Thursday, February 2, 2023
- Advertisement -
- Advertisement -
ማኅበራዊየአፍሪካ ምርቶች በአንድ የጥራት ደረጃ ሥር እንዲያልፉ እንቅስቃሴ ተጀመረ

የአፍሪካ ምርቶች በአንድ የጥራት ደረጃ ሥር እንዲያልፉ እንቅስቃሴ ተጀመረ

ቀን:

አገሮች ምርቶቻቸውን ለውጭ ገበያ እንዲያቀርቡ ያስችላል የተባለው በአፍሪካ የሚመረቱ ምርቶችን በአንድ የጥራት ደረጃ ሥር የማሳለፍ እንቅስቃሴ መጀመሩን የኢትዮጵያ ደረጃዎች ኢንስቲትዩት አስታወቀ፡፡

በኢንስቲትዩቱ አዘጋጅነት ከኅዳር 20 ቀን 2015 ዓ.ም. ጀምሮ ለተከታታይ አራት ቀናት የሚካሄደው 67ኛው የአፍሪካ ደረጃዎች ምክር ቤት ጉባዔ ሲከፈት የተገኙት የኢትዮጵያ ደረጃዎች ኤጀንሲ ዋና ዳይሬክተር መሠረት በቀለ (ዶ/ር) እንዳሉት፣ የአገር ውስጥ ምርቶች ለዓለም አቀፍ ገበያ እንዲውል ተፈላጊ እንዲሆኑ የአፍሪካ ደረጃዎችን ማሟላት ይገባል፡፡

  ጉባዔው በዋናነት በአፍሪካ አገሮች የሚመረቱ ምርቶችን በአንድ የጥራት ደረጃ ሥር እንዲያልፉ የማድረግ ትልም ያነገበ መሆኑንና ይህም ነፃ የንግድ ቀጣናን ለማሳለጥ እንደሚያግዝ ተገልጿል፡፡

የኢትዮጵያን ምርቶች ለዓለም አቀፍ ገበያ ለማቅረብ፣ መጀመርያ የአፍሪካ ደረጃዎችን ማሟላት እንደሚገባ የገለጹት ዳይሬክተሯ፣ ምርቶችን የማስማማት ሥራ እንደሚሠራም ተናግረዋል፡፡

በጉባዔው ምርቶችን ወደ ዓለም አቀፍ ገበያ ለማውጣት የሚያስችሉት የአፍሪካ ደረጃዎች ላይ እንደሚመክሩበት ተገልጿል፡፡

የአፍሪካ የደረጃዎች ድርጅት ፕሬዚዳንት አሌክስ ዶዶ (ፕሮፌሰር) ‹‹ደረጃ ከሌለ ንግድ አይኖርም፡፡ ንግድ ከሌለ ኢኮኖሚ አይኖርም፡፡ የምርቶች ደረጃዎች ማውጣትና ማዘጋጀት ለንግድ፣ ለኢኮኖሚና ማኅበራዊ ዕድገት ቁልፍ ነው፤›› ብለዋል፡፡

የጉባዔው ዓላማም በተለያዩ የአፍሪካ አገሮች የሚመረቱ ምርቶችን ደረጃዎች አንድ የማድረግ መሆኑን ፕሬዚዳንቱ ገልጸዋል፡፡ ይህም በዓለም ገበያ ለመወዳደር የአፍሪካ ደረጃ አንድ መሆን እንዳለበት፣ የጉባዔውም ዓላማ ምርቶቹን አንድ ደረጃ እንዲኖራቸው ማድረግ መሆኑን አሌክስ (ፕሮፌሰር) አስረድተዋል፡፡

መሠረት (ዶ/ር) በበኩላቸው፣ ኢትዮጵያ ውስጥ የሚመረቱ ምርቶች የአገር ውስጥ ደረጃ ሊያሟሉ እንደሚችሉ ሆኖም፣ ሌሎች የአፍሪካ አገሮች ገበያ ውስጥ ለመግባት የአፍሪካ ደረጃዎችን ማሟላት እንደሚጠበቅባቸው ጠቁመዋል፡፡

የአፍሪካ ደረጃዎች ድርጅት 43 አባል አገሮች ያሉት ሲሆን ከ12 የምክር ቤት አባላት መካከል አንዷ ኢትዮጵያ መሆኗ ተገልጿል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን...

የ12ኛ ክፍል የብሔራዊ ፈተና ውጤትና እንደምታው

የተባበሩት መንግሥታት ድርጅት የትምህርት፣ የሳይንስና የባህል ድርጅት (UNESCO) የትምህርትን...

ንግድ ባንክ ከቪዛና ማስተር ካርድ ጋር ተደራድሮ ያስጀመረው የገንዘብ ማስተላለፊያ ቴክኖሎጂና ፋይዳው

ከውጭ ወደ አገር በሕጋዊ መንገድ የሚላክ ገንዘብ (ሬሚታንስ) መጠን...

ይኼ አመላችን የት ያደርሰን ይሆን?

እነሆ ከፒያሳ ወደ ካዛንቺስ። ‹‹አዳም ሆይ በግንባር ወዝ ትበላለህ››...