Thursday, December 8, 2022
ሌሎች ዓምዶች
    - Advertisment -
    - Advertisment -

    [ክቡር ሚኒስትሩ አዲሱ ዓመት ሰላም ይዞ ይመጣል የሚል ተስፋቸውን ለባለቤታቸው እየገለጹ ነው]

    • መንግሥት አሁንም እጁን ለሰላም እንደዘረጋ ነው። ነገር ግን በዚያኛው ወገን ከጦርነት በቀር ሌላ ፍላጎት የለም።
    • ከዚህ አዙሪት በቀላሉ መውጣት ይቻላል ብለህ ታምናለህ?
    • አዲሱ ዓመት ሰላም ይዞ እንደሚመጣ ተስፋ አደርጋለሁ።
    • ዝም ብለህ ነው ተስፋ ያደረግከው።
    • እንዴት?
    • አዲስ ዓመት ከየት ያመጣዋል?
    • ተስፋ ማድረግ ጥሩ ነው! 
    • ለሰላም ዝግጅት ሳይኖር ተስፋ ማድረግ ሰላም ያመጣል?
    • በእኛ በኩል ዝግጁ ነን። እነሱ ግን እንደምታውቂው ናቸው።
    • በእናንተ በኩል ዝግጁ ስለመሆናችሁ እርግጠኛ ነህ?
    • በይፋ ደጋግመን እየገለጽን አይደል እንዴ? 
    • ታዲያ ምነው የሰላም ጥሪ ሊያቀርቡ የነበሩትን ከለከላችሁ? 
    • እነሱን ተያቸው… ሰላም ፈላጊዎች አይደሉም።
    • እና ምንድናቸው?
    • ተላላኪዎች! 
    • ኧረ …ተው?
    • ሰላም ፈላጊዎች ቢሆኑማ ሁሉም ሲጠቃ ድምጻቸውን እንሰማ ነበር። ተልከው እንደሆነ ብቻ ሳይሆን ማን እንደላካቸውም እናውቃለን።
    • ማን ይልካቸዋል?
    • በጀት የሚመድቡላቸው ልዩ መልዕክተኞች ናቸው።
    • ቢሆንስ ምን ችግር አለው?
    • የመልዕክተኞቹ ዓለማ ሰላም አይደለም። 
    • ታዲያ ምንድነው?
    • በሰላም ስም ፋታ ሊገዙለት ነው።
    • ለማን?
    • እየተቀጠቀጠ ላለለው አማጺ ወዳጃቸው ነዋ። 
    • ኧረ… ተው?
    • እንደዚያ ባይሆንማ ማጥቃት ከመጀመራችን በፊት በተደጋጋሚ ያቀረብነውን ሰላም ጥሪ ጆሮ ይሰጡት ነበር። ልክ ማጥቃት ስንጀምርና ስንገሰግስ ግን ስለ ሰላም መጮህ ጀመሩ።
    • እናተም ሆነ እነሱ የምትፈልጉት የሰላም ጥሪ አልመሰለኝም። 
    • ከሰላም ሌላ የምን ጥሪ እንፈልጋለን?
    • የክተት ጥሪ!

    [ክቡር ሚኒስትሩ ከአንድ የአውሮፓ አገር ዲፕሎማት ጋር ዳግመኛ ስለተቀሰቀሰው የሰሜኑ ጦርነትና ሰላም እንዴት ሊመጣ እንደሚችል እየተወያዩ ነው] 

