Monday, September 26, 2022
ሌሎች ዓምዶች
    - Advertisment -
    - Advertisment -

    [ክቡር ሚኒስትሩ የሚመሩት የሥራ አስፈጻሚ ኮሚቴ ስብሰባ አጀንዳ አድርጎ በያዘው ወቅታዊ የፀጥታና ደኅንነት ጉዳዮች ላይ ትኩረት በመስጠት ቢጀመርም በስተመጨረሻ አጀንዳውን ስቶ ስለ መዋደድ እየተጨቃጨቀ ነው]

    በዛሬው መደበኛው መድረካችን አጀንዳ የተለመደው የፀጥታና ደኅንነት ጉዳይ ይሆናል። ሌላ አጀንዳ የምታስይዙት አጀንዳ ከሌለ በቀር ማለቴ ነው።

    • ክቡር ሚኒስትር…
    • እሺ …ቀጥል
    • አመሰግናለሁ ክቡር ሚኒስትር። መደበኛ አጀንዳው እንደተጠበቀ ሆኖ በልዩ ሁኔታ ልንወያይባቸው የሚገቡ ጉዳዮች እንዲካተቱ ቢደረግ ለማለት ነው።
    • በልዩ ሁኔታ የሚነሳ ምን አጀንዳ አለ? 
    • ይኖራል እንጂ ክቡር ሚኒስትር …አለ!
    • አጀንዳ ማስያዝ ትችላለህ …ቀጥል።
    • ክቡር ሚኒስትር እኔ ሠግቻለሁ!
    • ሠግቻለሁ?
    • አዎ ክቡር ሚኒስትር …እኔ ፍርኃት አለኝ።
    • ፍርኃቱን ተወውና አጀንዳህን ለምን አታስይዝም?
    • ወደ እሱ ልመጣ ነው።
    • እሺ …ቀጥል 
    • ክቡር ሚኒስትር ፍርኃት አለኝ ያልኩት አጀንዳዬን ከነ ስሜቱ ለማስያዝ ፈልጌ ነው። የዛሬ ውይይታችን በዚህ መልኩ በግልጽ ካልተካሄደ መፍትሔው ይርቅብናል ብዬ አስባለሁ። 
    • ለምን ወደ አጀንዳህ አትገባም?
    • ወደዚያ እየመጣሁ ነው ክቡር ሚኒስትር። በቀዬው ለዓመታት ተቀምጠን ያልደፈረን አልሸባብ ከሰሞኑ በአገራችን ላይ ወረራ መፈጸሙ አስግቶኛል። አልሸባብ እንደዚህ ዓይነት ድፍረት ላይ ሲደርስ እኛ የት ነበርን? 
    • አጀንዳውን እንወያይበታለን ነገር ግን አንተ እንዳልከው ፍርኃት የሚጭር ወይም የሚያሠጋ አይደለም። 
    • እንዴት አያሠጋም ክቡር ሚኒስትር? 
    • አንተን ልጠይቅህ፣ ለምን ሥጋት ተፈጠረብህ?
    • አልሸባብ ምን ነበረ፣ እንዴት በዚህ ደረጃ ኢትዮጵያን ደፈረ የሚለውን ከጠየቅን ያሠጋል። በቀላሉ መታየት የለበትም ክቡር ሚኒስትር። 
    • አልሸባብ ምን ነበረ ማለት? አሸባሪ አይደለም እንዴ? በፊትም አሸባሪ ነው፣ አሁንም አሸባሪ ነው።
    • ትክክል ነው። ግን ቦምብ ከማፈንዳትና አጥፍቶ ከመጥፋት ውጪ አቅም ያልነበረው የሽብር ቡድን ነበር እስከ ቅርብ ጊዜ ድረስ።
    • እና ምን እያልክ ነው?
    • ክቡር ሚኒስትር የአጥፍቶ መጥፋት ቦምብ በማፈንዳት የሚታወቅ ቡድን አድጎ አገር ለመውረር ሲንቀሳቀስ እኛ የት ነበርን? ተቋሞቻችን ምን ይሠሩ ነበር? 
    • ሥጋትህን ተረድቻለሁ ነገር ግን የት እንደነበርን ደግሞ የሚጠፋህ አይመስለኝም።
    • ክቡር ሚኒስትር እሱን እረዳለሁ ነገር ግን የአልሸባብን እንቅስቃሴ ለመከታተል የሚሆን የመረጃ አቅም አልነበረንም ለማለት እቸገራለሁ። 
    • ሥጋትህን ተረድቻለሁ። ውይይት ይደረግበታል። 
    • ክቡር ሚኒስትር ከአልሸባብ ጋር ተያይዞ መነሳት ያለበት ሌላም ጉዳይ አለ?
    • ምንድነው?
    • አልሸባብ ወረራ ፈጽሞብን ሳለ እንዲሁም አልሸባብ የሁላችንም የቀጣናው አገሮች ጠላት ሆኖ ሳለ የአገሪቱ ፕሬዚዳንት ግን እስካሁን በእኛ ላይ የተፈጸመውን ጥቃት አላወገዙም። 
    • እሱ እንኳን ብዙ የሚያሳስበን አይደለም።
