Thursday, February 9, 2023
- Advertisment -
- Advertisment -

[ሰሞኑን በአዲስ አበባ ትምህርት ቤቶች የተፈጠረውን ረብሻ በተመለከተ የመንግሥት አመራሮች ከማኅበረሰቡ ጋር ውይይት እንዲያደርጉ በታዘዘው መሠረት ሚኒስትሩ በአንድ ክፍለ ከተማ ከነዋሪዎች ጋር ውይይት እያደረጉ ነው] 

  • አዲስ አበባ ከሁሉም አካባቢዎች በተለየ መልኩ ሰላሟ ተጠብቆ መቆየቱ ያንገበገባቸው ኃይሎች በመንግሥትና በሕዝብ ትምህርት ቤቶች ከሰሞኑ ረብሻ ለመቀስቀስ ሙከራ አድርገዋል።
  • እንደምታውቁት እነዚህ ኃይሎች በተለያዩ አካባቢዎች ግጭቶችን በመቀስቀስ መንግሥት ለመጣል ያደረጉት ሙከራ አልሳካ ሲላቸው አሁን ደግሞ ትኩረታቸውን በመዲናችን በማድረግ አዲስ አበባን የረብሻ ማዕከል ለማድረግ እያሴሩ ነው።
  • ክቡር ሚኒስትር… በዚህ ላይ የምጨምረው አለኝ?
  • ጥሩ… ይቀጥሉ አባታችን?
  • ክቡር ሚኒስትር ቀደም ብለው የገለጹት እንዳለ ሆኖ እነዚህ ኃይሎች ሌላም ድብቅ ዓላማም አላቸው።
  • ልክ ነው… ይቀጥሉ፡፡
  • መንግሥት በውስጡ የተሰገሰጉ ሌቦችን ለመመንጠር ሰሞኑን የጀመረውን እንቅስቃሴ ማጨናገፍ ሌላው የእነዚህ ኃይሎች ድብቅ ዓላማ ይመስለኛል።
  • ይህ ብቻ አይደለም ክቡር ሚኒስትር?
  • እባካችሁ አንድ ጊዜ… እየተደማመጥን እንጂ? እሺ ይህ ብቻ አይደለም ያሉት… እዚያ… አዎ… እርሶ… ይቀጥሉ።
  • ክቡር ሚኒስትር ዜጎች ሀብት እንዳያፈሩ ማድረግም ሌላው ዓላማቸው ነው።
  • እንዴት?
  • አሁን እኔ ባለችኝ መሬት ላይ ሱቆች ለማከራየት ብዬ ግንባታ ጀምሬ ነበር። ግን ምን ዋጋ አለው…
  • ምን ገጠመዎት?
  • እነዚህ ኃይሎች የሲሚንቶ ገበያውን ተቆጣጠሩት፣ ምርቱም ከገበያ ጠፉ።
  • ክቡር ሚኒስትር ይህ ነገር አልገባኝም?
  • ይቀጥሉ እስኪ ምኑ ነው ያልገባዎት?
  • ክቡር ሚኒስትር እርስዎም ታዳሚውም እነዚህ ኃይሎች… እነዚህ ኃይሎች ትላላችሁ…
  • አዎ።
  • እነዚህ ኃይሎች እነማን ናቸው? መንግሥትን ለመጣል ትምህርት ቤት ምን ያደርጋሉ?
  • እንዴት ያለ ጥያቄ ነው? ከተማሪ ቤት ሊጀምሩ ነዋ?
  • እስኪ ቆይ… ክቡር ሚኒስትሩ እራሳቸው ቢመልሱ አይሻልም?
  • ክቡር ሚኒስትር የአካሄድ ጥያቄ አለኝ?
  • እሺ የአካሄድ ጥያቄ ያነሳኸው… ቀጥል?
  • አመሠግናለሁ ክቡር ሚኒስትር። ውይይታችን በዚህ መንግድ ከቀጠለ መግባባት የምንችል አልመሰለኝም ክቡር ሚኒስትር።
  • ሥጋትህ ትክክል ነው። ታዲያ እንዴት ብናደርግ የተሻለ ነው ትላለህ?
  • ጥሩ። ክቡር ሚኒስትር በእኔ እምነት ከችግሩ ጀርባ እነማን እንዳሉ መወያየት ለእኛ ጠቃሚ አይደለም።
  • ለምን?
  • ክቡር ሚኒስትር ይህንን የመለየትና ዕርምጃ የመውሰድ ኃላፊነት የመንግሥት ነው። የእኛ ውይይት የችግሩ መፍትሔ ላይ ቢያተኩር የሚሻል ይመስለኛል።
  • ትክክል ነው፡፡ አይ የተማረ ሰው… ትክክል ነው።
  • አንዴ ፀጥታ እባካችሁ ስለዚህ የጀመርከውን ቀጥል…
  • አመሠግናለሁ ክቡር ሚኒስትር። በእኔ እምነት ተማሪዎች በአፍ መፍቻ ቋንቋቸው መማራቸው የሚደገፍ እንጂ የግጭት መንስዔ መሆን የለበትም ግን…
  • እባካችሁ ፀጥታ ቀጥል…
  • ቀደም ብዬ እንዳልኩት ተማሪዎች በአፍ መፍቻ ቋንቋቸው መማራቸው ተገቢ ነው። ነገር ግን በአፍ መፍቻ ቋንቋ ከመማር መብት ጋር መያያዝ የሌለባቸው ፖለቲካዊ ጉዳዮች አብረው እንዲሄዱ መደረጉ ለረብሻው መቀስቀስ መንስዔ የሆነ ይመስለኛል።
  • እስኪ አብራራው?
  • ክቡር ሚኒስትር ለምሳሌ መዝሙር ፖለቲካዊ ጉዳይ እንጂ ከቋንቋ መብት ጋር የሚያገናኝ ነገር አይደለም። ፖለቲካዊ በመሆኑ ደግሞ ከሌሎች ፍላጎት ጋር ይጋጫል።
  • ስለዚህ?
  • ስለዚህ መዝሙሩን ለጊዜው ማስቀረት አንድ መፍትሔ የሚሆን ይመስለኛል…
  • አካሄድ ክቡር ሚኒስትር… ማሳሰቢያ አለን፡፡
  • እሺ… ማሳሰቢያ ያልከው፣ ማቅረብ ትችላለህ።
  • ክቡር ሚኒስትር እየተወያየን ያለነው በጣም ጥንቃቄ የሚፈልግ ጉዳይ በመሆኑ አንድ አንድ ነገሮችን እያስተዋልን ለማለት ነው።
  • ምንድነው?
  • ክቡር ሚኒስትር ለምሳሌ ቀደም ሲል ከተሰጠው አስተያየት እነዚህ ኃይሎች እዚህ አይኖሩም ማለት አይቻልም።
  • የት?
  • በመካከላችን!

 

   
 
     

 

በብዛት የተነበቡ ፅሁፎች

በኦሮሚያ ክልል በስድስት ከተሞች የተዋቀረውን ሸገር ከተማን የማደራጀት ሥራ ተጀመረ

በአዲስ አበባ ዙሪያ በሚገኙ ስድስት ከተሞች የተዋቀረው ሸገር ከተማን...

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

ጥቁር የመልበስ ውዝግብና የእምነት ነፃነት በኢትዮጵያ

ጠቅላይ ሚኒስትር ዓብይ አህመድ (ዶ/ር) ኅዳር ወር ላይ በፓርላማ...
- Advertisment -

ትኩስ ፅሁፎች

ጥቁር የመልበስ ውዝግብና የእምነት ነፃነት በኢትዮጵያ

ጠቅላይ ሚኒስትር ዓብይ አህመድ (ዶ/ር) ኅዳር ወር ላይ በፓርላማ...

የኢንሹራንስ ዘርፉን የሚቆጠጠር ገለልተኛ ተቋም ለመመሥረት እንቅስቃሴ ተጀመረ

ከ70 በላይ አዳዲስ የፋይናንስ ተቋማት ዘርፉን ሊቀላቀሉ ነው የኢትዮጵያ ብሔራዊ...

እስቲ አንገፋፋ!

እነሆ መንገድ። ጊዜና ሥፍራ ተጋግዘው በውስንነት ይዘውናል። መፍጠን ያቃተው...

ሆድና የሆድ ነገር (ክፍል አንድ)

በጀማል ሙሀመድ ኃይሌ (ዶ/ር) "ሆድ ባዶ ይጠላል..." "ከሆድ የገባ ያገለግላል…” ከጥቂት ዓመታት...
spot_img

ተዛማጅ ፅሁፎች

[ክቡር ሚኒስትሩ ስለፖለቲካ ማርኬት ፕሌስ ጽንሰ ሐሳብ አጥንተው ከፍተኛ አመራሮችን ሲያሠለጥኑ ቢሰነብቱም ዛሬ ከባለቤታቸው የተነሳውን ጥያቄ ለመመለስ ተቸግረዋል]

እኔ ምልህ ክቡር ሚኒስትር? ክቡር ሚኒስትር ካልሽኝ ችግር አለ ማለት ነው። ችግርማ አለ። እሺ ... እኔ ምልህ ያልሽው ለምን ነበር? ልጠይቅህ ነዋ። ምን? ከጥቂት ሳምንታት በፊት ስትሰብኩት የነበረው ነገር የውሸት...

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን ምን እንደሆነ በይፋ በመናገራችን ተዋናዮቹ ራሳቸውን ለመከላከል በየቦታው ግጭት እየቀሰቀሱብን ነው። ታዲያ ምንድነው ማድረግ የሚሻለን ትላለህ? ከእርሶ...

[ክቡር ሚኒስትሩ ወደ ቢሯቸው እንደገቡ የፖለቲካ አማካሪያቸው ስለ ሰሜኑ ግጭት የሰላም ስምምነት አተገባበር ማብራሪያ ለመጠየቅ ገባ]

ክቡር ሚኒስትር ጥሰውታል? እንዴ? እስኪ ተረጋጋ ምንድነው? መጀመርያ ሰላምታ አይቀድምም? ይቅርታ ክቡር ሚኒስትር፡፡ ምን ገጥሞህ ነው? ስምምነቱን ጥሰውታል ክቡር ሚኒስትር? ኧረ ተውው ተረጋጋ፡፡ እሺ ክቡር ሚኒስትር ይቅርታ... ደንቆኝ እኮ ነው። ስምምነቱን...