Monday, September 26, 2022
ሌሎች ዓምዶች
    - Advertisment -
    - Advertisment -

    [ክቡር ሚኒስትሩ የሥራ አጥነት ችግሮችን የመፍታት ተልዕኮ የተሰጠው ተቋም በዋና ጽሕፈት ቤቱ ሕንፃና ቢሮዎች ላይ ያደረገውን ዕድሳት መርቀው በመክፈት ጉብኝት እያደረጉ ነው]

    • እጅግ ውብ ዕድሳት ያደረጋችሁት! በእውነቱ በጣም ድንቅ ነው፡፡
    • አመሠግናለሁ ክቡር ሚኒስትር።
    • በጣም ድንቅ ነው። ዕድሳቱን ያከናወነው ድርጅት ጥሩ ልምድ ያለው ይመስላል?
    • ተቋራጩ ማን እንደሆነ አልነገርኩዎትም እንዴ?
    • የትኛው ተቋራጭ ነው?
    • የእርስዎን ቢሮ ዕድሳት ያከናወነው ድርጅት ነው።
    • ኦ… እሱማ ልምድ አካብቷል።
    • በትክክል። ከእኛ በተጨማሪ የሌሎች የመንግሥት ተቋማትን ቢሮዎችና ሕንፃዎች ዕድሳት በመሥራት ላይ ነው።
    • የቀለም ምርጫችሁ ድንቅ ነው፡፡
    • እርስዎ የሚወዷቸውን ቀለሞች ብቻ ነው የተጠቀምነው።
    • ምን ያህል ጊዜ ፈጀባችሁ?
    • የምረቃ ዝግጅቱን ጨምሮ አሥር ወራት ብቻ ነው የወሰደብን።
    • አሥር ወራት ብቻ?
    • የምረቃ ሥርዓቱ እንደሚዘገይ ስለነገርናቸው እንጂ ቀድሞ ማለቅ ይችል ነበር።
    • ለምን አዘገያችሁት?
    • እርስዎ ወደ ሥራ እስኪመለሱ ብለን ነው።
    • ኦ… ጥሩ አደረጋችሁ። ይህንን የመሰለ ሥራ ባላይ ይቆጨኝ ነበር።
    • ከእርስዎ ቢሮ ቀጥሎ ያለው ክፍል ለምን አገልግሎት የሚውል ነው?
    • ጥግ ላይ ያለው ትልቁ የስብሰባ አዳራሽ ነው።
    • ቀጥሎ ያለውስ?
    • እሱ ደግሞ መካከለኛ አመራሮች የሚወያዩበት አነስተኛ የስብሰባ አዳራሽ ነው።
    • በጣም ጥሩ ነው። ቀጥሎ ያለውስ?
    • እሱ ከፍተኛ አመራሩ የሚሰበሰብበት ክፍል ነው።
    • ጥሩ አድርጋችኋል። ይህኛውስ?
    • እሱ ደግሞ እኔን ለማግኘት የሚመጡ የውጭ እንግዶች ካሉ ከነሱ ጋር የምሰበሰብበት ይሆናል።
    • ቀጥሎ ያለውስ?
    • እሱ ደግሞ የድርጅቱ ኃላፊ ሲደክመው እረፍት የማደርግበት ክፍል ነው።
    • መኝታ አለው?
    • ክቡር ሚኒስትር ያው እንደሚያውቁት የእኛ ሥራ አድካሚ ነው።
    • አውቃለሁ… አውቃለሁ!
    • በዚህ ምክንያት መኝታ እንዲኖረው አድርገናል።
    • ተገቢ ነው!
    • አይደል?
    • አዎ። ስብሰባ አድካሚ ነው!

