Monday, November 28, 2022
ሌሎች ዓምዶች
    - Advertisment -
    - Advertisment -

    [ክቡር ሚኒስትሩ ወዳጃቸው ከሆነ አንድ የተቃዋሚ ፓርቲ አመራር ጋር ሻይ ቡና እያሉ በኬንያ ስለተካሄደው ፕሬዚዳንታዊ ምርጫ እየተጫወቱ ነው]

    • ኬንያ በዚህ ደረጃ ዲሞክራሲያዊ ምርጫ ታደርጋለች ብዬ አላሰብኩም ነበር ክቡር ሚኒስትር።
    • አዎ። ጥሩ ዝግጅት አድርገውበታል። ቢሆንም…
    • ቢሆንም ምን ክቡር ሚኒስትር? 
    • እባክህ ክቡር ሚኒስትር የምትለውን ነገር አቁም። ወዳጅ አይደለንም እንዴ?
    • እሱማ ልክ ነው። ለተቋሙ ክብር መስጠት ስላለብኝ ነው። 
    • ቢሆንም… አሁን ያለነው ከተቋሙ ውጪ ነው።
    • ይልቅ እሱን አርሳውና ያቋረጥነውን ጨዋታ ቀጥል። ቢሆንም ብለህ ነበር ያቋረጥነው። ምን ልትል ነበር?
    • እ… አዎ። የኬንያ ምርጫ ጥሩ እንደነበረ እያወራን ነበር።
    • ጥሩ ብቻ ክቡር ሚኒስትር ለቀጣናው ጭምር ተምሳሌት የሚባል ነው እንጂ?
    • አንተ ደግሞ በጣም አጋነንከው። በምንም መመዘኛ ከስድተኛው የእኛ ምርጫ ውድድር አይበልጥም። 
    • እኔ ግን በእኛ አገር የምርጫ ውድድር ተካሂዶ ያውቃል ለማለት እቸገራለሁ። ብቻችሁን አይደል እንዴ የተወዳደራችሁት? የእነሱ ግን …
    • የእነሱ በምን ከእኛ በምን ይለያል?
    • በተተኪው የአገሪቱ ፕሬዚዳንት ሳይቀር ስንት ጫና ሲደረግባቸው የነበሩት ግለሰብ ጫናውን ተቋቁመው ለማሸነፍ የቻሉት ጥሩ የምርጫ ሥርዓት ስለገነቡ እንጂ እንደ እኛ ቢሆን ውጤቱ ሌላ ነበር የሚሆነው። 
    • ለማንኛውም ዊሊያም ሩቶ ቀጣዩ የኬንያ ፕሬዚዳንት ሆነው በማሸነፋቸው እኛም ልዩ ደስታ ተሰምቶናል። 
    • የእናንተን ደስታ ምን ልዩ ያደርገዋል? 
    • ሰውዬው ምን እንደሆኑ አታውቅም እንዴ? 
    • ዊሊያም ሩቶ? 
    • እህሳ?
    • ምንድናቸው? 
    • የእኛው ብሔር እኮ ናቸው? 
    • አይ እናንተ… መቼም አትለወጡም በቃ? 
    • እንዴት?
    • ምን ልትሉ እንደሆነ ገብቶኛል?
    • ምን እንላለን? 
    • ሩቶ ኬኛ!

    [ክቡር ሚኒስትሩ በስንዴ ምርት ራስን የመቻል ጥረትን በተመለከተ የተላለፈውን የምሽት ዜና ከባለቤታቸው ጋር ተመልክተው በዚህ ዙሪያ እየተጨዋወቱ ነው]