    • ክቡር ሚኒስትር የሰሜኑ ጦርነት በሰላማዊ ድርድር ይፈታል ብለን ተስፋ ባደረግንበት ወቅት ዳግም ጦርነት መቀስቀሱ አሳዝኖናል።
    • እውነት ነው እኛም ችግሩን በሰላም ለመፍታት ተስፋ አድርገን ሳለ ወደ ጦርነት በመግባታችን በጣም አዝነናል። 
    • የአፍሪካ ኅብረትም ሆነ ሌሎች የአውሮፓ አደራዳሪዎች የጀመሩት የሰላም ጥረት ሊሳካ ጫፍ ላይ መድረሱን ነበር የሰማነው። 
    • ግን አልሆነም። ምክንያቱም ይህ ቡድን ያለ ጦርነት መኖር አይችልም። 
    • ስለዚህ ጦርነት ለመረዳት በጣም እየተቸገርን ነው ክቡር ሚኒስትር? 
    • እንዴት?
    • ያኛው ወገንም በተመሳሳይ መንግሥትን ይከሳል። እናንተም ያኛውን ወገን ትከሳላችሁ። በዚህ ሁኔታ ግራ ተጋብተናል። 
    • አምባሳደር ያኛው ወገን ግራ ማጋባት ልማዱ ነው። ከዚህ ወገን እውነትን መጠበቅ ነው። 
    • እነሱ መንግሥት ነው ጦርነቱን የጀመረው። ለሰላም ዝግጁ ነን ይላሉ። 
    • ችግሩ እናንተ ዘንድ ነው ያለው። 
    • እንዴት ክቡር ሚኒስትር?
    • ምክንያቱም እውነቱን ለማወቅ ሳይሆን ግራ ለመጋባት ነው የምትፈልጉት።
    • አልገባኝም ክቡር ሚኒስትር?
    • መንግሥት ጦርነቱን የሚጀምርበት ምክንያት የለም። ጦርነቱን በመጀመር የሚጠቀመው ነገር የለም። 
    • ግን እነሱም ጦርነቱን አልጀመርንም ይላሉ። 
    • የእነሱ ጦር በአንድ ቀን ወስጥ የቆቦ ከተማ ተቆጣጥሩ በቀጣዩ ቀን ደግሞ ወልዲያ ከተማ ዙሪያ እንዴት ሊደርስ ቻለ የሚለውን ጥያቄ መመለስ ከቻልክ ጦርነቱን ማን እንደጀመረ መረዳት ትችላለህ። 
    • እንዴት? 
    • በዚያ አቅጣጫ ጦርነት ለመክፈት ዝግጅት ካላደረክ ጦርህን ካላሰለፍክ በዚያ ፍጥነት ወልዲያ ዙሪያ ለመድረስ ፈጽሞ የሚቻል አይደለም። 
    • እህ…
    • ይህንን ለመቀበል የምትቸገሩ ከሆነ ደግሞ በቀላሉ መረዳት የምትችሉበትን ሌላ መንገድ መጠቆም ይቻላል።
    • እባክዎ ይንገሩኝ ክቡር ሚኒስትር?
    • በዚሁ ግንባር የማረኩትን አንድ የእኛ ጦር ሠራዊት አባልን በራሳቸው ሚዲያ ቃለመጠይቅ አድርገውለት የነገራቸውን ፈልገህ አድምጥ።
    • እባክዎ ምን አንዳላቸው በአጭሩ ይንገሩኝ? 
    • የአሁኑ ጦርነት የጀመረው እርሱ በነበረበት የቆቦ ግንባር እንደሆነና የእነሱ ጦር ከጀርባ ቆርጦ በመግባት በአራት አቅጣጫ እንዳጠቃቸው ነግሯቸዋል።
    • እሺ…?
    • የእነሱ ጦር በጀርባ ቆርጦ መግባቱን ለበላይ አመራር አሳውቆ ድጋፍ ሰጪ ኃይል እንደሚላክለት ተነግሮት ምሽግ ውስጥ እንደቆየ ሁሉ ያስረዳል። 
    • እሺ…
    • ነገር ግን ሁኔታው ፈጣን እንደነበርና ከበባውን ሰብሮ መውጣት እንዳልቻለ በዚህም ምክንያት ቆስሎ መያዙን ገልጾላቸዋል። ግን…
    • ይቀጥሉ ክቡር ሚኒስትር…
    • ይህንን ቃለ ምልልስ በይፋ አስተላልፈውም ጦርነቱን የጀመረው መንግሥት ነው እያሉ ማደናገራቸው የሚጠበቅ ነው።
    • ክቡር ሚኒስትር አሁንም ለሰላም አልረፈደም።
    • እኛም ሰላም ነው የምንፈልገው አምባሳደር። ጦርነት ተከተፍቶብንም ቢሆን ሰላም ነው የምንሻው። 
    • እነሱም ሰላም እንደሚፈልጉ ገልጸውልናል።
    • እናንተስ አምባሳደር? 

