Thursday, November 30, 2023
- Advertisment -
- Advertisment -

[ክቡር ሚኒስትሩ መንግሥት ሰሞኑን ከውጭ በሚገቡ ምርቶች ላይ የጣለውን ክልከላ ማኅበረሰቡ እንዴት እንደተቀበለው ከአማካሪያቸው ጋር እያወሩ ነው]

  • እሺ ተቃውሞ ሰማሁ ነው ያልከኝ?
  • አዎ ክቡር ሚኒስትር። እንዳይገቡ ከተከለከሉት ምርቶች በተወሰኑት ላይ ተቃውሞ ሰምቻለሁ።
  • በየትኞቹ ምርቶች ላይ?
  • በተለይ አርቴፊሻል ፀጉር በመከልከሉ በርካታ ተቃውሞና ትችት በማኅበራዊ ድረገጾች ሲዘዋወር ነበር። 
  • የኡጋንዳዋ ምክትል ፕሬዚዳንት የተናገሩትን ሰምተው ቢሆን ይቃወሙም ነበር።
  • የኡጋንዳ ምክትል ፕሬዚዳንት? 
  • አዎ። ሰሞኑን በባህርዳር በተካሄደው የጣና ፎረም ላይ ንግግር አድርገው ነበር። 
  • አዎ። እርስዎም እዚያ ነበሩ። እና ሴትየዋ ምን አሉ? 
  • የኡጋንዳ ወጣት ሴቶች በፀጉራቸው ማጠር ደስተኛ አለመሆናቸውን በቀልድ መልክ ይናገራሉ አሉ።
  • ምን ብለው ይናገራሉ አሉ?
  • ማነው ከአቢሲኒያ ያመጣን! ወደ ኡጋንዳ ባያመጡን ኖሮ እንደ ኢትዮጵያውያን ሴቶች ፀጉራችን ያምር ነበር እንደሚሉ ተናግረው ነበር።
  • [ሳቅ] የሚገርመው ግን አርቴፊሻል ፀጉር እንዳይገባ መከልከሉን የተቃወሙት ሴቶቻችን አይደሉም ክቡር ሚኒስትር።
  • እንዴ! እና ማነው የተቃወመው?
  • ሸኔ፡፡ 
  • [እየሳቁ] አንተ ደግሞ ቀልድና ቁምነገርህ አይለይም። 
  • ምን ላድርግ ብለው ነው ክቡር ሚኒስትር።
  • ልክ ነህ እንደዚህ ቁምነገር ያዘሉ ቀልዶች ያዝናናሉ። 
  • ልክ ነው ክቡር ሚኒስትር። 
  • ሌላ የሰማኸው ተቃውሞ ነገር የለም? 
  • ልሂቃኑን ጨምሮ አብዛኛው የማኅበረሰብ ክፍል ውሳኔያችንን በከፍተኛ ደረጃ ነው የደገፈው። ግን ደግሞ…
  • ግን ምን?
  • ያው ተቃውሞ ጨርሶ አይጠፋም። በተለይ ተቃውሞው ከራሳችን መዋቅር መመንጨቱ በጣም ያበሳጫ።
  • ከራሳችን ስትል? ከሕዝብ ክንፍ ነው?
  • አይደለም። በየደረጃው ከሚገኙ የፓርቲና የመንግሥት መዋቅሮቻችን ማለቴ ነው።
  • አትለኝም? 
  • እውነቴን ነው ክቡር ሚኒስትር። 
  • እንዴት?
  • በተለይ ውስኪ እንዳይገባ መከልከል የለበትም የሚሉት መብዛታቸው አስገራሚ ነው። 
  • ይህ አስገራሚ አይደለም!
  • እ…
  • አሳፋሪ ነው!
  • አዎ፣ ያበሳጫል ክቡር ሚኒስትር።
  • ግን ውስኪ እንዳይገባ በመከልከሉ ብቻ ሲሉ ነው የተቃወሙት? 
  • ውስኪ ይበሉ እንጂ ምክንያታቸው እሱ እንዳልሆነ ይታወቃል።
  • ምንድነው ምክንያታቸው?
  • ጊዜ ነው 
  • የምን ጊዜ?
  • በእኛ ጊዜ እንዴት ይከለከላል ነው የሚሉት ክቡር ሚኒስትር
  • እነዚህን ነው በጊዜ ማለት!
  • በጊዜ ማለት ሲሉ?
  • በጊዜ መሸኘት!

