Friday, February 23, 2024
- Advertisement -
- Advertisement -
ኪንና ባህልየሁለገቡ ከያኒ ሰሎሞን ዓለሙ ሽኝት

የሁለገቡ ከያኒ ሰሎሞን ዓለሙ ሽኝት

ቀን:

ከዓመታት በፊት በኢትዮጵያ ሬዲዮ በተላለፈውና ከዓመት በላይ በዘለቀው ‹‹ሸምጋይ›› የሬዲዮ ድራማ ደራሲነቱና ተዋናይነቱ በብዙኃኑ ዘንድ አድናቆትን ያተረፈ ነው፡፡ እነሠራዊት ፍቅሬ፣ አዜብ ወርቁ፣ ድርብ ወርቅ ሰይፉና ፍሬሕይወት መለሰ አባል የነበሩበት አፍለኛው የቴአትር ክበብ በመሥራች አባልነትም ይታወቃል፡፡

ሸምጋይ ድራማው ከዋነኛው ርዕሱ ይልቅ በመሪው ገጸ ባሕርይ ስም ‹‹አብዬ ዘርጋው›› ይበልጥ ይታወቃል፡፡ የድራማው ደራሲ ሰሎሞን ዓለሙ በድራማው የተወነው በልሁን ሆኖ ነበር፡፡ የሰሎሞን ገጸ ታሪኩ እንደሚያሳየው በኢትዮጵያ ሬዲዮ ታሪክ በተለይ ከ1975-1980 ታላላቅ ሥራዎቹ ያበረከተበት ወርቃማ ዘመኑ ነበር፡፡

ከሬዲዮ ድራማ ባሻገር ከሠራቸው የሙሉ ጊዜ ቴአትሮች መካከል ከዳንኪራው ጀርባ፣ ፍራሽ ሜዳ፣ የሁለት ዓለም ሰዎች፣ ግርዶሽ፣ ገመዱ፣ ሰው ለሰው፣ ድብልቅልቅ፣ በድሉ፣ ግራኝ፣ አዙሪት፣ ጽናት ይጠቀሳሉ፡፡ በቴሌቪዥን መስክም 13 ተከታታይ የቴሌቪዥን ድራማዎችን አዘጋጅቶ ማሳየቱም ይነገርለታል፡፡

- Advertisement -

Video from Enat Bank Youtube Channel.

በጸሐፌ ተውኔትነት፣ በደራሲነት፣ በተዋናይነትና በገጣሚነት የሚታወቀው ሰሎሞን በመቶዎች የሚቆጠሩት የሬዲዮ ድራማዎቹ በአምስት ቋንቋዎች ቀርበውለታል፡፡

ሁለገቡ ከያኒ ሰሎሞን ባደረበት ሕመም ምክንያት ሕክምናውን ሲከታተል ቆይቶ ዜና ዕረፍቱ ሰኔ 20 ለ21 አጥቢያ መሰማቱ ታውቋል፡፡

ሥርዓተ ቀብሩ ሰኔ 22 ቀን 2014 ዓ.ም. ከቀኑ ዘጠኝ ሰዓት በቅድስት ሥላሴ ካቴድራል የሚፈጸመው፣ እኩለ ቀን ላይ በኢትዮጵያ ብሔራዊ ቴአትር የሽኝት ሥነ ሥርዓት ከተካሄደለት በኋላ መሆኑን የቀብር አስፈጻሚ ኮሚቴው አስታውቋል፡፡

ከያኒ ሰሎሞን የአንድ ወንድ ልጅ አባት ነበር፡፡

‹‹ለእግዜር እግዜር አለው፤ ለሰውም እግዜር

ሶሎሞን ፈጣሪው ፤ የእግዜር ባልንጀር፡፡

ሰውን አድን ብሎ እግዜር ሞቶ ያውቃል፣

ምሳሌውን ይዞ ሶሎሞንም ወድቋል፡፡

ወድቋል ሶሎሞን፤ አካሉ ዛለና፤ መንፈሱ ደበተና

ያይ ይሰማው ከብዶት – ከሰው ፊት ሸሸና፡፡

ስሙን ትቶ ወድቋል- የጎበዝ እጁን ተንተርሶ

ከሚሊዮን ልብ ውስጥ – ጥቂት ሥፍራ ትቶ!!›› ብሎ እንጉርጉሮውን  ‹‹የ‹አብዬ ዘርጋው› እግዚአብሔር አረፈ!›› በማለት  ያቀረበው፣ ስንኞችን ያሠረለት በፍቅሩ ዳኛቸው ነው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ የካቤኔ አባል የሆኑት አንድ ከፍተኛ ባለሥልጣን የሚያቀርቡትን ቅሬታ እያዳመጡ ነው] 

ክቡር ሚኒስትር እየሆነ ያለው ነገር በእጅጉ ስላሳሰበኝ ነው በአካል...

የአፍሪካ ኅብረት ጉባዔና የሶማሊያ ፕሬዚዳንት የፈጠሩት አምቧጓሮ

ባለፈው ቅዳሜና እሑድ በአዲስ አበባ የተካሄደው የአፍሪካ ኅብረት 37ኛው...

የብሔራዊ ባንክ የገንዘብ ፖሊሲ ትግበራ የፈጠራቸው አሉታዊና አዎንታዊ ጎኖች

የአገሪቱ ንግድ ባንኮች በዓመት የሚሰጡት የብድር መጠን ላይ የኢትዮጵያ...

ቱግ ቱግ!

የአፍሪካ ኅብረት ጉባዔ ለመታደም የመጡ እንግዶችን ሸኝተን ከፒያሳ ወደ...