ይህች የኔ አገር ነች፣ የተወለድኩባት፤
ይህን የማይል ሰው ነፍሱ የሞተበት በቁሙ ሙውት፤
ከቶ ይገኝ ይሆን የዚህ ሰው ዓይነት? እውን?
ልቡ በናፍቆት ነዶ ያልከሰለ፣ ከተሰደደበት ባይተዋርነት፤
ባዕድ ጠረፍ ለቆ ሲያስታውስ አገሩን ኮቴውም ሲያመራ ሲያስብ ወዳገሩ፣
አለ ብላችሁ ነው ያልተጨነቀላት የዚህ ዓይነት ኩሩ?
እንዲህ ያለ ካለም፣ ብሉ ደህና አርጋችሁ ታዘቡት አደራ፤
እሱን የሚያሞግስ አዝማሪም አይኖርም የሚይሽሞነሙነው ለሱ የሚራራ፤
ሹመቱም ቢበዛ፣ ዝናውም ቢያኮራው ፉከራው ቢንጣጣ፤
ያሰኘውን ያህል ሃብቱም ገደብ ቢያጣ፤
መጠሪያው ሹመቱ በዝቶ ቢትረፈረፍ፤
ገንዘቡም ቢበዛ በኃይሉም ቢመካ በትምክህት ቢንሳፈፍ፤
ይህ ስንኩል ወራዳ ራስ ወዳድ ፍጡር፤ በቁመናው ሳለ፤
ዝናውን ያጣታል እጥፍ ሞት ሲሞትም፣ ወዲያው ይወርዳታል
ወደ እርኩሲቷ አፈር ወደመነጨባት ወዳዋረዳት፤
ያኔ ይወርዳታል ግብአተ መሬቱን፡፡
- በሰር ዋልተር ስኮት ስድ ትርጉም በዳዊት ዘኪሮስ