Monday, November 28, 2022
ሌሎች ዓምዶች
    - Advertisment -
    - Advertisment -

    [ክቡር ሚኒስትሩ ከዘመዶቻቸውና ከቤተሰቦቻቸው ጋር ሆነው በዓሉን በመኖሪያ ቤታቸው እያከበሩ ነው። ባለቤታቸውም ለበዓሉ የተዘጋጀውን ዳቦ ባርከው እንዲቆርሱ ለክቡር ሚኒስትሩ እያቀረቡ ነው]

    • በል ዳቦውን ባርከህ ቁረስልንና በዓሉን እናክብር፡፡
    • ጥሩ ወዲህ አምጪው…
    • በል መርቅ…
    • ከዓመት ዓመት ያድርሰን…
    • ኧረ በሥርዓት መርቅ ተው?
    • ከዓመት ዓመት ያድርሰን አልኩኝ እኮ… አልሰማሽም እንዴ?
    • ከዓመት ዓመት መድረሱ ብቻ ምን ዋጋ አለው? በደንብ መርቅ እንጂ?
    • ሌላ ምን ብዬ ልመርቅ?
    • አገራችንን ሰላም ያድርግልን… ካለንበት ጦርነት ያውጣን… በል እንጂ?
    • ተይ …ተይ… እሱ ይቅር፡፡
    • እንዴ ለምን?
    • ሰላም በአንድ ወገን ፍላጎት ብቻ አይመጣም፡፡
    • ኧረ ፖለቲካህን ተውና መርቀህ ዳቦውን ቁረስልን፡፡
    • አንቺው እኮ ነሽ አላስቆርስ ያልሽው፡፡
    • እኔ ደግሞ ምን አደግረኩ? ከመቀመጫዬ አልተነሳሁ፡፡
    • ካለሽበት ሆነሽ ጣልቃ እየገባሽ አይደለም እንዴ?
    • በል አሁን ጭቅጭቁን ተወውና ዳቦውን ቁረስንልን፡፡
    • መቆረሱ የት ይቀራል ብለሽ ነው… ይኸው…
    • ኧረ ተው… አታሳንሰው?
    • አሳነስኩት እንዴ?
    • አደቀቅከው እንጂ፡፡
    • ለሁሉም እንዲዳረስ ብዬ ነዋ፡፡
    • ኤዲያ… ፈርፍረህ ጨረሰው እኮ…
    • ዛሬ ምን ነክቶሻል…
    • ኤዲያ… ጨርሶ በቢላ የተቆረሰ አይመስልም እኮ?
    • እና በምን የተቆረሰ መሰለ?
    • በድሮን!

    [ክቡር ሚኒስትሩ በእረፍት ቀናቸው ከአንድ የተቃዋሚ ፓርቲ አመራር ወዳጃቸው ጋር ፖለቲካዊ ጨዋታ ላይ ናቸው። ወዳጃቸው በኢሕአዴግና በእናንተ ፓርቲ መካከል ምንም ዓይነት ልዩነት የለም እያለ እየተከራከራቸው ነው]

    • ክቡር ሚኒስትር፣ እኛ ኢሕአዴግ አይደለንም በስማችን ጥሩን የምትሉት ነገር ይገርመኛል፡፡
    • ምኑ አስገረመህ? እውነት አይደለም እንዴ?
    • ለእኔ የተቀየረ ነገር የለም፣ ያው ናችሁ።
    • ሞቶ ከተቀበረ ድርጅት ጋር እንዴት ታመሳስለናለህ? ትክክል አይደለህም፡፡
    • እኔ እኮ ሞቶ መቀበሩን አልካድኩም።
    • ታዲያ ምንድነው የምትለው?
    • ወራሾች ናችሁ ነው የምለው።
    • እንዴት?
    • ከስም ለውጥ በስተቀር ሁሉ ነገራችሁ ተመሳሳይ ነው።
    • እስኪ ምናችን ነው የሚመሳሰለው?
    • ለምሳሌ ርዕዮተ ዓለማችሁ ከስም ለውጥ በስተቀር ተመሳሳይ ነው፣ እሱ አብዮታዊ ዴሞክራሲ ነው ይላል፣ እናንተ ስሙን መደመር በሚል ቀይራችሁ አመጣችሁት።
    • አትሳሳት፣ መደመር እኛ የፈጠርነውና የእኛ ብቻ ነው።
    • እኔ ግን አልስማማም።
    • እስኪ ንገረኝ፣ መደመር የሚል ርዕዮ ተዓለም በዓለም ላይ ሰምተህ ታውቃለህ?
    • ስያሜውማ አዲስ ነው፣ ነገር ግን በጽንሰ ሐሳብ ደረጃ ሁለቱም አንድ ናቸው።
    • እንዴት አንድ ሊሆኑ ይችላሉ?
    • አብዮታዊ ዴሞክራሲ መላ ማኅበረሰቡን አንድ ላይ በማነቃነቅ ኢኮኖሚያዊና ማኅበራዊና ፖለቲካዊ ለውጥ አመጣለሁ ነው የሚለው።
    • ታዲያ?
    • እናንተም በመደመር ሁሉም ነገር ይለወጣል፣ መፍትሔ ያገኛል ነው የምትሉት፡፡
    • እንዲሁ ለማመሳሰል ፈልገህ እንጂ በጭራሽ አንድ አይደሉም።
    • አይ… ያው ናችሁ፣ አስፈላጊ ከሆነ ሌላ ምሳሌም ልጠቅስልህ እችላለሁ።
    • ጥቀስ።
    • ለምሳሌ ኢሕአዴግ የመስኖ ልማት የሚለውን እናንተ የበጋ ስንዴ ልማት በሚል ለወጥ አድርጋችሁ አመጣችሁት።
    • ኦኦ… ሌላስ የምታመሳስለው የለህም?
    • አለኝ… ካዳመጥከኝ መቀጠል እችላለሁ።
    • ኧረ ቀጥል… ቀጥል…
    • ለምሳሌ ሰሞኑን ያመጣችሁት አዲስ ነገር…
    • ምን…?
    • በፊት ኢሕአዴግ አንድ ነገር ይጀምርና የልማት ቱሩፋት ነው ይለን ነበር፡፡
    • እኛስ?
    • እናንተ ደግሞ እሱን ቀየር አድርጋችሁ ብቅ ብላችኋል።
    • ምን ብለን?
    • የሌማት ቱሩፋት፡፡
    • ልፋ ሲልህ ነው።
    • እንዴት ?
    • ቢያንስ አንድ የማያመሳስለን ነገር አለ፡፡
    • ምን?
    • እኛ ቅምጥ ተቃዋሚ ፓርቲዎች የሉንም።
    • ቅምጥ ማለት?
    • ስንፈልግ ብቻ የሚቃወሙን በጀት የምንቆርጥላቸው ፓርቲዎች ማለቴ ነው!

