Friday, December 9, 2022
ሌሎች ዓምዶች
    - Advertisement -
    - Advertisement -
    ዜናበፌዴራል መንግሥትና በሕወሓት መካከል የተጀመረው የድርድር ሒደት አሳታፊ እንዲሆን ተጠየቀ

    በፌዴራል መንግሥትና በሕወሓት መካከል የተጀመረው የድርድር ሒደት አሳታፊ እንዲሆን ተጠየቀ

    ቀን:

    የኢትዮጵያ ሲቪል ማኅበረሰብ ድርጅቶች ምክር ቤት፣  በፌዴራል መንግሥትና በሕወሓት መካከል የተጀመረው የሰላም ድርድር ሒደት ሕዝብን ያሳተፈ እንዲሆን ጠየቀ፡፡

    ምክር ቤቱ ነሐሴ 9 ቀን 2014 ዓ.ም. ባወጣው መግለጫ፣ በፌዴራል መንግሥትና በሕወሓት  መካከል በተጀመረው የሰላማዊ የድርድር ሒደት፣ ተሳታፊዎች በቅን ልቦና  እንዲሳተፉ ጥሪ አቅርቧል፡፡ ሁለቱ አካላት ለድርድር  ያሳዩትን  ተነሳሽነት  በማመሥገን አስፈላጊ  ሆኖ  ሲገኝም ድጋፍ ለማድረግ ዝግጁ እንደሆነ፣ የምክር ቤቱ ዋና ዳይሬክተር አቶ ሔኖክ መለሰ ለሪፖርተር ተናግረዋል፡፡

    የሰላማዊ ድርድሩ ውሳኔ በተደራዳሪ ወገኖች ብቻ ሳይሆን ጉዳዩን ሕዝብም በቅርበት እየተከታተለው መሆኑን፣ በሁሉም የአገር ውስጥና የውጭ አካላት ከፍተኛ ትኩረት ሊደረግበት እንደሚገባ አቶ ሔኖክ አሳስበዋል፡፡

    የትጥቅ ግጭትን ለመፍታትና ከሕወሓት ጋር የሰላም ድርድር ለመጀመር የፌዴራል መንግሥት አደራዳሪ ኮሚቴ ማቋቋሙን፣ ግጭቱ  በድርድር እንዲቆም በሁለቱም ወገኖች የተስተዋለው ተነሳሽነት፣ ሁሉንም የአገሪቱን ዜጎች  ተጠቃሚ  የሚያደርግ  ወሳኝ ዕርምጃ ስለመሆኑ አክለው አስረድተዋል፡፡

    ሁለቱም ወገኖች ልዩነታቸውን በድርድር እንዲፈቱ በተደጋጋሚ ጥሪ ሲያቀርብ እንደነበር የገለጸው ምክር ቤቱ፣ አሁን የተጀመረውን ችግሩን በሰላም የመፍታት ተነሳሽነት ሙሉ በሙሉ ለመደገፍ ዝገጁ መሆኑን ምክር ቤቱ አስታውቋል፡፡

    ይህም የሰላም ድርድር ሒደቱ ቅቡልነት እንዲኖረው ከማድረግ ባለፈ፣ ውጤቱ ዘላቂ ሰላምን ማረጋገጥ እንዲችል ከፍተኛ አስተዋጾ እንደሚያደርግ አቶ ሔኖክ ጠቁመዋል፡፡

    ለዚህም በሁሉም ደረጃዎች የሲቪል ማኅበረሰብ ድርጅቶች  ሊኖራቸው የሚገባውን ሚና ግምት ውስጥ በማስገባት፣ በሒደቱ ተሳታፊ እንዲሆኑና ለዚህም የአፍሪካ ኅብረት ኮሚሽን ድጋፍ እንዲያደርግ ምክር ቤቱ ጠይቋል፡፡

    የሲቪል ማኅበረሰብ ድርጅቶችና ሕዝቡ የሰላማዊ ድርድር ሒደት ባለቤት መሆን እንዳለበት የጠየቁት አቶ ሔኖክ፣ ሒደቱ በቅንነት ካልተጀመረ ውጤቱ ላይ ጥላ ሊያጠላበት ስለሚችል ድርጅቶቹ ምክረ ሐሳብ ለመቀመር፣ የሰላም ድርድሩ እንዲፀና ለማድረግና በድርድሩ ላይ እምነት እንዲፈጠር ከፍተኛ አስተዋጽኦ ያድርጋሉ ብለዋል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    በኦሮሚያ ክልል የተፈጸመው ጭፍጨፋና ሥጋቱ

    ኦሮሚያ ክልል ከቀውስ አዙሪት መላቀቅ ያቃተው ይመስላል፡፡ ከ200 በላይ...

    እናት ባንክ ካፒታሉን ወደ አምስት ቢሊዮን ብር ለማሳደግ ወሰነ

    መጠባበቂያን ሳይጨምር የባንኩ የተጣራ ትረፍ 182 ሚሊዮን ብር ሆኗል እናት...

    ቡና ባንክ ዓመታዊ ትርፉን ከአንድ ቢሊዮን ብር በላይ ማሻገር ቻለ

    ቡና ባንክ በ2014 የሒሳብ ዓመት ዓመታዊ የትርፍ ምጣኔውን ለመጀመርያ...