Tuesday, November 29, 2022
ሌሎች ዓምዶች

    መንግሥት በጊዜ ሰሌዳው መሠረት በማይመዘገቡ የውጭ አገር ዜጎች ላይ ሕጋዊ ዕርምጃ እወስዳለሁ አለ

    - Advertisement -spot_img

    በብዛት የተነበቡ

    ኢትዮጵያ ውስጥ በሕገወጥ መንገድ የሚኖሩ የውጭ አገሮች ዜጎች፣ መንግሥት እንዲመዘገቡ ባስቀመጠው የጊዜ ሰሌዳ መሠረት ካልተመዘገቡ፣ ሕጋዊ ዕርምጃ ይወሰድባቸዋል ተባለ፡፡

    የኢሚግሬሽንና ዜግነት አገልግሎት  ከአንድ ሳምንት በፊት ባወጣው ማሳሰቢያ፣ በተለያዩ መንገድ አገር ውስጥ ገብተው ጊዜ ያለፈበት ቪዛና የመኖሪያ ፈቃድ ይዘው በሕገወጥ መንገድ የሚንቀሳቀሱ የውጭ አገር ዜጎች በአስቸኳይ እንደሚዘገቡ ጥሪ አቅርቧል፡፡

     በተጨማረም የኢሚግሬሽን ሥርዓት ሳይፈጽሙ ምንም ዓይነት የቪዛም ሆነ የመኖሪያ ፈቃድ የሌላቸው፣ የከተማ ስደተኞች ሆነው፣ የስደተኝነት መታወቂያ ያላቸውና የስደተኝነት ጥያቄ አቅርበው በሒደት ላይ ያሉ የውጭ አገር ዜጎች እንዲመዘገቡ ማሳሰቢያ ሰጥቷል፡፡

    ምዝገባው የሚካሄደው በአዲስ አበባና በኦሮሚያ ልዩ ዞን ከተሞች በተመረጡ 125 የመመዝገቢያ ጣቢያዎች፣ እንዲሁም በኢሚግሬሽንና ዜግነት አገልግሎት ቅርንጫፍ ጽሕፈት ቤት እንደሆነ ተገልጿል፡፡

    የውጭ ጉዳይ ሚኒስቴር ቃል አቀባይ መለስ ዓለም (አምባሳደር) ሐሙስ ሐምሌ 21 ቀን 2014 ዓ.ም. ለጋዜጠኞች በሰጡት መግለጫ፣ ምዝገባው በተጀመረ በአንድ ሳምንት ውስጥ 60 ሺሕ የሚጠጉ የውጭ አገር ዜጎች ተመዝግበዋል፡፡

    ከተመዘገቡት መካከል የአሜሪካ፣ የጣሊያን፣ የባንግላዴሽ፣ የኤርትራ፣ የብሩንዲ፣ የቻይና፣ የደቡብ ሱዳን፣ የጋና፣ የካሜሮን፣ የላይቤሪያ፣ የህንድ፣ የናይጄሪያ፣ የሶሪያ፣ የመንና የሌሎች አገሮች ዜጎች ይገኙበታል ብለዋል፡፡

    በሁለት ዙር በሚካሄደው ምዝገባ የመጀመሪያው የሆነው ምዕራፍ በአዲስ አበባና በአዲስ አበባ ዙሪያ በሚገኙ የኦሮሚያ ልዩ ዞን ከተሞች እየተከናወነ ሲሆን፣ በቀጣይ በድሬዳዋና በክልል ከተሞች የሁለተኛ ዙር ምዝገባ እንደሚጀመር ቃል አቀባዩ አክለው ገልጸዋል፡፡

    በተመሳሳይ በሕገወጥ መንገድ የሚኖሩ የውጭ አገር ዜጎችን ሕጋዊ ለማድረግ በተጀመረው የምዝገባ ሒደት መሠረት እንዲመዘገቡ፣ የኢሚግሬሽንና ዜግነት አገልግሎት የሕዝብ ግንኙነትና የኮሙዩኒኬሽን ኃላፊ አቶ ደሳለኝ ተሬሳ ለሪፖርተር ተናግረዋል፡፡

    እንደ አቶ ደሳለኝ ገለጻ፣ በምዝገባው መሠረት የማይመዘገቡትን የውጭ አገር ዜጎች የአገሪቱ ሕግ በሚደነግገውና ኢትዮጵያ ፈርማ በተቀበለቻቸው ዓለም አቀፍ ሕጎች መሠረት ሕጋዊ ዕርምጃ ይወሰዳል፡፡ የሚመዘገቡትን ደግሞ ወደ ሕጋዊ ሥርዓት እንዲገቡ ይደረጋል ብለዋል፡፡

    በመሆኑም እስከ ሐምሌ 25 ቀን 2014 ዓ.ም. በሚቆየው ምዝገባ በአዲስ አበባና በአካባቢው ያሉ የውጭ አገር ዜጎች የማይመዘገቡ ከሆነ፣ ኤጀንሲው ሕጋዊ ዕርምጃ ለመውሰድ ዝግጅቱን አጠናቋል ሲሉ አስረድተዋል፡፡

    በአዲስ አበባና በአዲስ አበባ ዙሪያ የኦሮሚያ ልዩ ዞን ከተሞች በሚደረገው ምዝገባ ከፍተኛ ቁጥር ያላቸው የውጭ አገሮች ዜጎች እንደሚኖሩ ይገመታል ያሉት አቶ ደሳለኝ፣ እስከ 180 ሺሕ የሚደርሱ የውጭ ዜጎች ይመዘገባሉ ተብሎ እንደሚጠበቅ ተናግረዋል፡፡

    spot_img
    - Advertisement -

    ትኩስ ጽሑፎች

    ተዛማጅ ጽሑፎች

    - Advertisement -
    - Advertisement -