    በብዛት የተነበቡ ፅሁፎች

    በሰሜኑ ጦርነት የተበላሹ ብድሮች ከባንኮች የፋይናንስ ሪፖርት ላይ አይነሱም ተባለ

    ልማት ባንክ አሥር ቢሊዮን ብር ታማሚ ብድር እንዲነሳለት ጠይቋል የኢትዮጵያ...

    የኢትዮጵያ መንግሥት ባለሥልጣናት ዩክሬንን እንዲጎበኙ ጥያቄ ቀረበ

    በመካከለኛው ምሥራቅና አፍሪካ የዩክሬን ልዩ መልዕክተኛ ከአቶ ደመቀ መኮንን...

    ባለሦስትና አራት እግር ተሽከርካሪዎች የሚመሩበት የሕግ ማዕቀፍ እየተዘጋጀ ነው

    በአዲስ አበባ ከተማ የአሠራር መመርያ ሳይዘጋጅላቸው በኅብረት ሥራ በመደራጀት...

    ለውጭ ባንኮች የፀደቀው ፖሊሲ ብዥታ እንደፈጠረበት የመድን ሰጪዎች ማኅበር ገለጸ

    የሚኒስትሮች ምክር ቤት የውጭ ባንኮች እንዲገቡ በቅርቡ ያፀደቀው የፖሊሲ...
    - Advertisment -

    ትኩስ ፅሁፎች

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...

    ከመሬት ለአራሹ ወደ ደላላ የዞረው የመሬት ፖለቲካ

    ጠቅላይ ሚኒስትር ዓብይ አህመድ (ዶ/ር) በአንድ ወቅት ለመጀመርያ ጊዜ...
    spot_img

    ተዛማጅ ፅሁፎች

    [የተቃዋሚ ፓርቲው ትይዩ ሚኒስትር ክቡር ሚኒስትሩ ጋ ደውለው መንግሥት በሙሰኞች ላይ ለመውሰድ ስላሰበው የሕግ ዕርምጃ ሐሳብ እየተለዋወጡ ነው]

    ሄሎ… ማን ልበል? ጤና ይስጥልኝ ክቡር ሚኒስትር? ጤና ይስጥልኝ… ማን ልበል? የእርስዎ ትይዩ ነኝ፡፡  አቤት? ያው ፓርቲዬን ወክዬ የፍትሕ ሚኒስትሩ ትይዩ ነኝ ማለቴ ነው፡፡ ኦ... ገባኝ… ገባኝ...  ትንሽ ግራ አገባሁዎት አይደል? ትይዩ...

     [ክቡር ሚኒስትሩ እራት እየበሉ መንግሥትን በሚተቹ ጋዜጠኞች ላይ እየተወሰደ ያለውን ዕርምጃ የተመለከተ መረጃ እየቀረበላቸው ነው]

    ለጋዜጠኞቹ መንግሥትን እንዲተቹ መረጃ የሚሰጧቸው ታሪካዊ ጠላቶቻችን ናቸው፡፡ እነሱ አይደሉም፡፡ እና የትኞቹ ናቸው? እዚሁ ከተማችን የሚገኙ ምዕራባውያን ናቸው። እንዴት ነው መረጃውን የሚያቀብሏቸው? እራት እያበሉ ነው። ምን? አዎ፣ እራት ግብዣ ይጠሯቸውና መተቸት...

    [ክቡር ሚኒስትሩ ከፕሮፓጋንዳ ጉዳዮች ኮሚቴ ሰብሳቢው ጋር ስለ ሰሜኑ የሰላም ስምምነት ትግበራ መረጃ እየተለዋወጡ ነው]

    እኔ ምልህ፡፡ አቤት ክቡር ሚኒስትር? የሰሜኑ ተዋጊዎች ከሠራዊታችን ጋር መቀራረብ ጀመሩ የሚባለው እውነት ነው?  አዎ። እውነት ነው ክቡር ሚኒስትር።  ከማንም ትዕዛዝ ሳይጠብቁ ነው ከእኛ ሠራዊት ጋር መቀላቀል ጀመሩ...