    • እንዴት አያሳስብም ክቡር ሚኒስትር? አልሸባብ ከዚያው አገር እየተነሳ አይደለም እንዴ ጥቃት የሚሰነዝርብን?
    • ቢሆንም ለምን አላወገዙም ብለን መጨነቅ የለብንም፣ አሳሳቢ አይደለም።
    • ኩቡር ሚኒስትር እንዴት አያሳስብም? 
    • ምን ያሳስበናል?
    • ክቡር ሚኒስትር ይህ ቡድን ካላረፈ የሚቃጣብንን አደጋ ለመቀልበስ የገባበት መግባታችን አይቀርም። አሁን በማየው አዝማሚያ ግን አዲሱ የአገሪቱ መሪ ጀርባቸውን እየሰጡን ይመስለኛል። የሚቻለን አይመስለኝም። 
    • ለምን አይቻለንም?
    • ብንችል እንኳ የሁለት አገሮች ግጭት አድርገው በመሳል አገራችንን ለቀጣናው መረጋጋት ጠንቅ እንደሆነች አድርገው ይዘምቱብናል። ይህ ደግሞ ከባድ ዲፕሎማሲያዊ ኪሳራና ቅርቃር ውሰጥ እንዳይከተን እሠጋለሁ። በተጨማሪም
    • አይበቃህም…?
    • ክቡር ሚኒስትር ሌላም ችግር አለ። እየመጣ ያለውን ችግር ምሉዕ ሥዕል ልንመለከት ይገባል።
    • ምን የቀረ ነገር አለ? 
    • ክቡር ሚኒስትር አልሸባብ የፈጸመብንን ወረራ የአገሪቱ ፕሬዚዳንት ማውገዝ ሲገባቸው ፕሬዚዳንቱ ግን ሌላ የኢትዮጵያ ባላንጣ የሆነችን አገር ሲጎበኙና በማይመለከታቸውን የህዳሴ ግድብ አጀንዳ አንስተው ሲወያዩ በይፋ በሚዲያ ጭምር ታይተዋል። ይህ ምን ማለት ነው? 
    • ቆይ… እስኪ አንድ ጥያቄ ልጠይቅህ? 
    • ክቡር ሚኒስትር ጥያቄዎቼን አልጨረስኩም ነበር ግን አርሶ ጥያቄ ካለዎት ይጠይቁኝ!
    • እኔን ትወደኛለህ? 
    • እኔን ነው? 
    • አዎ። ትወደኛለህ?
    • “What love got to do with it?”
    • ምን አልክ?
    • መውደድን እዚህ ምን አመጣው ማለቴ ነው?
    • ግድ የለህም ጥያቄውን በቀጥታ መልስልኝ… ትወደኛለህ? 
    • ቆይ … አልወዶትም ብል ምን ይፈጠራል?
    • የመረጥከውን መመለስ ትችላለህ?
    • ክቡር ሚኒስትር … እወዶታለሁ ብልስ? 
    • መልስህን አሳውቀንና የእኔን ምላሽ ትሰማለህ። ደግም ልጠይቅህ… ትወደኛለህ?
    • እንደራሴ ባይሆንም እወዶታለሁ! 
    • ከወደድከኝ አሁን የምነግርህን ሰማኝ።
    • እየሰማሁ ነው።
    • ማንም ሊፍጨረጨር ይችላል ነገር ግን ኢትዮጵያ አትፈርስም!
    • ክቡር ሚኒስትር እኔ ስለ መፍረስ አልጠየኩም? ነገር ግን ደግሞ አልሸባብ ወረራ ፈጽሞብናል።
    • እመነኝ። ኢትዮጵያ አትፈርስም!
    • ምን አገናኘው ክቡር ሚኒስትር?
    • ሥጋትህ ስለ ኢትዮጵያ አይደል?
    • አዎ።
    • እመነኝ ኢትዮጵያ አትፈርስም!
    • እንዴት ያለ ነገር ነው…?
    • የሌሎቻችሁንም መልስ ማወቅ እፈልጋለሁ። ትወዱኛላችሁ? 
    • አዎዎዎዎ…!
    • እንደዚያ ከሆነ የዛሬ ውይይታችን በዚሁ ቢጠናቀቅስ? 
    • ይሻላል ይጠናቀቅ… ይጠናቀቅ…
    • እንዴት ክቡር ሚኒስትር? እኔ ባነሳሁት ነጥብ ላይ ውይይት ይደረግበታል ብለው ነበር እኮ?
    • የቱ ጉዳይ?
    • በጥያቄ መልክ ያቀርብኳቸው ሥጋቶች?
    • ኮሚቴው በአብላጫ ድምፅ ከወሰነ ምንም ማድረግ አልችልም።
    • ኮሚቴው እኔ ባነሳሁት ነጥብ ላይ አልወሰነም።
    • ተናገረ እኮ አልሰማህም?
    • አልሰማሁም ምን ወሰነ? 
    • እንወድዎታለን!

