Sunday, January 29, 2023
- Advertisement -
- Advertisement -
ስፖርትየኢትዮጵያ እግር ኳስ ፌዴሬሽን ለቻን ውድድር ዝግጅት መንግሥት 50 ሚሊዮን ብር እንዲሰጠው...

የኢትዮጵያ እግር ኳስ ፌዴሬሽን ለቻን ውድድር ዝግጅት መንግሥት 50 ሚሊዮን ብር እንዲሰጠው ጠየቀ

ቀን:

የኢትዮጵያ እግር ኳስ ፌዴሬሽን በአልጄሪያ ለሚካሄደው የአፍሪካ አገሮች ሻምፒዮና (ቻን) ብሔራዊ ቡድን ለማዘጋጀት መንግሥት የ50 ሚሊዮን ብር ድጋፍ እንዲያደርግለት ጠየቀ፡፡

ከጥር 5 እስከ ጥር 27 ቀን 2015 ዓ.ም. ለሚካሄደው የቻን ውድድር ላይ የሚካፈለው የኢትዮጵያ ብሔራዊ ቡድን (ዋሊያዎቹ) ቅድመ ዝግጅት ለማድረግ የመንግሥት የገንዘብ ድጋፍ እንደሚያስፈልገው ያሳወቀ ሲሆን የመንግሥትን ምላሽ እየተጠባበቀ ይገኛል፡፡

በምድብ አንድ ከአስተናጋጇ አልጄሪያ፣ ሞዛምቢክና ሊቢያ ጋር የተደለደለው የዋሊያዎቹ ስብስብ ሊጉ ታኅሣሥ 17 ቀን ከተቋረጠ በኋላ ወደ መደበኛ ልምምዱ እንደሚገባ ተገልጿል፡፡

በዚህም መሠረት ብሔራዊ ፌዴሬሽኑ ለብሔራዊ ቡድን እያደረገ ከሚገኘው አስተዳደራዊ ድጋፍ ጎን ለጎን ለቅድመ ዝግጅትና ከውድድር ጋር ተያያዥ ለሆኑ ወጪዎች ከፍተኛ የፋይናንስ አቅም የሚያስፈልግ በመሆኑ መንግሥት ድጋፍ እንዲያደርግ ጥሪ ማቅረቡን በማኅበራዊ ገጹ ላይ አስፍሯል፡፡

እንደ ፌዴሬሽኑ ማብራሪያ ከሆነ ከመንግሥት ድጋፍ በተጨማሪ የተለያዩ የገቢ አማራጮችን እየተመለከተና አጋር ተቋማትን እያፈላለገ እንደሆነ አስታውቋል፡፡

ከሳምንታት በፊት ለ42 ተጫዋቾች ጥሪ አድርገው የነበሩት የዋሊያዎቹ አሠልጣኝ ውበቱ አባተ፣ በድሬዳዋ እየተካሄደ በሚገኘው የፕሪሚየር ሊግ ውድድር ላይ ተገኝተው የተጫዋቾችን ወቅታዊ ብቃትና ሁኔታ በመገምገም የተጫዋቾችን ቁጥር ወደ 28 በመቀነስ ጥሪ አድርገዋል፡፡

የተጠሩት ተጫዋቾች ከታኅሣሥ 18 ጀምሮ በጽሕፈት ቤት ቀርበው ሪፖርት እንዲያደርጉ ያሳሰበው ፌዴሬሽኑ በማግስቱ የጤናና የአካል ብቃት ምርመራ ከተደረገላቸው በኋላ ልምምድ ይጀምራሉ ብሏል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...