር ባደረገው የአክሲዮን ሽያጭ 185 ሺሕ ባለ አክሲዮኖችን አፍርቷል፡፡ በዚህም በ6.5 ቢሊዮን ብር የተፈረመና 5.9 ቢሊዮን ብር የተከፈለ ካፒታል ሰብስቧል፡፡

    ባንኩ ለብሔራዊ ባንክ እንዲፀድቁለት ካቀረባረባቸው ከ185 ሺሕ በላይ ባለአክሲዮኖች ውስጥ ለመፈረም ብቁ ናቸው ተብለው የተለዩት 169 ሺሕ ያህሉ ሲሆኑ፣ ከዚህ ውስጥም በትክክል የፈረሙት 141 ሺሕ በላይ ናቸው፡፡ በዚህም የተከፈለ ካፒታሉ 4.8 ቢሊዮን ሆኗል፡፡

    ባንኩ ካልፈረሙት 44 ሺሕ ሰዎች ውስጥ 28 ሺሕ በላዩ መፈረም ሲችሉ ያልፈረሙ መሆናቸውን ያስታወቀ ሲሆን፣ 14 ሺሕ የሚሆኑት የተለያዩ መረጃዎችን በበቂ ሁኔታ ያላሟሉ መሆናቸውን ገልጿል፡፡ 1300 ደግሞ ትውልደ ኢትጵያውያን በመሆናቸው በውጭ ምንዛሬ አክሲዮን መግዛት ሲጠበቅባቸው በብር የከፈሉ መሆናቸውን የባንኩ የቦርድ ሰብሳቡ አቶ መላኩ አስረድተዋል፡፡ በዚህም መሠረት ብሔራዊ ባንክ የካቲት 2 ቀን 2014 ዓ.ም. በፈረመ 6.5 ቢሊዮን ብር በተከፈለ 4.8 ቢሊዮን ብር ለባንኩ ፈቃድ እንደሰጠም አክለዋል፡፡

    ቀሪዎቹን ባለአክሲዮኖች በተመለከተ ወደፊት በሚወሰነው መሠረት የማስፈረም፣ መረጃ እንዲያሟሉ የማድረግና በውጭ ምንዛሬ አክሲዮን እንዲገዙ በማድረግ ባለድርሻ የማድረግ ሥራ እንደሚሠራ ተናግረዋል፡፡

    አማራ ባንክ ከዳሸን ባንክ የመጡት የባንኩ ሥራ አስፈጻሚ አቶ ሔኖክን ጨምሮ አምስት ምክትል ሥራ አስፈጻሚዮችና ሌሎች አመራሮቹን በብሔራዊ ባንክ እንደፀደቁለት አስታውቋል፡፡ ከ800 በላይ የሆኑ ሠራተኞች ቅጥር መፈጸሙንም ገልጿል፡፡

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች