Monday, April 15, 2024
- Advertisement -
- Advertisement -
ዜናበፌዴራል ፍርድ ቤቶች የዳኛና የመዛግብት ጥምርታ አንድ ለ451 መሆኑ ተገለጸ

በፌዴራል ፍርድ ቤቶች የዳኛና የመዛግብት ጥምርታ አንድ ለ451 መሆኑ ተገለጸ

ቀን:

በፌዴራል የመጀመሪያ፣ ከፍተኛና ጠቅላይ ፍርድ ቤቶች በተጠናቀቀው የ2014 በጀት ዓመት የነበራቸው የዳኛና የመዛግብት ጥምርታ አንድ ለ451 እንደነበር ተገለጸ፡፡

ፍርድ ቤቶቹ በበጀት ዓመቱ ለ176,797 መዛግብት ዕልባት የሰጡ ሲሆን፣ ለእነዚህ መዝገቦች ዕልባት የሰጡት ያሏቸውንና 392 ዳኞች ተጠቅመው እንደሆነ የጠቅላይ ፍርድ ቤት ፕሬዚዳንት ወ/ሮ መዓዛ አሸናፊ አስታውቀዋል፡፡

‹‹የበጀት ዓመቱ ዕልባት ተሰጥቶታል›› የተባለው የመዝገብ ብዛት በየጊዜው የሚቀርቡ መለስተኛ ጥያቄዎችና በአቤቱታ ደረጃ የሚስተናገዱ ጉዳዮችን አያጠቃልልም ተብሏል፡፡

- Advertisement -

Video from Enat Bank Youtube Channel.

በዳኞች ላይ ያለው የመዛግብት ጫና እጅግ በጣም ከፍተኛ መሆኑን ፕሬዚዳንቷ ወ/ሮ መዓዛ አሸናፊ፣ ነሐሴ 4 ቀን 2014 ዓ.ም. በተካሄደው የፌዴራል ዳኝነት ዓመታዊ ጋዜጣዊ መግለጫ ላይ ተናግረዋል፡፡

ፍርድ ቤቶች ለቀረቡላቸው ጉዳዮች እንደ ሁኔታቸውና ባህሪያቸው በአጭር ጊዜ ጥራት ያለው ውሳኔ መስጠት እንዲችሉ ማድረግ በበጀት ዓመቱ ትኩረት የተሰጠበት ጉዳይ እንደሆነ ፕሬዝዳንቷ አስረድተዋል፡፡

በ2013 ዓ.ም. ፀድቆ፣ በ2014 ዓ.ም መተግበር የጀመረው ‹‹የፍትሐ ብሔር ጉዳዮች ፍሰት አስተዳደር መመርያ›› ይህንን የትኩረት አቅጣጫ ለማሳካት ጉልህ ድርሻ እንደነበረው አስታውቀዋል፡፡

ወ/ሮ መዓዛ ከፍርድ ቤቶች ጋር በተያያዘ ብዙ ጊዜ የሚነሳው የሙስና ጉዳይ መሆኑን ገልጸው፣ ‹‹ይህንን የፍርድ ቤት አመራሮች፣ ዳኞችም ሆኑ የፍርድ ቤቱ ባልደረቦች የማንቀበለው ነው፤›› ብለዋል፡፡

ሙስናን በተመለከተ በፍርድ ቤት አመራርም ሆነ በዳኞች አስተዳደር ጉባዔ በኩልም እንደ ችግር የሚታየው ‹‹ለተከራካሪዬ ተፈርዷል›› የሚለው ወገን፣ ‹‹ዳኛው ገንዘብ ተቀብሏል›› የሚል ጥርጣሬ መነሳቱ መሆኑን ተናግረዋል፡፡ ‹‹ሆኖም ይህን በማስረጃ አስደግፈው ሪፖርት የሚያቀርቡ ጠበቆችም ሆኑ ግለሰቦች የሉም፤›› ሲሉ ወቀሳ አቅርበዋል፡፡

የፌዴራል የመጀመሪያ፣ ከፍተኛና ጠቅላይ ፍርድ ቤቶች በተጠናቀቀው የ2014 ዓ.ም. በጀት ዓመት ከ372.3 ሚሊዮን ብር በላይ ለመንግሥት ገቢ ማድረጋቸው ተገልጿል፡፡ ፍርድ ቤቶቹ የሰበሰቡት ገቢ በበጀት ዓመቱ ከተፈቀደላቸው 822.7 ሚሊዮን ብር በጀት ጋር ሲነፃፀር 42.1 በመቶ ያህል ነው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...

‹‹ደስታ›› የተባለችው አማርኛ ተናጋሪ ሮቦት በሳይንስ ሙዚየም

‹‹እንደ ሮቦት ዋነኛው አገልግሎቴ ውስብስብ የሆኑ የቴክኖሎጂ ውጤቶችንና አሠራሮችን...