Wednesday, February 28, 2024
- Advertisement -
- Advertisement -
ማኅበራዊሴቶች ብቻ ዕውቅና የሚያገኙበት የ‹‹ድንቅነሽ ሽልማት›› ሊሰጥ ነው

ሴቶች ብቻ ዕውቅና የሚያገኙበት የ‹‹ድንቅነሽ ሽልማት›› ሊሰጥ ነው

ቀን:

በየዓመቱ ‹‹ማርች 8›› (የካቲት 29 ቀን) የሚከበረውን ዓለም አቀፍ የሴቶች ቀን ምክንያት በማድረግ የዓመቱ ምርጥ ሴቶች ዕውቅናና ምስጋና የሚያገኙበት ‹‹ድንቅነሽ ሽልማት›› የተሰኘ ሽልማት ሊሰጥ ነው፡፡

የመጀመርያ የዕውቅና ሽልማቱን የካቲት 1 ቀን 2015 ዓ.ም. የሚሰጥ መሆኑን አስመልክቶ አርኪ ፕሮሞሽንና ኢቨንት ጥር 4 ቀን እንዳስታወቀው፣ ሽልማቱ በተለያዩ ዘርፎች ተሰማርተው ለአገራቸውና ለማኅበረሰባቸው የላቀና የተለየ አስተዋጽኦ ላበረከቱ ጠንካራና ብርቱ ሴቶች የሚሰጥ ይሆናል፡፡

የድርጅቱ ዋና ሥራ አስኪያጅ አቶ ሸምሱ ከሪም እንዳሉት፣ ‹‹ድንቅነሽ ሽልማት›› በመምህርትነት፣ በስፖርት፣ በጋዜጠኝነት፣ በሕክምና፣ በውትድርና፣ በኪነ ጥበብ፣ በፈጠራ፣ በበጎ አድራጎት፣ በአመራርና በአምባሳደርነት ዘርፎች የሚሰጥ ነው፡፡

- Advertisement -

Video from Enat Bank Youtube Channel.

በአሥር ዘርፎች የሚወዳደሩ ዕጩዎችን ጥቆማ ከማኅበራት፣ ከተቋማትና ከሌሎችም እያሰባሰቡ ሲሆን፣ ማኅበረሰቡ ጥቆማ የሚሰጥበት የቴሌግራም ቻናል መከፈቱንም ተናግረዋል፡፡

በማርች 8 ዓለም አቀፍ የሴቶች ቀን ዕለት ለመስጠት የታሰበው ‹‹ድንቅነሽ ሽልማት›› የዘንድሮው የመጀመርያ በመሆኑ ማኅበረሰቡ ከመጠቆም ባለፈ ድምፅ የሚሰጥበት አሠራር እንደሌለ የገለጹት የድርጅቱ ፕሮዳክሽን ማናጀር ስህነማርያም አበበ፣ ውጤቱ በሕዝብ ዘንድ ተዓማኒነት ባተረፉ ዳኞች ተወስኖ በቦርድ አባላት የሚፀድቅ ይሆናል ብለዋል፡፡

እስካሁን ባለው ሒደት ከአዲስ አበባ ውጭ ከክልሎችም ዕጩዎች እየተጠቆሙ መሆኑን፣ በቀጣይም ዕጩዎች ከመላ ኢትዮጵያ እንዲጠቆሙ እንደሚሠራም ገልጸዋል፡፡

በሕይወት የሌሉና በልዩ ሁኔታ የሚሸለሙ ሴቶች በመጀመርያው ዙር እንደማይካተቱም አክለዋል፡፡

ሽልማቱ አንድ ጊዜ ተጀምሮ እንዳይቋረጥ እንደሚሠራ፣ ለዚህም ከተለያዩ የመንግሥትና የግል ተቋማት ጋር አብሮ ለመሥራት እንቅስቃሴ መጀመሩን አቶ ሸምሱ ተናግረዋል፡፡

‹‹ድንቅነሽ ሽልማት›› ከሚመለከተው አካል እውቅና ማግኘቱን፣ ጥቆማዎች ከማኅበረሰቡና ከተቋማት ከመጡ በኋላ ጥናት ተካሂዶ ተሸላሚዎች እንደሚለዩም ገልጸዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...