    [ክቡር ሚኒስትሩ በኢኮኖሚ ጉዳዮች ላይ ግምገማ ለማድረግና በቀጣይ የሚፈጸሙ ተግባራትን ለመወሰን ከማክሮ ኢኮኖሚ ኮሚቴው ጋር እየመከሩ ነው]

     

    • ዛሬ በቀረበው ሪፖርት ለመመልከት እንደቻልነው ኢኮኖሚው በጥሩ ሁኔታ ላይ ቢሆንም እነዚህን ውጤቶች አጠናክሮ ለመቀጠል ከፍተኛ የበጀት እጥረት ገጥሞናልና ይህንን ችግር ለማለፍ ምን ብናደርግ ይሻላል?
    • ክቡር ሚኒስትር ዕድሉን ስለሰጡኝ አመሠግናለሁ። ባለፈው ስብሰባችን እንደገለጽኩት የገጠመን የበጀት እጥረት ብቻ ሳይሆን ትልቅ ፈተና ነው።
    • መፍትሔው ላይ ብታተኩር? ምን መደረግ አለበት?
    • ክቡር ሚኒስትር ባለፈው ያቀረብኩት ሐሳብ ተቀባይነት በማግኘቱ የኤሌክትሪክ አቅርቦት ላይ ዋጋ ለመጨመር ጥናት ተጀምሯል። ከቫት ነፃ የነበሩ አገልግሎቶችንም ወደ ቫት ሥርዓት ለማስገባት የሕግ ማሻሻያ ዝግጅት ተጀምሯል። ነገር ግን በቂ አይደለም።
    • ለምን መፍትሔውን አታቀርብም?
    • ወደ እሱ እየመጣሁ ነው።
    • እሺ ቀጥል…
    • አመሠግናለሁ ክቡር ሚኒስትር። በእኔ እምነት አሁንም ተጨማሪ ግብር ካልተጣለ የመንግሥት ገቢ ሊያድግ አይችልም። ተጨማሪ ግብር ወይም ቀረጥ መጣል አለብን።
    • አንዴ ፀጥታ…. እየተደማመጥን፡፡
    • ክቡር ሚኒስትር ይህንን የመፍትሔ ሐሳብ እቃወማለሁ።
    • ምክንያት?
    • ክቡር ሚኒስትር ሕዝቡ በኑሮ ውድነት እየተሰቃየ መሆኑን አምርሮ እየገለጸ ባለበት ወቅት ተጨማሪ ቀረጥ መጣል ለሕዝብ እጨነቃለሁ ከሚል መንግሥት የሚጠበቅ አይደለም፡፡
    • ክቡር ሚኒስትር ቀደም ሲል በቀረበው ሪፖርት ላይ እኮ ይህ ችግር እየተቀረፈ መሆኑ ተገልጿል፡፡
    • የቱ ችግር?
    • የኑሮ ውድነት እያስከተለ ያለው የዋጋ ግሽበት ባለፉት ሁለት ወራት መቀነስ እንዳሳየ ተገልጿል።
    • ተቃውሞ አለኝ ክቡር ሚኒስትር…?
    • እኔ ሐሳቤን አላጠናቀቅኩም ክቡር ሚኒስትር…
    • የቀረበውን ተቃውሞ እናዳምጥና ዕድል እሰጥሃለሁ።
    • አመሠግናለሁ ክቡር ሚኒስትር በቀረበው ሪፖርት እየቀነሰ ነው የተባለው የዋጋ ግሽበቱ አይደለም።
    • ታዲያ ምንድነው ቀነሰ የተባለው?
    • የዋጋ ግሸበቱ የሚያድግበት መጠን ቀነስ እንጂ አሁንም የዋጋ ግሽበቱ እንደቀጠለ ነው።
    • ታዲያ ምን መደረግ አለበት ነው የምትለው?
    • ምን መደረግ አለበት የሚለውን ጊዜ ሰጥተን ብንወያይ?
    • የገጠመን ችግር ግን ጊዜ የሚሰጥ አይደለም?
    • ክቡር ሚኒስትር በደንብ ሳንገመግም በጥድፊያ ግብር የሚጣል ከሆነ ፖለቲካዊ ተቃውሞ ሊያስከትል ይችላል።
    • ክቡር ሚኒስትር ተቃውሞ ይገጥመናል የሚለው ሥጋት ትክክል ቢሆን እንኳን ለእሱ መፍትሔ ማስቀመጥ እንችላለን።
    • እንዴት ያለ መፍትሔ?
    • የምንጥለውን ቀረጥ በዘዴ ወይም በሥልት መጣል እንችላለን።
    • እንዴት ማለት?
    • ለምሳሌ ለሚጣለው ቀረጥ ልማታዊ ስያሜ መሰጠት እንችላለን።
    • ልማታዊ ስያሜ?
    • አዎ። በዚህ መንገድ ከተጣለ ሳይታወቅና ጉዳት ሳያመጣ ለመንግሥት ጠቃሚ ገቢ ያስገኛል።
    • ልማታዊ ስያሜ መስጠት የሚለው ጥሩ የመፍትሔ ሐሳብ ይመስለኛል። በዚህ ላይ ተቃውሞ አለ?
    • በዚህ ጉዳይ ላይ ልዩነት ቢኖረኝም በኮሚቴው ተቀባይነት እስካገኘ ድረስ ቀረጡ ልማታዊ ስያሜ ተሰጥቶት ቢጣል ችግር የለብኝም።
    • በጣም ጥሩ። ስለዚህ አዲስ የሚጣለው ቀረጥ ስያሜ ምን ይሁን ? ምን ብንለው ይሻላል?
    • የማኅበራዊ አገልግሎት ቀረጥ!

