Tuesday, February 27, 2024
- Advertisement -
- Advertisement -
ዝንቅየአንዲት ጎጆ ስቃይ

የአንዲት ጎጆ ስቃይ

ቀን:

ሦስት ባልንጀሮች

ያውም ዘመዳሞች

ክፉ፣ ደጉን ዘመን ሁሉንም ሲጋሩ

- Advertisement -

Video from Enat Bank Youtube Channel.

በአንዲት ጐጆ ነበር አብረው የሚኖሩ

ኋላ ግን ሰይጣን መልዐክ ተመስሎ

ገባ ወደ ጐጆው ክፉ ስንቁን አዝሎ

በተባ ምላሱም ቢወሰውሳቸው

በአንድ እግሯ ቀጥ አለች የጋራ ጐጇቸው

      ታላቁ ተነሳ በቁጣ በንዴት

‹‹ገሀነም ነው!›› አለ ይሄ የጋራ ቤት

‹‹በዚህ አጉል ጐጆ ሳዝንና ስከፋ

ኖሬያለሁ በስቃይ መከራ ስገፋ

ጎበዝ ይሄ ጎጆ በቃ ይፍረስ! ይጥፋ!››

ይህንን ተናግሮ ብሶቱን ሊወጣ

ቤንዚንና ክብሪት ይዞ ከደጅ ወጣ

ሌላው ግን አጥብቆ ይህን ተቃወመ

‹‹ቤቱ እንዳይነካ!›› ብሎ ደመደመ

‹‹ማነው የእኛን ጐጆ እናፍርስ የሚለው?

እጅግ ተስማምቶናል ምንም እንከን የለው››

እያለ እያቅራራ ሸለለ፣ ተቆጣ

መጥረቢያውን ይዞ ከቤቱ እየወጣ

      ደግሞም ሦስተኛው ነገሩን ሰማና

እንደዚህ አላቸው እሱም ተነሳና

‹‹›ጐጇችን አይፈርስም፣ እንዲሁም አንኖርም

ግን ይሄንን ጐጆ ሳናድስ አንቀርም

በአሮጌው አንኑር – ቤቱም አይቃጠል

ግን ትንሽ ታድሶ ይረጭበት ፀበል!››

ብሎ እየፎከረ ወጣ በበኩሉ

እሱም ጦሩን መዞ አይሆንም ለሚሉ

      ነገር ተበጥብጦ ከውስጥም – ከላይዋ

የዚህች ጐጆ ነገር ምን ይሆን እጣዋ?

  • ሰሎሞን ሞገስ ‹‹ከፀሐይ በታች›› (2004)
spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...