Wednesday, February 8, 2023
- Advertisement -
- Advertisement -
ማኅበራዊነዳያንና አበል የተከፈላቸውን ሠራተኞች በማስፈረም ጠቅላላ ጉባዔ አድርጓል የተባለው ኢነፓ ታገደ

ነዳያንና አበል የተከፈላቸውን ሠራተኞች በማስፈረም ጠቅላላ ጉባዔ አድርጓል የተባለው ኢነፓ ታገደ

ቀን:

 

  የኢትዮጵያ ብሔራዊ ምርጫ ቦርድ፣ በልመና ሥራ ላይ የተሰማሩ እንዲሁም አበል የተከፈላቸውን ተሳታፊዎች በማሳተፍ የጠቅላላ ጉባዔ አድርጓል ያለውን የኢትዮጵያ ነፃነት ፓርቲ (ኢነፓ)ን አገደ፡፡

ምርጫ ቦርድ ለፓርቲው በላከው ደብዳቤ ላይ እንዳስታወቀው፣ የምርጫ ሥነ ምግባር አዋጅ ቁጥር 1162/2011ን ጠቅሶ ‹‹ፓርቲው በማጭበርበር ወይም እያወቀ ወይም ማወቅ የተገባው ሆኖ ሳለ አሳሳች መረጃ በማቅረብ የተመዘገበ ከሆነ ወይም በአዋጁ መሠረት ሲጠየቅ የሐሰት መረጃ ለቦርዱ የሰጠ እንደሆነ፣ ቦርዱ ከምዝገባ ሊሰርዘው እንደሚችል ተደንግጓል፤›› በማለት አስታውቋል፡፡

በሐምሌ 13 ቀን 2014 ዓ.ም. ስብሰባ የተቀመጠው የምርጫ ቦርድ ኢነፓ የፓርቲዎች ምዝገባና የምርጫ ሥነ ምግባር አዋጅ ስለተላለፈ የመጨረሻ ውሳኔ እስከሚሰጥ ድረስ እንዲታገድ መወሰኑን ገልጿል፡፡

ቦርዱ ላሳለፈው ውሳኔ ዋቢ ያደረገው ሚያዝያ 2 ቀን 2014 ዓ.ም. የኢትዮጵያ ነፃነት ፓርቲ (ኢነፓ) ያደረገውን ጠቅላላ ጉባዔ በተመለከተ፣ ፓርቲው ያቀረባቸውን ሠነዶችና ሪፖርቶች እንዲሁም የቦርዱ ታዛቢዎችን ሪፖርት ከመረመረ በኋላ መሆኑን አስረድቷል።

በፓርቲው የጠቅላላ ጉባዔ ላይ የታደሙት የቦርዱ ታዛቢዎች ባቀረቡት ሪፖርት፣ የፓርቲው ምልዓተ ጉባዔ በወቅቱ በቁጥር ደረጃ የተሟላ ቢሆንም፣ አብዛኛው የጉባዔው ተሳታፊዎች የፓርቲው አባል ሆነው ሳይሆን በልመና ሥራ ላይ የተሰማሩ ግለሰቦችና በአበል የተገኙ መሆናቸውን መረዳታቸውን አመላክተዋል ተብሏል፡፡

ከዚህ በተጨማሪም የፓርቲው መተዳደሪያ ደንብ በጠቅላላ ጉባዔ ቀርቦ ውይይት ተደርጎበት ለምርጫ ቦርድ እንዲቀርብ ቢገባውም፣ የፓርቲው መተዳደሪያ ደንብ ለጉባዔው ቀርቦ ያልፀደቀ መሆኑን ቦርዱ አስታውቋል፡፡ ይህም ብቻ ሳይሆን ኢነፓ ይህንን እውነታ ወደ ጎን በመተው ለቦርዱ የፓርቲው መተዳደሪያ ደንብ ውይይት ተደርጎበት እንደፀደቀ የሚገልጽ መረጃ ማቅረቡ ተመላክቷል፡፡

የኢትዮጵያ ነፃነት ፓርቲ ሚያዚያ 15 ቀን 2014 ዓ.ም. ለቦርዱ ባቀረበው የጉባዔ ሪፖርት፣ በጠቅላላ ጉባዔው የተገኙ አባላት 575 እንደሆኑ የሚገልፅ 26 ገጽ የስም ዝርዝርና ፊርማ የያዘ ሰነድ እንደቀረበለት ያስረዳው ምርጫ ቦርድ፣ ይህም የቦርዱ ተወካዮች ካቀረቡት ሪፖርት ጋር የሚቃረን መሆኑን ገልጿል፡፡

ፓርቲው የጉባዔ አባላት ናቸው በማለት ለምርጫ ቦርድ ያቀረበው የስም ዝርዝርና ፊርማ በትክክል የፓርቲው አባላት አለመሆናቸውን መረዳቱን ቦርዱ አስታውቆ፣ በተጨማሪም የተሻሻለው የፓርቲ መተዳደሪያ ደንብ ለጉባዔ ቀርቦ ሳይፀድቅ እንደፀደቀ በማድረግ የተሳሳተ መረጃ እንደቀረበለት ተብራርቷል፡፡

ፓርቲው በጉዳዩ ላይ አለኝ የሚለውን መከላከያ ማስረጃ ከሐሙስ ሐምሌ 22 ቀን 2014 ዓ.ም. በፊት እንዲያቀርብ ምርጫ ቦርድ ትዕዛዝ ሰጥቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ጥቁር የመልበስ ውዝግብና የእምነት ነፃነት በኢትዮጵያ

ጠቅላይ ሚኒስትር ዓብይ አህመድ (ዶ/ር) ኅዳር ወር ላይ በፓርላማ...

የኢንሹራንስ ዘርፉን የሚቆጠጠር ገለልተኛ ተቋም ለመመሥረት እንቅስቃሴ ተጀመረ

ከ70 በላይ አዳዲስ የፋይናንስ ተቋማት ዘርፉን ሊቀላቀሉ ነው የኢትዮጵያ ብሔራዊ...

እስቲ አንገፋፋ!

እነሆ መንገድ። ጊዜና ሥፍራ ተጋግዘው በውስንነት ይዘውናል። መፍጠን ያቃተው...