    • ትልቅ ስኬት እንደምናስመዘግብ ጥርጥር የለውም።
    • በምን ጉዳይ?
    • በስንዴ ምርት ነዋ? ዜናውን እየተከታተልሽ መስሎኝ ነበር እኮ? እንደ ቀልድ የተቆጠረው ጥረታችን ዛሬ የት እንደደረሰ አላየሽም?
    • እሱስ ተመልክቻለሁ። ጥሩ ጅምር ይመስላል ግን…
    • ግን ምን? 
    • አሜሪካ ግን ይህንን ጥረት ለማቆሸሽ ይመስላል፡፡
    • እንዴት?
    • እናንተ ዘንድ ምንም ዓይነት የስንዴ ምርት ከውጭ አልሸመትንም እያላችሁ አይደል?
    • ትክክል ነው! እንደውም ከመጪው ዓመት ጀምሮ ወደ ጎረቤት አገሮች ኤክስፖርት ማድረግ እንጀምራለን።
    • እናንተ ዘንድሮ ስንዴ ከውጭ አናስገባም ብትሉም አሜሪካ ግን ለኢትዮጵያ የተገዛው ስንዴ ወደ አገሪቱ እየተጓጓዘ ነው የሚል መረጃ እያሠራጨች ነው። 
    • መቼ ነው ይህንን መረጃ ያሠራጨችው?
    • ጠቅላዩ በስንዴ ማሳዎች ጉብኝት እያደረጉ በነበረበት ቀን መሰለኝ፡፡ አዎ በዚያው ቀን ነው።
    • ከዚህ ሴራ ጀርባ ማን እንዳለ ግልጽ ነው።
    • ሴራ? ማነው ያለው?
    • ጁንታው ነዋ!
    • መረጃውን ያሠራጨችው እኮ አሜሪካ ነች?
    • ያው ናቸው! ለማንኛውም …
    • እህ… ለማንኛውም? ስንዴውን አንቀበልም እንዳትለኝ ብቻ?!
    • ለምን አንቀበልም …እንቀበላለን እንጂ፡፡ 
    • እኮ…
    • ግን አንድ ነገር መታወቅ አለበት።
    • ምን?
    • እኛ ያዘዝነው ስንዴ የለም! ከመጣ ግን አንቀበልም አንልም። 
    • ዋናው እሱ ነው። ስንዴውን ተቀብሎ የተጀመረውን በስንዴ ራስን የመቻል ጥረት መቀጠል። 
    • ትክልል ነው። አየሽ አይደል ምን ያህል ማሳ በበጋ ስንዴ እንደተሸፈነ? 
    • ምን ያህል ተሸፈነ? 
    • በሶማሌ ክልል ብቻ 127 ሺሕ ሔክታር በስንዴ እየለማ ነው። 
    • ስንት ማለት ነው 127 ሺሕ ሔክታር? ብዙ ነው እንዴ? 
    • አንቺና ቁጥር መቼም አትዋደዱም። 
    • ምን ያህል እንደሆነ ለምን አታስረዳኝም?
    • ቆይ… እንዴት ላስረዳሽ? አዎ… ስንት መሰለሽ…?
    • እህ… ስንት ነው?
    • የአዲስ አበባ ከተማን በሁለት እጥፍ የሚበልጥ የስነዴ ማሳ እንደ ማለት ነው። 
    • አትቀልድ?!
    • የምሬን ነው! 
    • በአዲሱ ነው፣ በድሮው ስፋቷ?
    • አዲሱ ደግሞ ምንድነው? 
    • የከተማዋ አከላለል ማለቴ ነው። 
    • ቁምነገር እያወራን ለምን ትቀልጃለሽ?
    • ቀልዴን አይደለም? እንደውም ካነሳነው አይቀር ልጠይቅህ?
    • ምን?
    • አሁን እኛ የምንኖርበት ቤት አዲስ አበባ ውስጥ ነው? 
    • ዛሬ ምን ሆነሻል? ስለ በጋ ስንዴ ስኬታችን እንዲወራ አልፈለግሽም? 
    • ኧረ እንደዚያ አይደለም። 
    • ታዲያ ምን እየሆንሽ ነው? 
    • የበጋ ስንዴው ስኬትማ በሌሎች ምርቶችም ቢደገም ጥሩ ነው። 
    • እሱማ አይቀርም። ይደገማል!
    • በተለይ ነዳጅ ላይ ብትረባረቡ ጥሩ ነው። 
    • ነዳጅ? 
    • አዎ።
    • የምን ነዳጅ?
    • የበጋ ነዳጅ!

