Saturday, November 26, 2022
ሌሎች ዓምዶች
    - Advertisement -
    - Advertisement -
    ዜናስለተገደሉ ሠራተኞቻቸው ሊጠይቁ ወደ ኢትዮጵያ የመጡት ስፔናዊቷ የኤምኤስኤፍ ፕሬዚዳንት የሚያነጋግራቸው እንዳጡ ተናገሩ

    ስለተገደሉ ሠራተኞቻቸው ሊጠይቁ ወደ ኢትዮጵያ የመጡት ስፔናዊቷ የኤምኤስኤፍ ፕሬዚዳንት የሚያነጋግራቸው እንዳጡ ተናገሩ

    ቀን:

    በትግራይ ክልል በዕርዳታ ሥራ ላይ እያሉ ስለተገደሉ ሦስት የድንበር የለሸ የሐኪሞች ቡድን (ኤምኤስኤፍ) ሠራተኞች ሞት ለመነጋገር ወደ ኢትዮጵያ የመጡት፣ ኤምኤስኤፍ ስፔን ፕሬዚዳንት ፓውላ ጊል፣ ከፌዴራል መንግሥት ተወካዮች ጋር ተገናኝተው መነጋገር እንዳልቻሉ ገለጹ፡፡

    የፕሬዚዳንቷ ጉብኝቷቸው፣ ቡድኑ ከኢትዮጵያ መንግሥት የሚኖረው ግንኙነት ላይ ‹‹ወሳኝ ዕርምጃ›› እንዲሆን ታስቦ እንደነበር ገልጸው ‹‹በቀጣይ ዕርምጃዎቻችን ላይ የምናሰላስልበት ጊዜ አሁን ነው፤›› ብለዋል፡፡

    ባለፈው ሳምንት ማክሰኞ ሐምሌ 12 ቀን 2014 ዓ.ም. ወደ ኢትዮጵያ መጥተው ለስድስት ቀናት የቆዩት ፕሬዚዳንቷ፣ ጉብኝታቸው የተጠናቀቀው ‹‹በጣም ተስፋ አስቆራጭ›› ሆኖ እንደሆነ ማክሰኞ ሐምሌ 19 ቀን 2014 ዓ.ም. ባወጡት መግለጫ አስታውቀዋል፡፡

    ፓውላ፣ ወደ ኢትዮጵያ የመጡት ባለፈው ዓመት ሰኔ 17 ቀን 2013 ዓ.ም. ስለተገደሉት ሁለት ኢትዮጵያዊና አንዲት ስፔናዊ የቡድኑ ሠራተኞች ጉዳይ፣ ከፌደራል መንግሥት ባለሥልጣናት ጋር ለመነጋጋር በማሰብ መሆኑን አስታውቀዋል፡፡ ‹‹ከኢትዮጵያ ፌዴራል መንግሥት ጋር የምናደርገውን ውይይት እንቀጥላለን የሚል ተስፋ ነበረኝ›› ያሉት ፕሬዚዳንቷ፣ በሠራተኞቹ ግድያ ላይ ስለተደረገው ምርመራ ለሚኒስቴር መሥሪያ ቤቶች ጥያቄ ቢያቀርቡም ከባለሥልጣኑ ጋር መገናኘት እንዳልቻሉ አስታውቀዋል፡፡

    ቡድኑ ባለፈው ዓመት በትግራይ ክልል የተገደሉበት ዮሐንስ ሀለፎም የተባለ የ31 ዓመት ረዳት አስተባባሪ፣ ቴዎድሮስ ገብረ ማሪያም የተባለ የተባለ የ31 ዓመት የቡድኑ ሹፌርና ማሪያ ኸርናንዴዝ የተባለች የ35 ዓመት ስፔናዊ የቡድኑ ሠራተኛ ናቸው፡፡

    ቡድኑ እነዚህ ሠራተኞች በጉዞ ላይ እያሉ ከቡድኑ ጋር ግንኙነታቸው እንደተቋረጠና በማግሥቱ የሦስቱም አስከሬን ከነበሩበት መኪና ከ100 እስከ 400 ሜትር ርቀት ላይ እንደተገኘ አስታውቆ ነበር፡፡