    በብዛት የተነበቡ ፅሁፎች

    በሰባት የመንግሥት ተቋማት ላይ ሰፊ የወንጀል ምርመራ እየተካሄደ መሆኑ ተሰማ

    በስምንት የመንግሥት ዩኒቨርሲቲዎች ላይ የወንጀል ምርመራ እንዲጀመር ተወስኗል ከ1.4 ቢሊዮን...

    ጎህ ቤቶች ባንክ ወደ ቤት ልማት ለመግባት ብሔራዊ ባንክን ፈቃድ ጠየቀ

    በስምንት ወራት ውስጥ 7.9 ሚሊዮን ብር ማትረፉን አስታውቋል ኢትዮጵያ ውስጥ...

    ሒጂራ ባንክ የ143 ሚሊዮን ብር ኪሳራ አስመዘገበ

    በኢትዮጵያ ሙሉ ለሙሉ ከወለድ ነፃ ባንክ አገልግሎት ለመስጠት ወደ...

    ወጋገን ባንክ ከገጠመው ቀውስ በማገገም በ2014 የሒሳብ ዓመት የተሻለ ትርፍ አገኘ

    ለሁለት ዓመታት የዘለቀው የሰሜን ኢትዮጵያ ጦርነት የቢዝነስ እንቅስቃሴያቸው ከተስተጓጎለባቸው...
    - Advertisment -

    ትኩስ ፅሁፎች

    በኦሮሚያ ክልል የተፈጸመው ጭፍጨፋና ሥጋቱ

    ኦሮሚያ ክልል ከቀውስ አዙሪት መላቀቅ ያቃተው ይመስላል፡፡ ከ200 በላይ...

    እናት ባንክ ካፒታሉን ወደ አምስት ቢሊዮን ብር ለማሳደግ ወሰነ

    መጠባበቂያን ሳይጨምር የባንኩ የተጣራ ትረፍ 182 ሚሊዮን ብር ሆኗል እናት...

    ቡና ባንክ ዓመታዊ ትርፉን ከአንድ ቢሊዮን ብር በላይ ማሻገር ቻለ

    ቡና ባንክ በ2014 የሒሳብ ዓመት ዓመታዊ የትርፍ ምጣኔውን ለመጀመርያ...

    ወጋገን ባንክ ከገጠመው ቀውስ በማገገም በ2014 የሒሳብ ዓመት የተሻለ ትርፍ አገኘ

    ለሁለት ዓመታት የዘለቀው የሰሜን ኢትዮጵያ ጦርነት የቢዝነስ እንቅስቃሴያቸው ከተስተጓጎለባቸው...
    spot_img

    ተዛማጅ ፅሁፎች

    [ክቡር ሚኒስትሩ በዕረፍት ቀናቸው እርጅና የተጫጫናቸው አጎታቸውን ለመጠየቅ ቢሄዱም ሚኒስትሩ ራሳቸው ተጠያቂ ሆነዋል]

    ዛሬ እንዴት ትዝ አልኩህ ክቡር ሚኒስትር? ልትመዛት ያሰብካት ነገር አለች ማለት ነው? እንዴት? ክቡር ሚኒስትር ብለህ ጠራኸኛ?! ክቡር ሚኒስትር አይደለህም እንዴ? እንደዚያ ብለህ በጠራኸኝ ቁጥር አንድ ያልተዋጠለህን ነገር ታነሳለህ።...

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር! ቀድሜ ቀጠሮ እንዲያዝልኝ ስጠይቅ እንደገለጽኩት በተቋሙ ሠራተኛ ተወክዬ ነው የመጣሁት። እንዴ? አንተ የእኛ ተቋም ባልደረባ አይደለህም...

    [የተቃዋሚ ፓርቲው ትይዩ ሚኒስትር ክቡር ሚኒስትሩ ጋ ደውለው መንግሥት በሙሰኞች ላይ ለመውሰድ ስላሰበው የሕግ ዕርምጃ ሐሳብ እየተለዋወጡ ነው]

    ሄሎ… ማን ልበል? ጤና ይስጥልኝ ክቡር ሚኒስትር? ጤና ይስጥልኝ… ማን ልበል? የእርስዎ ትይዩ ነኝ፡፡  አቤት? ያው ፓርቲዬን ወክዬ የፍትሕ ሚኒስትሩ ትይዩ ነኝ ማለቴ ነው፡፡ ኦ... ገባኝ… ገባኝ...  ትንሽ ግራ አገባሁዎት አይደል? ትይዩ...