Monday, November 28, 2022
ሌሎች ዓምዶች
    - Advertisment -
    - Advertisment -

    [ፖለቲካ አልወድም የሚሉት የክቡር ሚኒስትሩ ባለቤት በደቡብ አፍሪካ ስለተጀመረው ድርድር ሚኒስትሩን እየጠየቁ ነው]

    • እኔ ምልህ ?
    • እ… አንቺ ምትይኝ? 
    • የሚባለው ነገር እውነት ነው?
    • ምን ተባለ?
    • ሰኞ ይጀመራል የተባለው ድርድር ለአንድ ቀን የዘገየው ተደራዳሪዎቹ በቀጥታ ለሕክምና በመሄዳቸው ነው እየተባለ ነው እኮ?
    • የእኛ ተደራዳሪዎች? 
    • እሱን እንድትነግረኝ እኮ ነው የጠየኩህ? 
    • አልሰማሁም… ግን በጭራሽ የእኛ ተደራዳሪዎች ሊሆኑ አይችሉም። 
    • እሱማ የእኔም ጥርጣሬ ሌላ ነው። 
    • አንቺ ማንን ጠረጠርሽ?
    • የታችኞቹን። 
    • አደራዳሪዎቹ አሉ የተባለውስ እውነት ነው?
    • ምን አሉ ተባለ?
    • ተቆጧቸው ይባላል።
    • ምን ብለው?
    • ለድርድር ነው ለሕክምና የመጣችሁት ብለው፡፡ 
    • ይገርማል…!
    • ምኑ?
    • እኛ ሳንሰማ መረጃው እናንተ ዘንድ ነው ያለው። 
    • እያፌዝክብኝ ነው?
    • ኧረ በጭራሽ …ግን እነሱ ምን አሉ ተባለ?
    • በሳንጃው ምክንያት ነው የታመምነው አሉ እየተባለ ነው።
    • በሳንጃው?
    • በሳንጃው …ወይም …በሲንጁ …እንደዚያ መሰለኝ ያሉት።
    • እእእ.. በሲጁ… ገባኝ።
    • ምን ማለታቸው ነው?
    • ወደ ክልሉ ምንም እንዳይገባ በመደረጉ ጤናችን ታውኳል ለማለት ፈልገው ነው። እየተጠቀሙበት ነው።
    • እንደዚያ ነው?
    • አዎ። ክስ ለማቅረብ መሞከራቸው ነው።
    • ቢከሱም ችግር የለውም።
    • እንዴት?
    • እናንተ ጥሩ መከላከያ መልስ አታጡም ብዬ ነዋ?
    • ታመናል ካሉ ምን ማድረግ እንችላለን?
    • ማስረጃ ማቅረብ ነዋ?
    • የምን ማስረጃ? ምን ብለን?
    • የቅርብ ጊዜ አይደለም ብላችሁ።
    • ምኑን ነው የቅርብ ጊዜ አይደለም የምንለው?
    • ሕመማቸውን ነዋ። የቅርብ ጊዜ ሕመም አይደለም ማለት ነው?
    • አይ አንቺ… እሺ የመቼ ነው ስንባልስ?
    • የበፊት ነው ማለት።
    • ከምን በፊት? 
    • ከለውጡ በፊት!

    [ክቡር ሚኒስትሩ በቢሯቸው ሆነው ከፖለቲካ አማካሪያቸው ጋር በድርድሩ ምን ሊከሰት እንደሚችል ሐሳብ እየተለዋወጡ ነው]

    • ክቡር ሚኒስትር እንዲያው ይህ ድርድር ይሳካል ብለው ያምናሉ?
    • በእኛ በኩል ከድርድሩ ምን እንደምንጠብቅ ስላሳወቅን ብዙም አያሳስበንም።
    • እንዴት?
    • ድርድሩን የተቀበልነው መከላከያ ኃይላችን አሁን እየፈጠረ ያለውን ሁኔታ በማጽናት ወደ አጠቃላይ ሰላም እንደሚወስደን በማመን ነው።
    • የእኔ ሥጋት ድርድሩ ባይሳካስ የሚል ነው?
    • እየነገርኩህ እኮ ነው?
    • እ…?
    • ከድርድሩም ሆነ ከወታደራዊ ዕርምጃችን የምንጠብቀው ግብ እንድ ነው። 
    • አሃ… ገባኝ 
    • አዎ። ድርድሩ የምንፈልገውን ውጤት የሚያፈጥን ሰላማዊ መንገድ ነው። 
    • ድርድሩ ባይሳካም የሚፈለገው ውጤት በወታደራዊ መንገድ ይፈጸማል እያሉኝ ነው አይደል? 
    • ይፈጸማል ብቻ ሳይሆን እየተፈጸመ ነው! 
    • ግን እኮ የአፍሪካ ኅብረት አደራዳሪዎችም ሆኑ ምዕራባዊያኑ ከድርድሩ በፊት አስቸኳይ የግጭት ማቆም ስምምነት እያሉ ነው።
    • የአፍሪካ ኅብረት እንኳ ምዕራባዊያኑን ለማስደሰትና ብያለሁ ለማለት ያህል እንጂ … አቋሙ ከእኛ ብዙም የተለየ አይደለም።
    • ቢሆንም የምዕራባዊያኑ ጫና ቀላል አይደለም ክቡር ሚኒስትር። ግጭት የማቆም ስምምነት ካልተደረሰ አይለቁንም።
    • እኛም ግጭት የማቆም ስምምነት ለመፈጸም ዝግጁ እንደሆንን ደጋግመን ነግረናቸዋል። 
    • ግጭት የማቆም ስምምነት ለመፈራረም በእኛ በኩል ዝግጁ ነን …ይፈለጋል? 
    • አሁን የጀመርነውን ወታደራዊ እንቅስቃሴ የማይነካ ከሆነ ችግር የለብንም። ይህንንም በግልጽ አሳውቀናል።
    • እንዴት …ፍጹም አልገባኝም?
    • በሁሉም ክልሎቻችን እንደምናደርገው የፌዴራል መንግሥት ኤርፖርቶችንና ሌሎች መሠረተ ልማቶችን እንቆጣጠራለን። ይህንን ለማድረግ የማንም ፈቃድ አያስፈልገንም። 
    • አሃ …ስለዚህ ግጭት የማቆም ስምምነት ይህንን መብትና ኃላፊነት የሚገድብ ካልሆነ መንግሥት ይቀበለዋል ማለት ነው።
    • ትክክል፡፡
    • ግን በእነሱ በኩል ይህንን በፍጹም የሚስማሙበት አይመስለኝም። ካልተሰማሙ ደግሞ ድርድሩ ፈረሰ ማለት ነው።
    • የምንጠብቀው ውጤት ተመሳሳይ ነው ያልኩህ ለዚህ ነው። 
    • ከምኑ?
    • ከድርድሩም ከወታደራዊ እንቅስቃሴውም!

