Sunday, February 5, 2023
- Advertisement -
- Advertisement -
ስፖርትአሠልጣኝ ካሳዬ አራጌና ኢትዮጵያ ቡና በይፋ ተለያይተዋል

አሠልጣኝ ካሳዬ አራጌና ኢትዮጵያ ቡና በይፋ ተለያይተዋል

ቀን:

ገብረመድኅን ኃይሌ እንደ ገና ወደ መድን አሠልጣኝነት?

ከሦስት ዓመት በፊት ከሚኖርበት አሜሪካ ወደ ኢትዮጵያ እንዲመጣ በማድረግ ክለቡን በዋና አሠልጣኝነት እንዲያገለግል ዕድሉን ያገኘው አሠልጣኝ ካሳዬ አራጌና ኢትዮጵያ ቡና በይፋ መለያየታቸው ታውቋል፡፡ ባለፈው የውድድር ዘመን ካሳዬ በቋሚ ተጫዋችነት ሲጠቀምባቸው ከነበሩ ብዙዎቹ ተጫዋቾችም ከአሠልጣኙ ጋር ክለቡን እንዲለቁ ተደርጓል፡፡

በአሠልጣኝ ውበቱ አባተ አማካይነት የኢትዮጵያ ፕሪሚየር ሊግ የ2003 ዓ.ም. የውድድር ዘመን የዋንጫ ባለቤት መሆን የቻለው ኢትዮጵያ ቡና፣ ኳስን መሠረት ያደረገ አጨዋወት በመከተል የሚታወቅ ቢሆንም፣ በውጤታማነት ረገድ ይህን ያህል የሚጠቀስ እንዳልሆነ ይታወቃል፡፡ ሆኖም ግን በኅብረ ዝማሬያቸው የሚታወቁት የክለቡ ደጋፊዎች ቁጥር ዛሬም በከፍተኛነቱ ይጠቀሳል፡፡

ከቀድሞ የኢትዮጵያ ቡና ተጫዋቾች በግንባር ቀደምትነት የሚጠቀሰው ካሳዬ አራጌ፣ የኢትዮጵያ ቡና ዋና አሠልጣኝ ሆኖ በቆየባቸው ባለፉት ሦስት ዓመታት በሚከተለው የአጨዋወት ፍልስፍና፣ ክለቡን ውጤታማ እንደሚያደርግ በአመራሩም ሆነ በደጋፊው ተጥሎበት የነበረው ተስፋ ባለመሳካቱ በስምምነት ከኃላፊነቱ እንዲነሳ መደረጉ ክለቡ አስታውቋል፡፡

ለሚያምንበት ብቻ ሳይሆን የሥነ ምግባር ባለቤት መሆኑ የሚነገርለት ካሳዬ አራጌ ከስንብቱ በኋላ መግለጫ የሰጠው ክለቡ፣ ‹‹አሠልጣኝ ካሳዬ አራጌ ለኢትዮጵያ ቡና ከገባው ውል አንዱና ዋነኛው በሦስት ዓመታት ውስጥ ክለቡን ውጤታማ ማድረግ፣ ይህ የማይሆን ከሆነ ውል ይቋረጣል የሚል ተካቷል፤›› ብሏል፡፡ ክለቡን በቀጣይ የሚያሠለጥነው አሠልጣኝ ማንነት በተመለከተ በቅርቡ እንደሚያሳውቅ ጭምር  አስታውቋል፡፡

በተጨማሪም ኢትዮጵያ ቡና ዘንድሮ ይዟቸው ከነበሩት ተጫዋቾች 16 ተጫዋቾች ማሰናበቱንም ይፋ አድርጓል፡፡ በተያያዘ ዜና የኢትዮጵያ እግር ኳስ ፌዴሬሽን ከሐምሌ 1 ቀን 2014 ዓ.ም. ጀምሮ ክለቦች ለ2015 የውድድር ዓመት ተጫዋቾችን ማዘዋወር እንደሚችሉ አስታውቋል፡፡

በሌላ በኩል ከረዥም ዓመታት በኋላ ወደ ፕሪሚየር ሊጉ ያደገው ኢትዮጵያ መድኅን፣ ለክለቡ እዚህ ደረጃ መድረስ ዓይነተኛ ሚና የነበረውን አሠልጣኝ አሰናብቶ በምትኩ በፕሪሚየር ሊጉ በርካታ ክለቦችን በማሠልጠን የሚታወቀው አሠልጣኝ ገብረመድኅን ኃይሌን ለመተካት ማሰቡ እየተነገረ ይገኛል፡፡

ከትምህርት ዝግጅት ጀምሮ ከጠንካራዎቹ ወጣት አሠልጣኞች ተርታ የሚመደበው አሠልጣኝ በፀሎት ልዑል ሰገድ፣ ለስንብቱ ምክንያት ተደርጎ እየተነገረ የሚገኘው የፕሪሚየር ሊግ ልምድ መሆኑ ለምን አሰኝቷል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የኢትዮጵያ ካፒታል ገበያ ምሥረታ ዝግጅቶችና ከገበያው የሚጠበቁ ዕድሎች

ኢትዮጵያ ከ50 ዓመት በኋላ ዳግም የምታስጀምረውን የካፒታል ገበያ ዘመኑን...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

መንግሥት የደቡብ ሱዳን ታጣቂዎች ድንበር ጥሰው የሚያደርሱትን ጥቃት እንዲያስቆም ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዮች ቋሚ...