    ሠራተኞቹ ሆን ተብሎ እንደተገደሉ እንደሚያምን የገለጸው ቡድኑ፣ ግድያው አንድ ዓመት ቢሞላውም እስካሁን ማንም ኃላፊነቱን እንዳልወሰደ አስታውቋል፡፡ የኢትዮጵያ መንግሥት በግድያው ላይ ምርመራ እያደረገ መሆኑን ቢያሳውቅም፣ አሁንም ድረስ የምርመራው ቅድመ ውጤትም ሆነ ምርመራውን መቼ እንደሚጠናቀቅ እንዳልተገለጸ የጠቆመው ቡድኑ፣ የሠራተኞቹን ግድያ አንደኛ ዓመትን አስመልክቶ ባወጣው መግለጫ ላይ አስታውቆ ነበር፡፡

    ቡድኑ ከኢትዮጵያ ባለሥልጣናት ጋር ከአንድ ዓመት በላይ ንግግር ሲያደርግ መቆየቱን ከጉብኝታቸው በኋላ ባወጡት መግለጫ ላይ የጠቀሱት ፕሬዚዳንቷ እስካሁን ድረስ በቡድኑ ሠራተኞች ላይ ስለደረሰው ጉዳይ ‹‹ምንም ዓይነት ተአማኒነት ያለው መልስ›› ባለመገኘቱ ማዘናቸውን ገልጸዋል።

    ከዚህም በተጨማሪ ፕሬዚዳንቷ፣ ‹‹ትግራይን እንድጎበኝ ከባለሥልጣናት ፈቃድ አልተሰጠኝም›› በማለት ስለ ሠራተኞቹ ግድያ የቡድኑን የውስጥ ግምገማ ሒደት ለተገደሉት ሁለት ኢትዮጵያውያን ቤተሰቦች ለማሳወቅ ወደ ትግራይ ክልል ለመሄድ ያደረጉት ጥረት እንዳልተሳካ ተናግረዋል፡፡

    የቡድኑን ፕሬዚዳንት ቅሬታን አስመልክቶ ሪፖርተር ያነጋገራቸው የመንግሥት ኮሙዩኒኬሽን አገልግሎት ሚኒስትር ደኤታ ወ/ሮ ሰላማዊት ካሳ ‹‹እኛም መግለጫው ሲወጣ ነው የተመለከትነው›› የሚል ምላሽ ሰጥተዋል፡፡

    የቡድኑ ፕሬዚዳንት ወደ ኢትዮጵያ ከመጡ በኋላ ከማን ጋር ንግግር እንዳደረጉ እንደማያውቁ የተናጉት ሚኒስተር ደኤታዋ፣ ‹‹እኛ ጋር አልመጡም፣ የትኛውን የመንግሥት ተቋም ጠይቀው እንደተከለከሉም አናውቅም፤›› ብለዋል፡፡ አክለውም መሥሪያ ቤታቸው ጉዳዩን እያጣራ መሆኑን ተናግረዋል፡

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የትርፍ መጠኑን በ127 በመቶ ያሳደገው አቢሲኒያ ባንክ ካፒታሉን በ2.5 ቢሊዮን ብር እንዲያድግ ወሰነ

    የአቢሲኒያ ባንክ ዳይሬክተሮች ቦርድ የባንኩ  ካፒታል በ2.5 ቢሊዮን ብር...

    አዋሽ ባንክ ካፒታሉን 55 ቢሊዮን ብር ለማድረስ ወሰነ

    የአዋሽ ባንክ ዳይሬክተሮች ቦርድ ዛሬ ህዳር 17 ቀን 2015...

    ከብሔራዊ ባንክ እውቅና ያገኘው ፔይሊንክ አክሲዮን ማህበር ምሥረታውን አካሄደ

    ከገንዘብ ንክኪ ነፃ የሆነ የዲጂታል ክፍያ ሥርዓት ለመተግበር ያቀደው...