Saturday, August 13, 2022
ሌሎች ዓምዶች
    - Advertisment -
    - Advertisment -

    [ክቡር ሚኒስትሩ ከሥራ መልስ መኖሪያ ቤታቸው ገብተው ከባለቤታቸው ጋር እያወጉ ነው]

    • እንዲያው የዚህ አገር ሁኔታ እያሳሰበኝ ነው፡፡
    • አታስቢ… መጪው ጊዜ ብሩህ ይሆናል።
    • እሱ እኮ ነው የሚያሳስበኝ፡፡
    • የቱ?
    • መጪው ጊዜ፡፡ 
    • እመኚኝ አሁን ያለው ጨለማ ይገፈፋል፣ አታስቢ ስልሽ፡፡
    • ሰላማዊ ዜጎች በየአካባቢው እየተገደሉ፣ እርስ በርስ መጠፋፋታችን እየቀጠለ እንዴት ብሎ ጨለማው ይገፋል? 
    • እመኚኝ ስልሽ? 
    • ምኑን ልመንህ?
    • ይህ ጊዜ ማለፉ አይቀርም። 
    • ጊዜውማ ማለፉ የት ይቀራል? 
    • እሱን እኮ ነው የምልሽ፣ ያልፋል፡፡
    • መከራችን መቼ አለፈ? ከጊዜ ወደ ጊዜ እየባሰበት አይደለም እንዴ? 
    • ቢሆንም አብሮነታችን ይመለሳል፣ ያኔ ሰላም ይመጣል።
    • እንደ አፍህ ቢሆንማ ጥሩ ነበር። 
    • እመኚኝ ስልሽ?
    • እስኪ አንድ ነገር ልጠይቅህ? 
    • ጥሩ ጠይቂኝ፡፡
    • አሳምነኝ፡፡
    • ምን አልሽ? 
    • እመኚኝ ከምትለኝ…
    • እ…?
    • ዕድሉን ልስጥህ አሳምነኝ፡፡
    • ሰላም ይሆናል እመኚኝ፡፡
    • አሁን አምኛለሁ። 
    • ምን? 
    • ከዚህ ሌላ የምትለው እንደሌለህ።
    • እንዴት እንደዚያ ትያለሽ? ትክክል አይደለሽም፡፡
    • እምነኝ ስልህ?
    • ምኑን?
    • አንተም አታምንበትም። 
    • እንዴት?
    • እመነኝ ስልህ? 

    [ክቡር ሚኒስትሩ የደኅንነት አማካሪያቸውን አስጠርተው መረጃ እንዲያቀርብላቸው እየጠየቁ ነው]