    በብዛት የተነበቡ ፅሁፎች

    በሰሜኑ ጦርነት የተበላሹ ብድሮች ከባንኮች የፋይናንስ ሪፖርት ላይ አይነሱም ተባለ

    ልማት ባንክ አሥር ቢሊዮን ብር ታማሚ ብድር እንዲነሳለት ጠይቋል የኢትዮጵያ...

    የኢትዮጵያ መንግሥት ባለሥልጣናት ዩክሬንን እንዲጎበኙ ጥያቄ ቀረበ

    በመካከለኛው ምሥራቅና አፍሪካ የዩክሬን ልዩ መልዕክተኛ ከአቶ ደመቀ መኮንን...

    ባለሦስትና አራት እግር ተሽከርካሪዎች የሚመሩበት የሕግ ማዕቀፍ እየተዘጋጀ ነው

    በአዲስ አበባ ከተማ የአሠራር መመርያ ሳይዘጋጅላቸው በኅብረት ሥራ በመደራጀት...

    ለውጭ ባንኮች የፀደቀው ፖሊሲ ብዥታ እንደፈጠረበት የመድን ሰጪዎች ማኅበር ገለጸ

    የሚኒስትሮች ምክር ቤት የውጭ ባንኮች እንዲገቡ በቅርቡ ያፀደቀው የፖሊሲ...
    - Advertisment -

    ትኩስ ፅሁፎች

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...

    ከመሬት ለአራሹ ወደ ደላላ የዞረው የመሬት ፖለቲካ

    ጠቅላይ ሚኒስትር ዓብይ አህመድ (ዶ/ር) በአንድ ወቅት ለመጀመርያ ጊዜ...
    spot_img

    ተዛማጅ ፅሁፎች

    [የተቃዋሚ ፓርቲው ትይዩ ሚኒስትር ክቡር ሚኒስትሩ ጋ ደውለው መንግሥት በሙሰኞች ላይ ለመውሰድ ስላሰበው የሕግ ዕርምጃ ሐሳብ እየተለዋወጡ ነው]

    ሄሎ… ማን ልበል? ጤና ይስጥልኝ ክቡር ሚኒስትር? ጤና ይስጥልኝ… ማን ልበል? የእርስዎ ትይዩ ነኝ፡፡  አቤት? ያው ፓርቲዬን ወክዬ የፍትሕ ሚኒስትሩ ትይዩ ነኝ ማለቴ ነው፡፡ ኦ... ገባኝ… ገባኝ...  ትንሽ ግራ አገባሁዎት አይደል? ትይዩ...

     [ክቡር ሚኒስትሩ እራት እየበሉ መንግሥትን በሚተቹ ጋዜጠኞች ላይ እየተወሰደ ያለውን ዕርምጃ የተመለከተ መረጃ እየቀረበላቸው ነው]

    ለጋዜጠኞቹ መንግሥትን እንዲተቹ መረጃ የሚሰጧቸው ታሪካዊ ጠላቶቻችን ናቸው፡፡ እነሱ አይደሉም፡፡ እና የትኞቹ ናቸው? እዚሁ ከተማችን የሚገኙ ምዕራባውያን ናቸው። እንዴት ነው መረጃውን የሚያቀብሏቸው? እራት እያበሉ ነው። ምን? አዎ፣ እራት ግብዣ ይጠሯቸውና መተቸት...

    [ክቡር ሚኒስትሩ ከፕሮፓጋንዳ ጉዳዮች ኮሚቴ ሰብሳቢው ጋር ስለ ሰሜኑ የሰላም ስምምነት ትግበራ መረጃ እየተለዋወጡ ነው]

    እኔ ምልህ፡፡ አቤት ክቡር ሚኒስትር? የሰሜኑ ተዋጊዎች ከሠራዊታችን ጋር መቀራረብ ጀመሩ የሚባለው እውነት ነው?  አዎ። እውነት ነው ክቡር ሚኒስትር።  ከማንም ትዕዛዝ ሳይጠብቁ ነው ከእኛ ሠራዊት ጋር መቀላቀል ጀመሩ...