Friday, December 2, 2022
ሌሎች ዓምዶች

    ሰርጌ ላቭሮቭ ለዲፕሎማቲክ ማኅበረሰቡ በአዲስ አበባ በሰጡት መግለጫ ምዕራባውያንን አጣጣሉ 

    - Advertisement -spot_img

    በብዛት የተነበቡ

    የሩሲያ የውጭ ጉዳይ ሚኒስትር ሰርጌ ላቭሮቭ ለአፍሪካ አገሮች ላደረጉት ጉብኝት የመጨረሻ መዳረሻ ባደረጉባት ኢትዮጵያ፣ አዲስ አበባ ለሚገኙ የተለያዩ የአፍሪካና የሌሎች አገሮች ዲፕሎማቶች መግለጫ ሲሰጡ ምዕራባውንን አጣጣሉ፡፡

    ሚኒስትሩ በሩሲያና በዩክሬን ጦርነትና አገራቸው ከምዕራባውያን ጋር እየገጠማት ባለው የዲፕሎማሲ ትግልም በዝርዝር ለዲፕሎማቶች አስረድተዋል፡፡

    በአዲስ አበባ መገኘታቸውን ከዚህ በፊት የአፍሪካ ኅብረት አባላት መሪዎች ጋር ለመገናኘት ካደረጉት ጉዞ ጋር በማያያዝ፣ በጣም ጠቃሚ ጉዟቸው መሆኑን አስታወቀዋል፡፡

    ምዕራባውያን ተባብረው በአገራቸው ላይ መነሳታቸውን በተደጋጋሚ አውስተዋል፡፡ አሜሪካም በዩክሬን ላይ ተቀባይነት የሌለው ፖሊሲ ላለፉት አሥር ዓመታት ስታካሂድ እንደነበር፣ ዩክሬንንም ለሩሲያ ተቃውሞ በከፍተኛ ደረጃ ስትጠቀምባት ነበር በማለት ከሰዋል፡፡

    ‹‹በዓለም ላይ እየተፈጠረ የሚገኘውን የምግብ አቅርቦት ችግር በተመለከተ፣ የምዕራባውያን ሚዲያዎች ከየካቲት ወር በፊት ምንም ችግር እንዳልነበር በማስመሰል የተዛነፉ ዘገባዎች ያቀርባቡ ነበር፤›› ሲሉም ሚኒስትሩ ለዲፕሎማቶች የዓለም ምግብ ድርጅት ሪፖርትን በመጥቀስ፣ የምግብ አቅርቦት ቀውሱ የተባባሰው ከኮሮና ቫይረስ ወረርሽኝ መከሰት ወዲህ መሆኑን ገልጸዋል፡፡

    ሰርጌ ላቭሮቭ ለዲፕሎማቲክ ማኅበረሰቡ በአዲስ አበባ በሰጡት መግለጫ ምዕራባውያንን አጣጣሉ  | Ethiopian Reporter | ሪፖርተርከዚህ በፊት ከኮሮና ቫይረስ ወረርሽኝ መከሰት ወዲህ በዓለም ላይ ለሚፈጠረው የምግብ እጥረት አሜሪካ፣ የአውሮፓ ኅብረትና ጃፓን በጋራ ያዘጋጁትን ስምንት ትሪሊዮን ዶላር የሚያወጣ ድጋፍ ቃል መግባትን በተመለከተ፣ ‹‹ምንም ማረጋገጫ ያልነበረው›› ሲሉ ተችተዋል፡፡

    ከተለያዩ አገሮች አምባሳደሮች ጥያቄዎች የቀረቡላቸው የሩሲያ የውጭ ጉዳይ ሚኒስትር ምላሽ የሰጡ ሲሆን፣ በመግለጫውም ከጋዜጠኞች ለሚነሱ ጥያቄዎች ፕሮግራም አልተያዘም ነበር፡፡ ሚኒስትሩ በመግለጫቸው ከኢትዮጵያ ባለሥልጣናት ጋር ስላደረጉት ውይይትም ሆነ ስምምነት የተናገሩት ነገር አልነበረም፡፡

    ሰርጌ ላቭሮቭ በኢትዮጵያ በነበራቸው የሁለት ቀናት ጉብኝት ከምክትል ጠቅላይ ሚኒስትርና የውጭ ጉዳይ ሚኒስትር አቶ ደመቀ መኮንን ጋር ቆይታ አድርገዋል፡፡ ከፕሬዚዳንት ወ/ሮ ሳህለወርቅ ዘውዴ ጋርም ተነጋግረዋል፡፡ በዛሬው ዕለትም ወደ አገራቸው ተመልሰዋል፡፡

    spot_img
    - Advertisement -

    ትኩስ ጽሑፎች

    ተዛማጅ ጽሑፎች

    - Advertisement -
    - Advertisement -