    • በደቡብ ምዕራብ ኢትዮጵያ ክልል ተፈጠረ ስለተባለው ጉዳይ መረጃ እፈልጋለሁ፣ ምንድነው የሆነው?
    • የደቡብ ሱዳን ታጣቂዎች ናቸው ክቡር ሚኒስትር፡፡
    • በደቡብ ምዕራብ ኢትዮጵያ ክልል እንደሚባለው ወረራ ፈጽመዋል? 
    • ወረራ እንኳን አይደለም ክቡር ሚኒስትር። 
    • እና ምንድነው የተከሰተው? 
    • በክልሉ የሚገኝ ሰፊ የወርቅ ማውጫ ነው የተቆጣጠሩት። 
    • እና ይህ ወረራ አይደለም? 
    • ወረራ አይደለም ያልኩትበት ምክንያት ታጣቂዎቹ በዚህ አካባቢ ከሠፈሩ በርካታ ዓመታት ስለተቆጠሩ ነው። 
    • በርካታ ዓመታት?
    • አዎ፣ ኑሯቸውን በዚህ አካባቢ ካደረጉ ከስምንት ዓመት በላይ ተቆጥሯል። 
    • እንዴት? 
    • ቀደም ሲል የነበረው መንግሥት በአካባቢው እንዲንቀሳቀሱ ተፈቅዶላቸው ነው። 
    • እንዴት? ለምን? 
    • በደቡብ ሱዳን ባለሥልጣናት መካከል ተፈጥሮ የነበረውን ጥል የተለያዩ መንግሥታት ይደግፉ ነበር።
    • እና?
    • በወቅቱ የነበረው የኢትዮጵያ መንግሥትም ተመሳሳይ ድጋፍ ያደርግ ነበር። 
    • ታዲያ እኛ የምንደግፈው ታጣቂ የለም? ለምን እስካሁን ለቀው አልወጡም?
    • ጥያቄው እሱ ነው ክቡር ሚኒስትር፡፡
    • እንዴት? 
    • ከድንበራቸው አልፈው 150 ኪሎ ሜትር ወደ እኛ ወሰን መዝለቃቸው ብቻ ሳይሆን፣ የፀጥታ መዋቅራችን እንቅስቃሴያቸውን ይከታተል ነበር ለማለት ያስቸግራል። 
    • እንዴት ሊሆን ይችላል? 
    • ጥያቄው ይኼ ብቻ አይደለም ክበር ሚኒስትር፡፡
    • እ… ሌላ ምን አለ?
    • ነፍጥ ያነሳብን የውስጣችን ታጣቂ ቡድን ላይ ጠንካራ ዘመቻ ስንጀምር የሸሸው ወደ ጋምቤላና ወደ እዚህ አካባቢ ነው። 
    • ግንኙነት አላቸው እያልከኝ ነው? 
    • ለጊዜው ያረጋገጥነው ነገር የለም፣ ነገር ግን…
    • ግን ምን?
    • ከፍተኛ የጦር መሣሪያ ወደ አገር ውስጥ እየገባ ያለው በዚህ አካባቢ ነው። 
    • እህ…
    • ይኼ ክቡር ሚኒስትር…
    • እ… እየሰማሁ ነው… ቀጥል…
    • ዋነኞቹ የጦር መሣሪያ አዘዋዋሪዎች የወርቅ ጣቢያውን የተቆጣጠሩት ታጣቂዎች ናቸው። 
    • እህ… አሁን ነገሩ ግልጽ እየሆነልኝ ነው። 
    • ምን ተገለጸልዎት ክቡር ሚኒስትር?
    • ይህ ቡድን በኢትዮጵያ ግዛት የከረመው ውኃና ግጦሽ ፍለጋ አለመሆኑ ነዋ፡፡
    • እንደዚያ አለመሆኑ ግልጽ ነው። 
    • ተጨማሪ ምርመራ መደረግ አለበት። 
    • እያደረግን ነው፣ በተለይ የግብፅ እጅ ሊኖር እንደሚችል ምልክቶች አሉ ክቡር ሚኒስትር።
    • የጀመራችሁትን ቀጥሉ፣ ነገር ግን ተጨማሪ ምርመራ መደረግ አለበት።
    • ምን ዓይነት ምርመራ ነው?
    • ሰፋ ያለ ምርመራ መደረግ አለበት፣ በተለይ…
    • እየሰማሁ ነው ክቡር ሚኒስትር፡፡
    • በተለይ ጁንታው ሥልጣን ላይ እያለም ሆነ ከለቀቀ በኋላ የነበረው ግንኙነት በጥልቀት ይፈተሽ!

    በብዛት የተነበቡ ፅሁፎች

    በወለድ ነፃ የባንክ አገልግሎት የተሰበሰበው ከፍተኛ ሀብት ጥቅም ላይ እየዋለ አይደለም ተባለ

    በኢትዮጵያ ከወለድ ነፃ የባንክ አገልግሎት የተሰበሰበው የተቀማጭ ገንዘብ መጠን...