    በብዛት የተነበቡ ፅሁፎች

    አነስተኛ ካፒታል ያላቸው ባንኮች በመዋሃድ አቅም እንዲፈጥሩ ጉምቱው የፋይናንስ ባለሙያ መከሩ

    የውጭ ባንኮች በኢትዮጵያ ገበያ ውስጥ እንዳይገቡ የሚከለክለውን ሕግ የማሻሻል...

    በፍላጎት ላይ የተመሠረተ ብሔራዊ አገልግሎት የተካተተበት አዋጅ ለፓርላማ ቀረበ

    የከፍተኛ ሁለተኛ ደረጃ ወይም የዩኒቨርሲቲ ትምህርታቸውን ያጠናቀቁ ወጣቶች በፈቃደኝነት...

    ነባር ‹‹ላዳ›› ታክሲዎችን መሸጥና መለወጥን ጨምሮ ለሌላ ማስተላለፍ ተከለከለ

    የአዲስ አበባ ከተማ አስተዳደር በተለምዶ ‹‹ላዳ ታክሲ›› ተብለው የሚታወቁትን...

    በሰሜኑ ጦርነት የተበላሹ ብድሮች ከባንኮች የፋይናንስ ሪፖርት ላይ አይነሱም ተባለ

    ልማት ባንክ አሥር ቢሊዮን ብር ታማሚ ብድር እንዲነሳለት ጠይቋል የኢትዮጵያ...
    - Advertisment -

    ትኩስ ፅሁፎች

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...

    ከመሬት ለአራሹ ወደ ደላላ የዞረው የመሬት ፖለቲካ

    ጠቅላይ ሚኒስትር ዓብይ አህመድ (ዶ/ር) በአንድ ወቅት ለመጀመርያ ጊዜ...
    spot_img

    ተዛማጅ ፅሁፎች

    [የተቃዋሚ ፓርቲው ትይዩ ሚኒስትር ክቡር ሚኒስትሩ ጋ ደውለው መንግሥት በሙሰኞች ላይ ለመውሰድ ስላሰበው የሕግ ዕርምጃ ሐሳብ እየተለዋወጡ ነው]

    ሄሎ… ማን ልበል? ጤና ይስጥልኝ ክቡር ሚኒስትር? ጤና ይስጥልኝ… ማን ልበል? የእርስዎ ትይዩ ነኝ፡፡  አቤት? ያው ፓርቲዬን ወክዬ የፍትሕ ሚኒስትሩ ትይዩ ነኝ ማለቴ ነው፡፡ ኦ... ገባኝ… ገባኝ...  ትንሽ ግራ አገባሁዎት አይደል? ትይዩ...

     [ክቡር ሚኒስትሩ እራት እየበሉ መንግሥትን በሚተቹ ጋዜጠኞች ላይ እየተወሰደ ያለውን ዕርምጃ የተመለከተ መረጃ እየቀረበላቸው ነው]

    ለጋዜጠኞቹ መንግሥትን እንዲተቹ መረጃ የሚሰጧቸው ታሪካዊ ጠላቶቻችን ናቸው፡፡ እነሱ አይደሉም፡፡ እና የትኞቹ ናቸው? እዚሁ ከተማችን የሚገኙ ምዕራባውያን ናቸው። እንዴት ነው መረጃውን የሚያቀብሏቸው? እራት እያበሉ ነው። ምን? አዎ፣ እራት ግብዣ ይጠሯቸውና መተቸት...

    [ክቡር ሚኒስትሩ ከፕሮፓጋንዳ ጉዳዮች ኮሚቴ ሰብሳቢው ጋር ስለ ሰሜኑ የሰላም ስምምነት ትግበራ መረጃ እየተለዋወጡ ነው]

    እኔ ምልህ፡፡ አቤት ክቡር ሚኒስትር? የሰሜኑ ተዋጊዎች ከሠራዊታችን ጋር መቀራረብ ጀመሩ የሚባለው እውነት ነው?  አዎ። እውነት ነው ክቡር ሚኒስትር።  ከማንም ትዕዛዝ ሳይጠብቁ ነው ከእኛ ሠራዊት ጋር መቀላቀል ጀመሩ...