Wednesday, February 8, 2023
- Advertisment -
- Advertisment -

[በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

  • ጤና ይስጥልኝ ክቡር ሚኒስትር?
  • ሰላም ሰላም … ተቀመጥ!
  • አመሠግናለሁ ክቡር ሚኒስትር! ቀድሜ ቀጠሮ እንዲያዝልኝ ስጠይቅ እንደገለጽኩት በተቋሙ ሠራተኛ ተወክዬ ነው የመጣሁት።
  • እንዴ? አንተ የእኛ ተቋም ባልደረባ አይደለህም እንዴ?
  • ነኝ ክቡር ሚኒስትር!
  • ታዲያ በየትኛውን ተቋም ሠራተኛ ነው የተወከልከው?
  • በዚሁ በእኛው ተቋም ሠራተኛ ነው የተወከልኩት ክቡር ሚኒስትር።
  • እንዴት? በቀጥታ ከሠራተኛው ጋር የምገናኝበት መድረክ እያለ አንተን መወከል ለምን አስፈለገ?
  • የሠራተኛውን የኑሮ ሁኔታ የሚመለከት ስለሆነ በዕድሜም በልምድም አንተ ብታነጋግራቸው ይሻላል ብለው ስለወከሉኝ ነው።
  • ምንድነው ጉዳዩ?
  • ክቡር ሚኒስትር ሠራተኛው በኑሮ ውድነት እየተሰቃየ ነው።
  • እሱ የሁላችንም ችግር ነው … በአገር ጭምር የመጣ ነው።
  • ክቡር ሚኒስትር የመንግሥት ሠራተኛው ግን የከፋ ችግር ውስጥ ነው ያለው። በተለይ ተቋማችን …
  • ለተቋማችን ተለይቶ የመጣ ችግር ነው እንዴ?
  • አይለደም። ግን የችግሩን ጥልቀት የሚረዳልን አጥተናል።
  • ምን ማለትህ ነው?
  • ክቡር ሚኒስትር እኛ ተቋም ውስጥ ያለውን ሁኔታ ቢያዩ የችግሩን ጥልቀት ይረዱታል። በቀን አንዴ ብቻ የሚመገቡ ባልደረቦቻችን እየተበራከቱ ነው።
  • እና ምን ይደረግ ነው የምትለው? ለዚህ ተቋም ብቻ የሚወሰን ነገር እንደማይኖር አታውቅም?
  • እሱን እገነዘባለሁ። በሠራተኛው የተወከልኩትም እርስዎ መፍትሔ እንዲሰጡን አይደለም።
  • እና ለምንድነው?
  • ከፍተኛ የመንግሥት አመራር እንደመሆንዎ መጠን የሚመሩት ተቋም ሠራተኞችን ችግር ለካቢኔ እንዲያቀርቡልን ወይም ጉዳዩ ሲነሳ እንዲያስረዱልን ነው።
  • ጉዳዩ እንዴት ይነሳል? ማን ያነሳዋል?
  • በሁሉም የመንግሥት ተቋማት ያሉ ሠራተኞች ተመሳሳይ ጥያቄ ይኖራቸዋል ወይም የዚህ ተቋም ሠራተኞች እኔን እንደወከሉት ሌሎቹም እንደዚያ ሊያደርጉ ይችላሉ ብዬ ነው።
  • እሺ ተነሳ እንበል …
  • ከተነሳማ በዚህ ተቋም ያሉ ሠራተኞች ያሉበትን አስከፊ ሁኔታ እንዲያስረዱልንና መፍትሔ እንዲጠይቁልን ነው፡፡
  • ምን ብዬ ነው መፍትሔ የምጠይቀው?
  • ሠራተኛው በሚያገኘው ደመወዝ የኑሮ ውድነቱን ለመቋቋም አልቻለም ይበሉልን።
  • እሺ … ከዚያስ?
  • ከዚያማ ሠራተኛው የደመወዝ ጭማሪ ጥያቄ እያቀረበ ነው ሊጨመርለት ይገባል ይበሉልን!
  • እሺ እንደዚያ አልኩ እንበል። ለደመወዝ ጭማሪ የሚሆነው በጀት ከየት እንደሚመጣ አመላክት ብባልስ?
  • እሱን በጋራ የምትመልሱት እንጂ ለእርሶ ብቻ የሚተው አይመስለኝም።
  • በጋራ መፍትሔ ለመስጠትም እኮ ሐሳብ ማቅረብ ይጠይቃል።
  • ክቡር ሚኒስትር መንግሥት የሠራተኛውን ችግር በቅንነት ከተመለከተውና ካሰበበት መፍትሔ አይጠፋም።
  • አይ አንተ … እስኪ መፍትሔ ጠቁም ብትባል አንድ መፍትሔ የለህም ለማማረር ግን…
  • ክቡር ሚኒስትር በእርሶ ያምራል ብዬ እንጂ ጠቁም ካሉኝማ እጠቁማለሁ!
  • እስኪ በላ … ?
  • መቼም የጫካ ቤተ መንግሥት ፕሮጀክት ይታጠፍ አልልም።
  • እ … ብትልስ?
  • እኔም አልልም ግን …
  • ግን ምን ልትል?
  • ይዘግይና ሰው እንታደግ እላለሁ!
  • አሃ … ለዚህ ነው የመጣኸው?
  • ክቡር ሚኒስትር በቀን አንዴ ብቻ ተመግበው የሚውሉ ባልደረቦቻችን ቁጥር እየጨመረ ነው። ጥያቄያችን ከፖለቲካ ንፁህ መሆኑንም እንዲረዱኝ እፈልጋለሁ።
  • እንዴት ነው ከፖለቲካ ንፁህ የሚሆነው?
  • እውነቴን ነው ክቡር ሚ;ለስትር!
  • እውነቱ ምንድነው?
  • የኑሮ እንጂ የፖለቲካ ጥያቄ የለንም ክቡር ሚኒስትር!
  • የቤተ መንግሥት ግንባታ ይቁም እያልክ?
  • መፍትሔ ጠቁም ስላሉኝ ነዋ!
  • ብልህስ? የቤተ መንግሥት ግንባታ ይቁም ትላለህ?
  • ተከራከር ካሉኝም ሠራተኛው እየተራበ ቤተ መንግሥት መገንባት ቅደም ተከተሉን የጠበቀ መስሎ አይታየኝም።
  • ይኸው … ዋናው ጉዳይህ ቤተ መንግሥቱ ነው።
  • አይደለም ክቡር ሚኒስትር!
  • እየሰማሁህ?
  • ክቡር ሚኒስትር ጉዳዬ መንግሥት ችግሩን ተረድቶ ደመወዝ እንዲጨምር መጠየቃችንን እንዲያስረዱልን ነው። ካልሆነ ደግሞ …
  • ካልሆነ ምን?
  • ደመወዝ ካልሆነ ደግሞ ለተማሪዎች እንደተዘጋጀው ለእኛም እንዲዘጋጅልን ነው።
  • ለእኛም ማለት?
  • ለመንግሥት ሠራተኛው ማለቴ ነው?
  • ለመንግሥት ሠራተኛው ምን ይዘጋጅ ነው ምትለው?

