Thursday, February 29, 2024
- Advertisement -
- Advertisement -
ኪንና ባህልበዕለተ ገና ኮንሰርቷን በደሴ የምታቀርበው በኩር ድምፃዊት ማሪቱ ለገሠ

በዕለተ ገና ኮንሰርቷን በደሴ የምታቀርበው በኩር ድምፃዊት ማሪቱ ለገሠ

ቀን:

ብዙዎች ‹‹የአምባሰሏ ንግሥት›› እያሉ ያሞካሿታል፡፡ በአራቱ የሙዚቃ ቅኝቶች በባቲ፣ አንቺ ሆዬ፣ አምባሰልና ትዝታ እያለዋወጠች በመዝፈን በባህላዊው አገራዊ ሙዚቃ ልዕልናን አግኝታለች፡፡ ከአምስት አሠርታት በላይ ባስቆጠረው የሙዚቃ ሕይወቷ ከድምፀ መረዋነት ጋር የተያያዘላት በኩሯ ድምፃዊት ማሪቱ ለገሠ ናት፡፡

ማሪቱ ከ1970ዎቹ መነሻ ጀምሮ በአብዮታዊ ኢትዮጵያ ገንኖ የነበረው በተለይ ‹‹ፈጣን ነው ባቡሩ›› በሚለው ኅብረ ዝማሬው በሚታወቀው የወሎ ላሊበላ የኪነት ቡድን፣ በአራቱ የሙዚቃ ቅኝቶች ቡድኑ እስከ ፈረሰበት 1983 ዓ.ም. ድረስ በድምፃዊነቷ ነግሣ ነበር፡፡

በ1977ቱ ድርቅና ረሃብ ድጋፍ ላደረጉት ሁሉ ምስጋናን ለማቅረብ ዓለምን ከዞረው የሕዝብ ለሕዝብ ታሪካዊው የባህል ቡድን ጋር በመሆን በአውሮፓና አሜሪካ ባቀረበቻቸው ሥራዎቿ ማሪቱ ተደናቂነትን አትርፋለች፡፡

- Advertisement -

Video from Enat Bank Youtube Channel.

ከሁለት አሠርታት በላይ በአሜሪካ ኑሮዋን አድርጋ የነበረችው ድምፃዊቷ፣ ከትናንት በስቲያ ታኅሣሥ 24 ቀን 2015 ዓ.ም. ወደ ኢትዮጵያ ተመልሳለች፡፡ አዲስ አበባ ቦሌ ኢንተርናሽናል ኤርፖርት ረፋድ ላይ ስትደርስ ቤተሰቦቿ፣ የሙያ ባልደረቦቿና አድናቂዎቿ አቀባበል ያደረጉላት ሲሆን፣ እኩለ ቀን ሲሆንም በኢትዮጵያ ብሔራዊ ቴአትር የክብር አቀባበል ተደርጎላታል፡፡

በኢትዮጵያ በሚኖራት የሦስት ወራት ቆይታዋ አዲሱን አልበሟን ለኅብረተሰቡ የምታደርስ ሲሆን፣ የሙዚቃ ሥራዎቿን በደሴ፣ ጎንደር፣ ባህር ዳርና አዲስ አበባ እንደምታቀርብ ታውቋል፡፡

የመጀመሪያ ኮንሰርቷን በደሴ ከተማ በዕለተ ገና (ታኅሣሥ 29) የምታቀርብ ሲሆን፣ በዕለተ ጥምቀት (ጥር 11) በጎንደር ቀጣዩ ዝግጅቷ ይሆናል፡፡

በኩር ድምፃዊት ማሪቱ ከሰባት ዓመት በፊት የወሎ ዩኒቨርሲቲ ለሙዚቃዊ አበርክቶዋ በሌለችበት የሰጣትን ‹‹የክብር ዶክትሬት›› በልዩ ዝግጅት እንደሚሰጣት አስታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...