    የታላቁ የኢትዮጵያ ህዳሴ ግድብ ሁለተኛው ተርባይን ኃይል ማመንጨት ጀመረ

    ሦስተኛ ዙር ሙሌት በዛሬው ዕለት እንደሚጠናቀቅ ይጠበቃል የታላቁ የኢትዮጵያ ህዳሴ...

    በቴሌ ብር የማይሠሩ ማደያዎች ቀነ ገደብ ተቀመጠባቸው

    ሚኒስቴሩ ከኢትዮጵያ ንግድ ባንክ ጋር ለመሥራት እየመከረ ነው በኢትዮጵያ...

    የማስተማር ሙያ ሥልጠና ባልወሰዱ መምህራን ላይ አስገዳጅ ውሳኔ ተላለፈ

    ለአሥር ዓመት ሥልጠናውን ያልወሰዱ መምህራን ከመምህርነት ሙያ ይወጣሉ የግል ትምህርት...
    - Advertisment -

    ትኩስ ፅሁፎች

    የታላቁ የኢትዮጵያ ህዳሴ ግድብ ሁለተኛው ተርባይን ኃይል ማመንጨት ጀመረ

    ሦስተኛ ዙር ሙሌት በዛሬው ዕለት እንደሚጠናቀቅ ይጠበቃል የታላቁ የኢትዮጵያ ህዳሴ...

    የክላስተር አደረጃጀት ፖለቲካዊ ውዝግብ

    መንግሥት የደቡብ ብሔር ብሔረሰቦችና ሕዝቦች ክልል ይባል የነበረውን አደረጃጀት...

    በወለድ ነፃ የባንክ አገልግሎት የተሰበሰበው ከፍተኛ ሀብት ጥቅም ላይ እየዋለ አይደለም ተባለ

    በኢትዮጵያ ከወለድ ነፃ የባንክ አገልግሎት የተሰበሰበው የተቀማጭ ገንዘብ መጠን...

    የድሬዳዋ ነፃ የንግድ ቀጣና ምሥረታና ተጠባቂ ዕድሎቹ

    ነፃ የንግድ ቀጣናዎች የልዩ ኢኮኖሚ ቀጣናዎች አካል ሲሆኑ፣ በውስጣቸው...
    spot_img

    ተዛማጅ ፅሁፎች

    [ክቡር ሚኒስትሩ የሥራ አጥነት ችግሮችን የመፍታት ተልዕኮ የተሰጠው ተቋም በዋና ጽሕፈት ቤቱ ሕንፃና ቢሮዎች ላይ ያደረገውን ዕድሳት መርቀው በመክፈት ጉብኝት እያደረጉ ነው]

    እጅግ ውብ ዕድሳት ያደረጋችሁት! በእውነቱ በጣም ድንቅ ነው፡፡ አመሠግናለሁ ክቡር ሚኒስትር። በጣም ድንቅ ነው። ዕድሳቱን ያከናወነው ድርጅት ጥሩ ልምድ ያለው ይመስላል? ተቋራጩ ማን እንደሆነ አልነገርኩዎትም እንዴ? የትኛው ተቋራጭ...

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...

    [ክቡር ሚኒስትሩ የሚመሩት የሥራ አስፈጻሚ ኮሚቴ ስብሰባ አጀንዳ አድርጎ በያዘው ወቅታዊ የፀጥታና ደኅንነት ጉዳዮች ላይ ትኩረት በመስጠት ቢጀመርም በስተመጨረሻ አጀንዳውን ስቶ ስለ መዋደድ እየተጨቃጨቀ...

    በዛሬው መደበኛው መድረካችን አጀንዳ የተለመደው የፀጥታና ደኅንነት ጉዳይ ይሆናል። ሌላ አጀንዳ የምታስይዙት አጀንዳ ከሌለ በቀር ማለቴ ነው። ክቡር ሚኒስትር... እሺ ...ቀጥል አመሰግናለሁ ክቡር ሚኒስትር። መደበኛ አጀንዳው እንደተጠበቀ...