Wednesday, February 28, 2024
- Advertisement -
- Advertisement -
ዜናምርጫ ቦርድ ባቀረበው ኤሌክትሮኒክ የመራጮች ምዝገባና ኦዲት የፖለቲካ ፓርቲዎች ሥጋት አለብን አሉ

ምርጫ ቦርድ ባቀረበው ኤሌክትሮኒክ የመራጮች ምዝገባና ኦዲት የፖለቲካ ፓርቲዎች ሥጋት አለብን አሉ

ቀን:

የኢትዮጵያ ብሔራዊ ምርጫ ቦርድ በማንዋል ያከናወነውን ስድስተኛውን አገራዊ ምርጫ ተከትሎ በቀጣይ በሚደረጉ ምርጫዎች የመራጮች ምዝገባና የመራጮች ኦዲት ክንውን በኤሌክትሮኒክስ ምርጫ ለማካሄድ በጀመረው ትልም ላይ የፖለቲካ ፓርቲዎቸ ሥጋት እንዳላቸው ገለጹ፡፡

ቦርዱ ከአውሮፓ ኅብረት፣ ከጀርመን መንግሥትና ከተባበሩት መንግሥታት የልማት ድርጅት በተገኘ የገንዘብ ድጋፍ ለአንድ ዓመት ያህል ሲያዘጋጀው የቆየውንና በሙከራ ደረጃ ይፋ ያደረገውን የመራጮች መዝገብና የመራጮች ኦዲት ኅዳር 30 ቀን 2015 ዓ.ም. የፖለቲካ ፓርቲዎችና የሲቪክ ማኅበራት ተወካዮች በተገኙበት ይፋ አድርጓል፡፡

በሙከራ ደረጃ ያለው አዲሱ ቴክኖሎጂ በ2886 የምርጫ ጣቢያዎች ላይ መሞከሩን በቦርዱ የኢንፎርሜሽን ኮሙዩኒኬሽን ቴክኖሎጂ ኃላፊ አቶ ድሪባ መገርሳ ተናግረዋል፡፡

- Advertisement -

Video from Enat Bank Youtube Channel.

ይሁን እንጂ ይፋ የተደረገውን የዲጂታል ዘዴ አስመልክቶ ጥያቄ ያቀረቡት የኢትዮጵያ ሕዝብ አብዮታዊ ፓርቲ (ኢሓፓ) ተቀዳሚ ሊቀመንበር መጋቢ ብሉይ አብርሃም ሃይማኖት፣ ቦርዱ ያቀረበው ሶፍትዌር ሰፊ የሆነ ሀብት ተመድቦለት የተረጋገጠ የደኅንነት መረጋገጫ ካልተቀመጠለት፣ የሳይበር ጥቃት ሊደርስበትና ለመጭበርበር ሊዳረግ እንደሚችል ተናግረዋል፡፡ አክለውም ገዥው ፓርቲም በሚፈልገው መንገድ ሊዘውረው ይችላል የሚል ሥጋት አለብን ብለዋል፡፡

በተመሳሳይ ከኢትዮጵያ ዴሞክራቲክ ኅብረት የመጡት አቶ ገብሩ በርሄ በበኩላቸው፣ ከአቅም እንዲሁም በአገሪቱ ካለው የኤሌክትሪክና የቴሌኮም ሲስተም መቆራረጥ የተነሳ የታሰበው ትልም ዓላማውን ሊስት እንደሚችል በመሥጋት ምን ያህል ትኩረት ተሰጥቶታል ሲሉ ጠይቀዋል፡፡

ከአዲስ ትውልድ ፓርቲ የመጡት አቶ ፍቅረ ማርያም ሙሉጌታ በበኩላቸው የታሰበው ኤሌክተሮኒክ ዘዴ ምዝገባ ካለው አገራዊ አቅምና የሕዝብ ብዛት አንፃር መረጃው ለዳታ መዝባሪዎች ሊጋለጥ እንደሚችል ጠቁመዋል፡፡ ለዚህም እንደማሳያ በቅርቡ በአዲስ አበባ የጋራ መኖሪያ ቤቶች ዕጣ ላይ የወጣውን የመረጃ መጭበርበር በመጥቀስ ፍረጃቸውን ሰንዝረዋል፡፡

ይሁን እንጂ በቀጣይ አምስት ወራት ይጠናቀቃል ተብሎ የሚጠበቀው ይህን ሲስተም፣ ቦርዱ ተመልክቶት ወደ ዲጂታል ይቀየር ወይስ በዚሁ የማንዋል አሠራር ይቀጥል የሚለው ውሳኔ ይሰጥበታል ተብሏል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...