Sunday, February 5, 2023
- Advertisement -
- Advertisement -
ማኅበራዊበተደጋጋሚ ጥፋት ይታገድ የነበረው የመንጃ ፍቃድ ለጊዜው እንዲቆም ተወሰነ

በተደጋጋሚ ጥፋት ይታገድ የነበረው የመንጃ ፍቃድ ለጊዜው እንዲቆም ተወሰነ

ቀን:

በኤልያስ ተገኝ

በአዲስ አበባ ከተማ በዲጂታል መንገድ ተመዝግቦ ተደጋጋሚ ጥፋት በፈጸሙ አሽከርካሪዎች ላይ ተግባራዊ ሲደረግ የቆየው የመንጃ ፍቃድ ዕገዳ ላልተወሰነ ጊዜ እንዲቆም ተወሰነ፡፡

የአዲስ አበባ ከተማ አስተዳደር ትራፊክ ማኔጅመንት ኤጀንሲ እንዳስታወቀው፣ በቀድሞው የፌደራል ትራንስፖርት ባለሥልጣን ተዘጋጅቶ በሥራ ላይ የነበረው ሲስተም ላይ በተደረገው ጥናት የቴክኒካዊ ችግሮች ተስተውለዋል፡፡ በዚህ ወቅት በአሠራር ላይ ያጋጠሙትንና የታዩት ችግሮች መፍትሄ እስኪያገኙ ድረስ በሲስተሙ የሚሠሩት ሌሎች አገልግሎቶች ሲቀጥሉ፣ የመንጃ ፈቃድ ዕገዳ ግን ለጊዜው እንዲቆም ተወስኗል፡፡

ኤጀንሲው እንደገለጸው፣ የሚኒስትሮች ምክር ቤት ያወጣውን የመንገድ ትራንስፖርት ትራፊክ መቆጣጠሪያ ደንብ ቁጥር 395/2009 ሙሉ ለሙሉ ተግባራዊ በማድረግ የፖይንት ፔናሊቲ ሲስተም (Point Penality)ን ሥራ ላይ ውሎ በአሽከርካሪዎች የሚፈጸሙ ጥፋቶች በደንቡ መሠረት እየተመዘገቡ ነጥቡ 17 ሲደርስ ሲስተሙ እንዲያግዳቸው ሲደረግ ቆይቷል፡፡

አሽከርካሪዎች ከታገዱ በኃላ የተሐድሶ ሥልጠና የሚወስዱበት ሁኔታ ላይ የተሟላና የተደራጀ አተገባበር አለመኖሩ፣ ሲስተም ውስጥ ያልተመዘገቡ አሽከርካሪዎች የማይታገዱ በመሆኑ በዜጎች መካከል የፍትሐዊነት ችግር መፍጠሩ፣ ከማኅበረሰቡ የሚነሱ ቅሬታዎችን መነሻ በማድረግ እንዲሁም ከአሠራር ጋር ተያይዘው ግልጽ የሆነ የአሠራር ሥርዓት  ያልተበጀ  መሆኑን በጥናት ማረጋገጡን ኤጀንሲው አስታውቋል፡፡

አንድ አሽከርካሪ ታግዶ የዕግድ ጊዜውን ከጨረሰ በኋላ ዕግዱ የሚነሳበት መንገድ አለመኖሩ፣ እየተሰጡ በሚገኙ አገልግሎቶች ላይ ሌላ ጫናን የሚፈጥር ሆኖ ተገኝቷል ያለው ኤጀንሲው፣ አንድ አሽከርካሪ ዕግዱን ጨርሶ ወይም በተደጋጋሚ ቅጣት ሲስተሙ ታግዷል ከተባለ በኋላ አሽከርካሪው የመንጃ ፈቃድ እድሳት በሚጠይቅበት ጊዜ ሲስተሙ ላይ የበፊት የግለሰቡን ታሪክ (History) በማየት ብቻ ውሳኔ መስጠት እንዳልተቻለ አመላክቷል፡፡

በጥናት የተለዩት ችግሮች መፍትሔ እስኪሰጥባቸው ድረስ አሽከርካሪዎችን የማገድ ተግባር ለጊዜው ማቆሙ አስፈላጊ ሆኖ ተገኝቷል ያለው የትራፊክ ማኔጅመንት ኤጀንሲ፣ ከሰኔ 30 ቀን 2014 ዓ.ም. ጀምሮ የመንጃ ፈቃድ ዕገዳ እንዲቆም መወሰኑን ይፋ አድርጓል፡፡

በተጨማሪም ሲስተሙ ከመንጃ ፈቃድ ዕግድ በስተቀር እየሰጣቸው የሚገኙ ሌሎች አገልግሎቶችን እየሰጠ እንዲቆይ፣ የአሽከርካሪዎች የጥፋት ዓይነትና እርከን እንዲይዝ (እንዲመዘገብ)፣ በጥፋት ድግግሞሽ ምክንያት እያደገ የሚሄደውን የገንዘብ ቅጣት መጠንና የወለድ ስሌት ሳይነካ እንዲቀጥል ሆኖ ለዕገዳ የሚያደርስ ነጥብ ጋር ሪከርዱ ሲደርስ ሳይታገድ አገልግሎቱ እንዲቀጥል መወሰኑን ኤጀንሲው ያስታውቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የኢትዮጵያ ካፒታል ገበያ ምሥረታ ዝግጅቶችና ከገበያው የሚጠበቁ ዕድሎች

ኢትዮጵያ ከ50 ዓመት በኋላ ዳግም የምታስጀምረውን የካፒታል ገበያ ዘመኑን...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

መንግሥት የደቡብ ሱዳን ታጣቂዎች ድንበር ጥሰው የሚያደርሱትን ጥቃት እንዲያስቆም ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዮች ቋሚ...