    በብዛት የተነበቡ ፅሁፎች

    የአውሮፓ ኅብረት ተወካይ በተመድ ጉባዔ ‹‹የትግራይ መንግሥት›› በማለት ላደረጉት ንግግር ማስተካከያ እንዲደረግ ኢትዮጵያ ጠየቀች

    በስዊዘርላንድ ጄኔቭ እየተካሄደ በሚገኘው 51ኛው የተባበሩት መንግሥታት ድርጅት (ተመድ)...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...
    - Advertisment -

    ትኩስ ፅሁፎች

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...

    በ15 ቢሊዮን ብር የተመዘገበ ካፒታል የማይክሮ ፋይናንስ አገልግሎቱን ያሻገረው ስንቄ ባንክ ሥራ ጀመረ

    ከማክሮ ፋይናንስ ተቋምነት ወደ ባንክ አገልግሎት ከተሸጋገሩ አምስት የማክሮ...
    spot_img

    ተዛማጅ ፅሁፎች

    [አብሮ የሚኖረው ወንድማቸው በተደጋጋሚ እየደወለ መሆኑን የተመለከቱት ክቡር ሚኒስትሩ በስተመጨረሻ የእጅ ስልካቸውን አንስተው ሃሎ አሉ]

    ሃሎ... ስብሰባ ላይ ሆኜ ነው ያላነሳሁት ...በሰላም ነው? ሰላም ነው። ልንገርህ ብዬ ነው... ምንድነው ምትነግረኝ?  ዛሬ አልመጣም፣ እንዳትጠብቀኝ ልነግርህ ነው። ምን ማለት ነው? ወደ አገር ቤት ልትመለስ ነው?  እንደዚያ...

    [ክቡር ሚኒስትሩ ወደ ከተማ አስተዳደሩ ከንቲባ ጋር ደውለው ልማታዊ ወጣቶች ያቀረቡት አቤቱታ በአፋጣኝ መፍትሔ እንዲሰጠው እያሳሰቡ ነው]

    እየደገፉን ያሉ አንዳንድ ልማታዊ ወጣቶች በከተማ አስተዳደሩ ላይ ቅሬታ አቅርበዋል። እኛ ላይ?  አዎ!  ቅሬታቸው ምንድነው? ለምን ለእኛ አላሳወቁንም? የሚሰማቸው ስላላገኙ ነው ቅሬታቸውን ወደ እኛ ይዘው የመጡት።  እስኪ ነገሩን አጣራለሁ...

    [ክቡር ሚኒስትሩ አዲሱ ዓመት ሰላም ይዞ ይመጣል የሚል ተስፋቸውን ለባለቤታቸው እየገለጹ ነው]

    መንግሥት አሁንም እጁን ለሰላም እንደዘረጋ ነው። ነገር ግን በዚያኛው ወገን ከጦርነት በቀር ሌላ ፍላጎት የለም። ከዚህ አዙሪት በቀላሉ መውጣት ይቻላል ብለህ ታምናለህ? አዲሱ ዓመት ሰላም ይዞ...