Thursday, May 23, 2024
- Advertisement -
- Advertisement -

ዜናመንግሥት ለትግራይ ክልል ከተሞች በተለያዩ አቅጣጫዎች የሰብዓዊ ዕርዳታ ማቅረብ እንደሚቻል አስታወቀ

መንግሥት ለትግራይ ክልል ከተሞች በተለያዩ አቅጣጫዎች የሰብዓዊ ዕርዳታ ማቅረብ እንደሚቻል አስታወቀ

ቀን:

የኢትዮጵያ ጦር ሽሬ፣ አላማጣና ኮረም ከተሞችን መቆጣጠሩን መንግሥት አስታወቀ፡፡ የመንግሥት ኮሙዩኒኬሽን አገልግሎት ትናንት እንዳስታወቀው፣ በመከላከያ እጅ በገቡ የትግራይ ክልል ከተሞችና አካባቢዎች የሰብዓዊ ዕርዳታ አቅርቦት የሚካሄድባቸው መንገዶችን ለመክፈት ጥረት ተጀምሯል ብሏል፡፡

በሰላማዊ ሰዎች ላይ አንዳችም ጉዳት በማያደርስ ጥብቅ ዲሲፕሊን ሠራዊቱ እየተመራ ከተሞቹን መቆጣጠሩን የጠቀሰው መግለጫው፣ የሕወሓትን ፕሮፓጋንዳ ሲያስተጋቡ የነበሩ አካላትን ሟርት ያመከነ ዘመቻ መከናወኑን ጠቁሟል፡፡ መግለጫው አንዳችም የከተማ ጦርነት ሳይደረግ ሠራዊቱ ከተሞቹን እንደተቆጣጠረም ይናገራል፡፡

በአፋር ክልል በኩል ብቻ ሲካሄድ የቆየው የትግራይ ክልል የረድዔት አቅርቦት፣ በሌሎች አዳዲስ መስመሮች እንደሚጀመር መንግሥት አመልክቷል፡፡ በሰሜን ጎንደር በኩል ወደ ሽሬ የረድዔት አቅርቦት ይጀምራል ሲል መንግሥት በመግለጫው አስታውቋል፡፡

- Advertisement -

በሌላ በኩልም በወሎ በኩል ተጨማሪ የረድዔት አቅርቦት መስመር እንደሚጀምር ገልጿል፡፡ ይህም ከኮምቦልቻ ተነስቶ በደሴ፣ በወልዲያ፣ በቆቦና በአላማጣ በሚያልፈው ዋና መንገድ እንደሚሆን ነው ያስረዳው፡፡

መንግሥት በዚሁ መግለጫው ሠራዊቱ በተቆጣጠራቸው የትግራይ ክልል ከተሞችና አካባቢዎች ከተለያዩ የዕርዳታ ድርጅቶች ጋር በመተባበር የረድዔት አቅርቦቱን ለማስጀመር ዝግጁ መሆኑን ነው የተናገረው፡፡

ከግንባር እየወጡ ባሉ መረጃዎች ደግሞ የመከላከያ ሠራዊት ግስጋሴ መቀጠሉ እየተነገረ ሲሆን፣ እስከ ማክሰኞ አመሻሽ ማይጨው ከተማ መያዟ፣ እንዲሁም አክሱምና ዓድዋ መከበባቸው የሚጠቁሙ መረጃዎች በመውጣት ላይ ናቸው፡፡

ሰኞ ዕለት በመንግሥት ኮሙዩኒኬሽን አገልግሎት በተሰጠ መግለጫ፣ መከላከያ ሠራዊት በትግራይ ክልል የሚገኙ የፌዴራል መሠረተ ልማት አውታሮችን እንደሚቆጣጠር አስታውቆ ነበር፡፡

መንግሥት ባለበት የአገራቱን ሉዓላዊነትና የግዛት አንድነት የማስከበር ኃላፊነት፣ ኤርፖርቶችን ጨምሮ ዋና ዋና የፌዴራል ልማት አውታሮችን መከላከያው እንደሚቆጣጠር በዚሁ መግለጫው ይፋ አድርጓል፡፡

በትግራይ ክልል ሁመራ፣ አክሱም፣ ሽሬና የመቀሌ ከተሞች ኤርፖርቶች እንዳሏቸው ይታወቃል፡፡ በመቀሌ ከተማ አቅራቢያ የሚኘው የሰሜን ዕዝ ዋና ማዘዣ፣ እንዲሁም ተከዜ የውኃ ኃይል ማመንጫ ጣቢያን ጨምሮ በትግራይ ለፌዴራል መንግሥት ተጠሪ የሆኑ የቴሌኮም፣ የባንክ፣ የኃይልና ሌሎችም የልማት አውታሮች መኖራቸው ይታወቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የማዳበሪያ አቅርቦትና ውጣ ውረዱ

በቅፅል ስሙ “The Father of Chemical Warfare” እየተባለ የሚጠራው...

የኢትዮጵያ ልማት ባንክ የትርፍ ምጣኔውን ከ70 በመቶ በላይ አሳደገ

ከሁለቱ መንግሥታዊ ባንኮች መካከል አንዱ የሆነው የኢትዮጵያ ልማት ባንክ...