    በብዛት የተነበቡ ፅሁፎች

    የአውሮፓ ኅብረት ተወካይ በተመድ ጉባዔ ‹‹የትግራይ መንግሥት›› በማለት ላደረጉት ንግግር ማስተካከያ እንዲደረግ ኢትዮጵያ ጠየቀች

    በስዊዘርላንድ ጄኔቭ እየተካሄደ በሚገኘው 51ኛው የተባበሩት መንግሥታት ድርጅት (ተመድ)...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...
    - Advertisment -

    ትኩስ ፅሁፎች

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...

    በ15 ቢሊዮን ብር የተመዘገበ ካፒታል የማይክሮ ፋይናንስ አገልግሎቱን ያሻገረው ስንቄ ባንክ ሥራ ጀመረ

    ከማክሮ ፋይናንስ ተቋምነት ወደ ባንክ አገልግሎት ከተሸጋገሩ አምስት የማክሮ...
    spot_img

    ተዛማጅ ፅሁፎች

    [አብሮ የሚኖረው ወንድማቸው በተደጋጋሚ እየደወለ መሆኑን የተመለከቱት ክቡር ሚኒስትሩ በስተመጨረሻ የእጅ ስልካቸውን አንስተው ሃሎ አሉ]

    ሃሎ... ስብሰባ ላይ ሆኜ ነው ያላነሳሁት ...በሰላም ነው? ሰላም ነው። ልንገርህ ብዬ ነው... ምንድነው ምትነግረኝ?  ዛሬ አልመጣም፣ እንዳትጠብቀኝ ልነግርህ ነው። ምን ማለት ነው? ወደ አገር ቤት ልትመለስ ነው?  እንደዚያ...

    [ክቡር ሚኒስትሩ ወደ ከተማ አስተዳደሩ ከንቲባ ጋር ደውለው ልማታዊ ወጣቶች ያቀረቡት አቤቱታ በአፋጣኝ መፍትሔ እንዲሰጠው እያሳሰቡ ነው]

    እየደገፉን ያሉ አንዳንድ ልማታዊ ወጣቶች በከተማ አስተዳደሩ ላይ ቅሬታ አቅርበዋል። እኛ ላይ?  አዎ!  ቅሬታቸው ምንድነው? ለምን ለእኛ አላሳወቁንም? የሚሰማቸው ስላላገኙ ነው ቅሬታቸውን ወደ እኛ ይዘው የመጡት።  እስኪ ነገሩን አጣራለሁ...

    [ክቡር ሚኒስትሩ አዲሱ ዓመት ሰላም ይዞ ይመጣል የሚል ተስፋቸውን ለባለቤታቸው እየገለጹ ነው]

    መንግሥት አሁንም እጁን ለሰላም እንደዘረጋ ነው። ነገር ግን በዚያኛው ወገን ከጦርነት በቀር ሌላ ፍላጎት የለም። ከዚህ አዙሪት በቀላሉ መውጣት ይቻላል ብለህ ታምናለህ? አዲሱ ዓመት ሰላም ይዞ...