[የክቡር ሚኒስትሩ አማካሪ መንግሥት የሰሜኑ ጦርነትን በተመለከተ መረጃ መስጠት ከጀመረ እኔም አንዳንድ ጉዳዮችን ልረዳ ብሎ በጠዋት ክቡር ሚኒስትሩ ቢሮ ገብቶ እየጠየቀ ነው]

  • እንደምን አደሩ ክቡር ሚኒስትር?
  • ሰላም። 
  • እንኳን ደስ አልዎት። 
  • ለምኑ?
  • የሰሜኑ ጉዳይ ወደ መደምደሚያው እየተጠጋ ይመስላል።
  • በዚህ ጉዳይ ላይ አትጠይቀኝ አላልኩህም?
  • መንግሥት ዝምታውን ሰብሯል ብዬ ነው ክቡር ሚኒስትር?
  • መንግሥት የተናገረው ነገር አለ እንዴ? 
  • አዎ። ትላንት መግለጫ አውጥቶ ሦስት ከተሞችን መቆጣጠሩን ይፋ አድርጓል። ከዚያ በፊትም የአየር ማረፊያዎችን እንደሚቆጣጠር ገልጿል። 
  • ለነገሩ ከዚህ በኋላ ዝም ማለት ጠቀሜታ የለውም። 
  • አዎ፣ ትክክል ነው። የውጭ አጋሮቻቸው ዝምታውን ተጠቅመው ጫና ለመፍጠር እየሞከሩ ነው። 
  • እኮ። እዚህ ደረጃ ሲደርስ መናገር ተገቢ ነው። ለዚያም ነው መንግሥት የተናገረው። 
  • ቢሆንም ያልገባኝ ነገር አለ ክቡር ሚኒስትር?
  • ምንድነው?
  • መንግሥት በይፋ አየር ማረፊያዎችን እቆጣጠራለሁ ማለቱ ትክልል ነው? የውጭ አጋሮቻቸውን አያስቆጣም?
  • ለምን ያስቆጣል? አየር ማረፊያዎቹ እኮ የፌዴራል መንግሥት ንብረቶች ናቸው። 
  • እሱስ ልክ ነው። 
  • በተጨማሪም የውጭ ኃይሎች አየር ማረፊያዎቹን ሊጠቀሙ እንደሚችሉ በምዕራባዊያኑ ጭምር የተረጋገጠ ተጨባጭ ማስረጃ በመኖሩ ነው። 
  • በራሳቸው የተረጋገጠ መረጃ አለ? 
  • አዎ። ራሳቸው ያረጋገጡትና በይፋም የተናገሩት ነው።
  • እንደው ግን ክቡር ሚኒስትር መንግሥት ከአየር ማረፊያዎቹ ውጪ ወደ ዋና ከተማዋ አይገባም?
  • በዋና ከተማ አየር ማረፊያ የለም እንዴ? 
  • አለ? 
  • ስለዚህ ይገባል። በዚያ ላይ አየር ማረፊያዎችን ብቻ አይደለም መንግሥት ለመቆጣጠር የወሰነው።
  • ሌላ ምን አለ?
  • የፌዴራል መንግሥት መሠረተ ልማቶችንም ይቆጣጠራል።
  • የትኞቹን ማለት ነው? 
  • ለምሳሌ የኢንዱስትሪ ፓርኮችን፣ የኃይል ማመንጫና ማከፋፈያ ጣቢያዎችን፣ አገር አቋራጭ የትራንስፖርት መንገዶችን ይቆጣጠራል።
  • ዩኒቨርሲቲዎችም አሉ። 
  • እዎ። የመከላከያ ሠራዊቱ ይጠቀምባቸው የነበሩ የማዘዣ ማዕከላትንም ይቆጣጠራል። 
  • አሁን የገለጿቸው በሙሉ እኮ በዋና ከተማዋ ይገኛሉ።
  • ስለዚህ ይቆጣጠራቸዋል። 
  • እነዚህን ሁሉ ተቋማት ከሚቆጣጠር ሌላ ነገር ቢያደርግ አይሻለውም?
  • ምን?
  • ከተማዋን መቆጣጠር!

