Wednesday, February 28, 2024
- Advertisement -
- Advertisement -
ማኅበራዊበአዲስ አበባና አካባቢዋ በደረሱ 166 አደጋዎች 42 ሰዎች መሞታቸው ተገለጸ

በአዲስ አበባና አካባቢዋ በደረሱ 166 አደጋዎች 42 ሰዎች መሞታቸው ተገለጸ

ቀን:

  • ከ450 ሚሊዮን ብር በላይ የሚገመት ንብረት ወድሟል ተብሏል

በአዲስ አበባ ከተማና በዙሪያዋ በ2015 ዓ.ም. ስድስት ወራት በደረሱ 166 አደጋዎች የ42 ሰዎች ሕይወት ማለፉን፣ የአዲስ አበባ ከተማ አስተዳደር የእሳትና አደጋ ሥጋት ሥራ አመራር ኮሚሽን አስታወቀ፡፡

እስከ ታኅሳስ 30 ቀን 2015 ዓ.ም. ደርሰዋል በተባሉ አደጋዎች ሕይወታቸው ካለፈ ሰዎች መካከል ሦስቱ ሰዎች የሞቱት በእሳት አደጋ ሲሆን፣ ቀሪዎቹ 39 ሰዎች ደግሞ በሌሎች ድንገተኛ አደጋዎች መሆኑን የእሳትና አደጋ ሥራ አመራር ኮሚሽን የሕዝብ ግንኙነት ባለሙያ አቶ ንጋቱ ማሞ አስረድተዋል፡፡

በድንገተኛ አደጋዎች የ42 ሰዎች ሕይወት ከማለፉም ባሻገር 47 ሰዎች ደግሞ ከባድና ቀላል ጉዳት እንደደረሰባቸው ከኮሚሽኑ የተገኘው መረጃ ያሳያል፡፡

- Advertisement -

Video from Enat Bank Youtube Channel.

በ2015 ዓ.ም. ግማሽ ዓመት የተለያዩ ድንገተኛ አደጋዎች በአዲስ አበባ በሁሉም ክፍላተ ከተሞች ያጋጠሙ መሆናቸውን፣ በተለይም በሦስት አካባቢዎች ከፍተኛ አደጋ መድረሱ ተገልጿል፡፡

በኮልፌ ቀራኒዮ 23፣ በአቃቂ 22፣ በአዲስ ከተማ 15 ከፍተኛ አደጋዎች እንደተመዘገቡ፣ በአንፃሩ ደግሞ በልደታ ክፍለ ከተማ ዝቅተኛ አደጋ እንደተመዘገበ የሕዝብ ግንኙነት ባለሙያው ለሪፖርተር ገልጸዋል፡፡

‹‹ከአምናው ተመሳሳይ ወቅት ጋር ሲነፃፀር አደጋው ቀንሷል፤›› ያሉት አቶ ንጋቱ፣ ለአብዛኞቹ አደጋዎች መከሰት ምክንያት የጥንቃቄ ጉድለት መሆኑን አስረድተዋል፡፡

በስድስት ወራት በደረሱት አደጋዎች ምክንያት 450 ሚሊዮን 880 ሺሕ ብር የሚገመት ንብረት መውደሙን ከተቋሙ ከተገኘ መረጃ ለማወቅ ተችሏል፡፡

ከ450 ሚሊዮን ብር በላይ የሚገመት ንብረት ቢወድምም፣ የአደጋ ጊዜ ሠራተኞች አደጋውን ለመቆጣጠር ባደረጉት ጥረት 2.6 ቢሊዮን ብር የሚገመት ንብረት ከውድመት መታደግ መቻሉን አቶ ንጋቱ ገልጸዋል፡፡

በሌላ በኩል በ2015 ዓ.ም. ግማሽ ዓመት እስከ ታኅሳስ 30 ቀን ድረስ ካጋጠሙ 166 አደጋዎች በተጨማሪ፣ ሰኞ ጥር 8 ቀን 2015 ዓ.ም. አረቄ የጫነ ተሽከርካሪ ባደረሰው አደጋ የአራት ሰዎች ሕይወት ማለፉ ተነግሯል፡፡

አደጋው የተከሰተው በአዲስ-አዳማ የክፍል 5 መንገድ ጣቢያ አዳማ መውጫ ላይ አረቄ የጫነ ተሽከርካሪ ባጋጠመው የእሳት ቃጠሎ ሲሆን፣ በአደጋው ሳቢያ አራት ሰዎች ሲሞቱ ሦስት ተሽከርካሪዎች ደግሞ የከፋ ቃጠሎ ደርሶባቸዋል ተብሏል፡፡

በቃጠሎው ምክንያት ሕይወታቸው ካለፈ ሰዎች በተጨማሪ አራት ሰዎች ከባድ የቃጠሎ አደጋ እንደ ደረሰባቸው፣ የአበሻ አረቄ በበርሜል የጫነው ተሽከርካሪ በክፍያ መንገዱ ላይ አጋጥሞታል በተባለ የቃጠሎ አደጋ ሳቢያ ወረፋ ሲጠብቁ የነበሩ ሌሎች ተሽከርካሪዎችም ከፍተኛ ቃጠሎ እንደገጠማቸው ተገልጿል፡፡ በዚህ አደጋ ብቻ አሥር ሚሊዮን ብር የሚገመት ንብረት መውደሙን ተቋሙ አስታውቋል፡፡

በአዲስ-አዳማ የክፍያ መንገድ ላይ የደረሰውን አደጋ ምክንያት በማድረግም፣ የአዳማ ዋና መውጫ ላልተወሰነ ጊዜ ዝግ እንዲሆን የኢትዮጵያ የክፍያ መንገዶች ኢንተርፕራይዝ ባወጣው መግለጫ ወስኗል፡፡ 

የአዲስ አበባ ከተማ አስተዳደር የእሳት አደጋ ሥራ አመራር ኮሚሽን በ2015 ዓ.ም. የመጀመርያ ሩብ ዓመት በተከሰቱ 134 ድንገተኛ አደጋዎች 38 ሰዎች እንደ ሞቱ፣ የመቁሰል አደጋ ከደረሰባቸው 47 ሰዎች መካከል ደግሞ 31 ያህሉ በእሳት አደጋ መሆኑን በኅዳር 2015 ዓ.ም. ማስታወቁ ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...