Friday, December 2, 2022
ሌሎች ዓምዶች
    - Advertisement -
    - Advertisement -
    ማኅበራዊበአፍሪካ የኮቪድ-19 ክትባትን ከሕዝባቸው 70 በመቶ የመከተብ ግብን ያሳኩት ሁለት አገሮች ብቻ...

    በአፍሪካ የኮቪድ-19 ክትባትን ከሕዝባቸው 70 በመቶ የመከተብ ግብን ያሳኩት ሁለት አገሮች ብቻ እንደሆኑ ተገለጸ

    ቀን:

    የአፍሪካ አገሮች እ.ኤ.አ. በ2022 መጨረሻ ከሕዝባቸው 70 በመቶ ያህሉን የኮቪድ-19 ክትባት ለመከተብ ያስቀመጡትን ግብ እስካሁን ያሟሉት ሁለት አገሮች ብቻ መሆናቸውን የአፍሪካ የበሽታዎች መከላከያና መቆጣጠሪያ ማዕከል (አፍሪካ ሲዲሲ) አስታውቋል፡፡

    የአፍሪካ ሲዲሲ ተጠባባቂ ዳይሬክተር አህመድ ኡማ (ዶ/ር) እንደሚሉት፣ የኮቪድ-19 ክትባት የአፍሪካ አገሮች ቁልፍና ቀዳሚ ተግባር ነው፡፡

    የአፍሪካ ኅብረት በአኅጉሪቱ ያሉ አገሮች እ.ኤ.አ. በ2022፣ 70 በመቶ ሕዝባቸውን የኮቪድ-19 ክትባት እንዲከትቡ ባስቀመጠው ግብ መሠረት እየተሠራ ቢሆንም፣ እስካሁን ይህንን ያሳኩ ሁለት አገሮች ብቻ ናቸው፡፡ ስድስት አገሮች ከ40 በመቶ እስከ 70 በመቶ ያህል ሕዝባቸውን ከትበዋል፡፡ በአጠቃላይ በአፍሪካ ደረጃ ሲታይ ደግሞ ሙሉ ክትባት የወሰደው ሕዝብ ከ20 በመቶ በታች ነው፡፡

    የአፍሪካ ሲዲሲ የኮቪድ-19 ክትባትን ለማዳረስ ከማስተር ካርድ ፋውንዴሽን ጋር በትብብር መሥራት የጀመረበትን አንደኛ ዓመት አስመልክቶ ባወጣው መግለጫ፣ የማስተር ካርድ ፋውንዴሽንና አፍሪካ ሲዲሲ ከዓመት በፊት የጀመሩት የ1.5 ቢሊዮን ዶላር ‹‹ሴቪንግ ላይቭስ ኤንድ ላይቭሊሁድስ ኢንሼቲቭ›› ፕሮግራም፣ 65 ሚሊዮን ሕዝብ መከተብ የሚያስችል የኮቪድ-19 ክትባት መግዛት፣ ተጨማሪ በሚሊዮን የሚቆጠሩ ክትባቶችን መግዛትና ክትባቱን መከተብ፣ ክትባቱን በአፍሪካ አገሮች ማምረት እንዲቻል ማመቻቸትና የአፍሪካን ሲዲሲ አቅም ማጠናከር የሚያስችል ነው፡፡

    እንደ አህመድ (ዶ/ር) 70 በመቶ የአፍሪካ ሕዝብ ከ30 ዓመት በታች ያለ በመሆኑ፣ ወጣቱ ክፍል ክትባቱን እንዲያገኝ መሥራት ልዩ ትኩረት የሚሰጠው ይሆናል፡፡

    የአፍሪካ ኅብረትና የአፍሪካ ሲዲሲ በ‹ሴቪንግ ላይቭስ ኤንድ ላይቭሊሁድ ኢንሼቲቭ›› ሥር ወጣቶችን በመመልመል በየማኅበረሰባቸው የኮቪድ-19 ክትባትን፣ እንዲያስተዋውቁ የሚያስችል ‹‹ሻምፒዮን›› የሚል ፕሮግራም ይፋ አድርጓል፡፡

    የማስተር ካርድ ፋውንዴሽን ዋና ጸሐፊ ሪታ ሮይ በበኩላቸው፣ የኢንሼቲቩ ቀጣይ ግብ ሕዝብ እንዲከተብ ማድረግ ነው ብለዋል፡፡

    ለዚህም መንግሥታት የክትባት ማዕከሎችን እንዲያመቻቹ፣ ባለሙያዎች ሥልጠና እንዲያገኙ፣ የጤና ባለሙያዎችን እንዲደግፉና ኅብረተሰቡ የክትባቱን አስፈላጊነት እንዲረዳና እንዲከተብ ማስቻል ላይ ማተኮር እንደሚገባም አክለዋል፡፡

    ቱኒዝያ 52 በመቶ፣ ሲሸልስ 81 በመቶ፣ ሳኦቶሜና ፕሪንሲፔ 42 በመቶ፣ ሩዋንዳ 64 በመቶ፣ ሞሪሺየስ 76 በመቶ፣ ሞሮኮ 61 በመቶ፣ ኢትዮጵያ 30 በመቶና ግብፅ 35 በመቶ ሕዝባቸውን ሙሉ ለሙሉ መከተባቸውን የአፍሪካ ሲዲሲ መረጃ ያሳያል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...