በብዛት የተነበቡ ፅሁፎች

- Advertisment -

ትኩስ ፅሁፎች

የመቃወም ነፃነት ውዝግብ በኢትዮጵያ

ስሟ እንዳይገለጽ የጠየቀችው በአዲስ አበባ ከተማ በተለምዶ የሾላ አካባቢ...

የሲሚንቶን እጥረትና ችግር ታሪክ ለማድረግ የተጀመረው አጓጊ ጥረት

በኢትዮጵያ በገበያ ውስጥ ለዓመታት ከፍተኛ ተግዳሮት በመሆን ከሚጠቀሱ ምርቶች...

የብሔር ፖለቲካው ጡዘት የእርስ በርስ ግጭት እንዳያባብስ ጥንቃቄ ይደረግ

በያሲን ባህሩ በሪፖርተር የኅዳር 9 ቀን 2016 ዓ.ም. ዕትም “እኔ...

ሀብቱንና ትርፉን እያሳደገ የቀጠለው አዋሽ ባንክ

አዋሽ ባንክ በአዲስ አበባ ከተማ አዲስ ዋና መሥሪያ ቤት...
spot_img

ተዛማጅ ፅሁፎች

[ክቡር ሚኒስትሩ የሩብ ዓመት የሥራ አፈጻጸማቸውን ለተከበረው ምክር ቤት ካቀረቡ በኋላ ከምክር ቤቱ አባላት የሚነሱ ጥያቄዎችን እየተቀበሉ ማብራሪያ በመስጠት ላይ ናቸው]

ክቡር ሚኒስትር መንግሥት ለሕዝብ ይፋ ያደረገው ነገር ከምን እንደደረሰ ቢያብራሩልን? ምንድነው ይፋ ያደረገው? ጥያቄውን ትንሽ ቢያብራሩት? ከአራት ዓመት በፊት በኦጋዴን አካባቢ ነዳጅ መገኘቱን ለሕዝብ በቴሌቪዥን አብስሮ...

[ክቡር ሚኒስትሩ አንድ የካቢኔና የማክሮ ኢኮኖሚ ኮሚቴ አባል የሆኑ ከፍተኛ አመራር የሚያቀርቡትን ቅሬታ እያደመጡ ነው] 

ክቡር ሚኒስትር እየሆነ ያለው ነገር በእጅጉ ስላሳሰበኝ ነው በአካል አግኝቼ ላነጋግርዎት የፈለግኩት። ጥሩ አደረግህ፣ ምን አሳሳቢ ነገር ገጥሞህ ነው? ክቡር ሚኒስትር ተወያይተንና ተግባብተን ያስቀመጥናቸው አቅጣጫዎች፣ በተለይም...

[ጉባዔው በወቅታዊ አገራዊ ጉዳዮች ላይ ክቡር ሚኒስትሩን ለመጠየቅና ምላሽና ማብራሪያቸውን ለማድመጥ ተሰብስቧል። የጉባዔው አባላትም ማብራሪያ የሚሹ ጥያቄዎቻቸውን ለክቡር ሚኒስትሩ እያቀረቡ ነው]

ክቡር ሚኒስትር፣ ይህ ጉባዔ ለሚያነሳቸው ጥያቄዎች ምላሽና ማብራሪያ ለመስጠት በመካከላችን ስለተገኙ አመሰግናለሁ። ክቡር ሚኒስትር፣ ኢትዮጵያ ባለፈው ዓመት የብሪክስ አባል እንድትሆን የሰጡት በሳል አመራር የሚደነቅ ነው። አገራችን...