–        የምገባ ፕሮግራም!

–         

 

በብዛት የተነበቡ ፅሁፎች

በኦሮሚያ ክልል በስድስት ከተሞች የተዋቀረውን ሸገር ከተማን የማደራጀት ሥራ ተጀመረ

በአዲስ አበባ ዙሪያ በሚገኙ ስድስት ከተሞች የተዋቀረው ሸገር ከተማን...

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

ሳፋሪኮም ኢትዮጵያ በኢትዮ ቴሌኮም ላይ ላደረሰው ኪሳራ ክስ ተመሠረተበት

ኩባንያው በግማሽ ዓመት ስምንት ቢሊዮን ብር ትርፍ ማግኘቱን ገልጿል ኢትዮ...
- Advertisment -

ትኩስ ፅሁፎች

ጥቁር የመልበስ ውዝግብና የእምነት ነፃነት በኢትዮጵያ

ጠቅላይ ሚኒስትር ዓብይ አህመድ (ዶ/ር) ኅዳር ወር ላይ በፓርላማ...

የኢንሹራንስ ዘርፉን የሚቆጠጠር ገለልተኛ ተቋም ለመመሥረት እንቅስቃሴ ተጀመረ

ከ70 በላይ አዳዲስ የፋይናንስ ተቋማት ዘርፉን ሊቀላቀሉ ነው የኢትዮጵያ ብሔራዊ...

እስቲ አንገፋፋ!

እነሆ መንገድ። ጊዜና ሥፍራ ተጋግዘው በውስንነት ይዘውናል። መፍጠን ያቃተው...

ሆድና የሆድ ነገር (ክፍል አንድ)

በጀማል ሙሀመድ ኃይሌ (ዶ/ር) "ሆድ ባዶ ይጠላል..." "ከሆድ የገባ ያገለግላል…” ከጥቂት ዓመታት...
spot_img

ተዛማጅ ፅሁፎች

[ክቡር ሚኒስትሩ ስለፖለቲካ ማርኬት ፕሌስ ጽንሰ ሐሳብ አጥንተው ከፍተኛ አመራሮችን ሲያሠለጥኑ ቢሰነብቱም ዛሬ ከባለቤታቸው የተነሳውን ጥያቄ ለመመለስ ተቸግረዋል]

እኔ ምልህ ክቡር ሚኒስትር? ክቡር ሚኒስትር ካልሽኝ ችግር አለ ማለት ነው። ችግርማ አለ። እሺ ... እኔ ምልህ ያልሽው ለምን ነበር? ልጠይቅህ ነዋ። ምን? ከጥቂት ሳምንታት በፊት ስትሰብኩት የነበረው ነገር የውሸት...

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን ምን እንደሆነ በይፋ በመናገራችን ተዋናዮቹ ራሳቸውን ለመከላከል በየቦታው ግጭት እየቀሰቀሱብን ነው። ታዲያ ምንድነው ማድረግ የሚሻለን ትላለህ? ከእርሶ...

[ክቡር ሚኒስትሩ ወደ ቢሯቸው እንደገቡ የፖለቲካ አማካሪያቸው ስለ ሰሜኑ ግጭት የሰላም ስምምነት አተገባበር ማብራሪያ ለመጠየቅ ገባ]

ክቡር ሚኒስትር ጥሰውታል? እንዴ? እስኪ ተረጋጋ ምንድነው? መጀመርያ ሰላምታ አይቀድምም? ይቅርታ ክቡር ሚኒስትር፡፡ ምን ገጥሞህ ነው? ስምምነቱን ጥሰውታል ክቡር ሚኒስትር? ኧረ ተውው ተረጋጋ፡፡ እሺ ክቡር ሚኒስትር ይቅርታ... ደንቆኝ እኮ ነው። ስምምነቱን...