Friday, December 2, 2022
ሌሎች ዓምዶች
    - ማስታወቂያ -
    - ማስታወቂያ -

    በቴሌ ብር የፋይናንስ አማራጮች ብቻ 19.5 ቢሊዮን ብር የገንዘብ ዝውውር ለማድረግ መታቀዱ ተገለጸ

    - ማስታወቂያ -

    ተዛማጅ ፅሁፎች

    ኢትዮ ቴሌኮም በቴሌ ብር ፋይናንስ ባቀረበው ሦስት አማራጮች በአንድ ዓመት ብቻ 19.5 ቢሊዮን ብር የገንዘብ ዝውውር ለማድረግ እየሠራ መሆኑን ተገለጸ።

    የክፍያ አማራጮቹ የቁጠባ (ሳንዱቅ)፣ እንደኪሴ (ኦቨር ድራፍት)ና መላ (ብድር) የተሰኙ ሲሆኑ፣ አነስተኛ የገቢ ምንጭ ላላቸው የኅብረተሰብ ክፍሎች እንደቀረቡ ነሐሴ 29 ቀን 2014 ዓ.ም. በስካይላይት ሆቴል ተገልጿል።

     የቴሌ ብር ፋይናንስ የብድር አገልግሎቱ ከ2000 ብር እስከ 10,000 ብር የሚያቀርብ ሲሆን፣ ከዳሽን ባንክ ጋር በአጋርነት እንደሚሠሩ የኢትዮ ቴሌኮም ሥራ አስፈጻሚ ወ/ሪት ፍሬሕይወት ታምሩ ተናግረዋል።

    መላ በተሰኘው አማራጭ 9.8 ቢሊዮን የብድር አገልግሎት፣ እንደኪሴ 6.4 ቢሊዮን ብርና በሳንዱቅ ወይም በቁጠባ 3.3 ቢሊዮን ብር መጠን ያለው ግብይት ለማከናወን መታቀዱን ሥራ አስፈጻሚዋ ተናግረዋል።

    የብድር አገልግሎቱ ያለዋስትና ሲሆን፣ በአንድ ዓመት 108 ሚሊዮን የግብይት መጠን (ትራንዛክሽን) ለመከወን እየተሠራ መሆኑ ተገልጿል።

    በዋናነት የባንክ አገልግሎት ማግኘት ለማይችሉና ዝቅተኛ የኑሮ ደረጃ ላይ ለሚገኙ የኅብረተሰብ ክፍሎችን የሚደግፍ መሆኑን ሥራ አስፈጻሚዋ ተናግረዋል።

    የፋይናንስ አገልግሎቶቹ ከብሔራዊ ባንክ ፍቃድ አግኝተው ወደ ሥራ የገቡ ሲሆን፣ የተለያዩ አገልግሎቶች የሚሰጡ የብድር፣ ኦቨርድራፍትና ቁጠባ መሆናቸው ሥራ አስፈጻሚዋ አስረድተዋል።

    ‹‹የቴሌ ብር መላ›› ለግለሰቦችም፣ ለንግድ ተቋማትም የሚቀርብ አገልግሎት ሲሆን፣ ደንበኞቹ ባንቀሳቀሱት የገንዘብ ዝውውር መሠረት ታይቶ እስከ 2000 ብር በወር ደግሞ እስከ 10,000 ብር የሚደርስ ብድር የሚያመቻች ሲሆን፣ ለግለሰብ እስከ 10,00 ብር ድረስ በቀን፣ በሳምንትና በወር ያለተያዥ ብድር ማመቻቸቱም ተገልጿል።

    ‹‹ቴሌ ብር እንደኪሴ›› በቴሌብር አማካኝነት ግብይት ሲፈጽሙ የቴሌብር ሒሳብ ከሚገዙት ዕቃ በታች ከሆነ፣ ቀሪውን ክፍያ ጨምሮ ለሻጭ በመክፈል ገንዘብ ገቢ ሲደረግ ከሒሳብ ላይ ተቀናሽ በማድረግ አገልግሎት እንደሚሰጥ፣ እስከ 2000 ብር ድረስ ክፍያ መፈጸም የሚቻልበት መሆኑን፣ በዚህም የውኃ፣ የመብራት፣ ነዳጅና ሌሎች ክፍያዎችን መፈጸም እንደሚቻል ተናግረዋል።

    ቴሌብር ሳንዱቅ ደግሞ ቴሌብር ላይ ካለው የገንዘብ መጠን ላይ መቆጠብ የሚያስችል አገልግሎት ሲሆን፣ በሁለት አማራጮች በወለድና ያለወለድ የቀረበ መሆኑንና የወለድ መጠኑም በቀን ሰባት በመቶ የሚሰላ ዓመታዊ ወለድ ነው።

    ቴሌ ብር እስካሁን የገንዘብ ዝውውሮችንና የአገልግሎት ክፍያዎችን በማከናወን 22.2 ሚሊዮን ደንበኞችን አፍርቶ 34.1 ቢሊዮን ብር ዝውውር ማድረጉን የኢትዮ ቴሌኮም ሥራ አሰፈጻሚ ወ/ሪት ፍሬሕይወት ጠቁመዋል።

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች