Monday, January 30, 2023
- Advertisement -
- Advertisement -
ማኅበራዊመንግሥት አዳዲስ ፕሮጀክቶችን ያካተተ የሦስት ዓመታት የኢንቨስትመንት ዕቅድ እያዘጋጀ መሆኑን አስታወቀ

መንግሥት አዳዲስ ፕሮጀክቶችን ያካተተ የሦስት ዓመታት የኢንቨስትመንት ዕቅድ እያዘጋጀ መሆኑን አስታወቀ

ቀን:

በኢትዮጵያ ከዚህ ቀደም ከተተገበሩት የልማት ዕቅዶች በዓይነቱ ለየት ያለ የሦስት ዓመታት የመንግሥት ኢንቨስትመንት ዕቅድ በ2016 ዓ.ም. ይፋ እንደሚያደርግ መንግሥት አስታወቀ፡፡

የፕላንና ልማት ሚኒስትሯ ፍፁም አሰፋ (ዶ/ር) እንደተናገሩት፣ ዕቅዱ የተለያዩ ፕሮጀክቶችንና ፕሮግራሞችን በውስጡ አካቶ የሚይዝ ዕቅድ ሲሆን በውስጡ ሰፋና ዘርዘር ያሉ ጉዳዮችን ያካትታል፡፡

በመጪው ዓመት ይፋ ይደረጋል ስለተባለው የመንግሥት ኢንቨስትመንት ዕቅድ ዝርዝር ማብራሪያ ለመስጠት የተቆጠቡት ሚኒስትሯ ዕቅዱ በአመዛኙ ከልማት አጋሮች ከሚገኝ የፋይናንስ ድጋፍና ከመንግሥት ግምጃ ቤት በሚገኝ ገንዘብ እንደሚደገፍ ተናግረዋል፡፡

ሚኒስትሯ ይህን የተናገሩት የተባበሩት መንግሥታት የልማት ድርጅት ታኅሳስ 7 ቀን 2015 ዓ.ም. በአዲስ አበባ ባካሄደው ዓመታዊ የልማት ኮንፈረንሱ ላይ ነው፡፡

ፍፁም በኮንፈረንሱ ባደረጉት ንግግር የኢትዮጵያ መንግሥት ከጥቂት ዓመታት በፊት የአገር በቀል የኢኮኖሚክ ሪፎርም ዝግጅት ባካሄደበት ወቅት የፋይናንስ ድጋፍ ለማድረግ ቃል የገቡ በርካታ አካላት የገቡትን ቃል አለመፈጸማቸውን ተናግረዋል፡፡

በኮንፈረንሱ የመነሻ ጽሑፍ ያቀረቡት የተባበሩት መንግሥት የልማት ድርጅት የኢኮኖሚ አማካሪ አሊ ዛፋር እንደተናገሩት በኢትዮጵያ ወቅቱን የጠበቀ የሥነ ሕዝብ ፖሊስ አለመኖር የተጠናቀረና ጥራቱን የጠበቀ መረጃ አለመኖር የውጭ  ኢንቨስትመንት መሳብ ላይ የራሱ የሆነ ጫና እንደሚያሳድር ተናግረዋል፡፡

በኢትዮጵያ ከ2.5 ሚሊዮን በላይ የመንግሥት ሠራተኞች እንደሚገኙ የገለጹት አማካሪው ወደ ኢትዮጵያ መዋዕለ ንዋይ ለማፍሰስ የሚያስቡ ባለሀብቶች መጀመርያ የሚመለከቱት ጉዳይ የተማረና ሥልጡን የሰው ኃይል በመሆኑ አሁን ገበያ ላይ ያለውን ያልተጣጣመ የሰው ኃይል ብዛትና የዕውቀት ክፍተት መፍታት ትልቅ የቤት ሥራ ስለመሆኑ ተናግረዋል፡፡

የውጭ ባለ ሀብቶቸን ወደ አገር ከመሳብ ባለፈ በአገሪቱ በተለያዩ አካባቢዎች በተገነቡ ኢንዱስትሪያል ፓርኮች የአገር ውስጥ ባለሀብቶች ገብተው እንዲያመርቱበት ጠንካራ ምክክርና ውይይት ማድረግ እንደሚያስፈልግ አክለው አስረድተዋል፡፡

ኢትዮጵያ ባለፉት ዓመታት በተለያየ መል አቅዳ የፈጸመቻቸው አገራዊ ዕቅዶች በአፈጻጸማቸው በሕዝቡ ላይ ያመጡት ለውጥ በግልጽ መገምገም እንዳለበት የጠቀሱት የኢኮኖሚ አማካሪው በክልሎች መካከልም ጤነኛ የሆነ ውድድር መፈጠር እንዳለበት ተናግረዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...