Monday, March 4, 2024
- Advertisement -
- Advertisement -
ማኅበራዊበአዲስ አበባ ሁለተኛው ታላቅ አደባባይ በ1.3 ቢሊዮን ብር ሊገነባ ነው

በአዲስ አበባ ሁለተኛው ታላቅ አደባባይ በ1.3 ቢሊዮን ብር ሊገነባ ነው

ቀን:

በአዲስ አበባ ከተማ ለሚ ኩራ ክፍለ ከተማ ውስጥ በ1.3 ቢሊዮን ብር በጀት፣ አዲስ የሕዝብ አደባባይ ለመገንባት የመሠረት ድንጋይ በማስቀመጥ ሥራው ተጀመረ፡፡

ሥራውን በይፋ ጥር 9 ቀን 2015 ዓ.ም. ያስጀመሩት የአዲስ አበባ ከንቲባ ወ/ሮ አዳነች አቤቤ ሲሆኑ፣ የአደባባዩ መጠርያም ‹‹ለሚ አደባባይ›› ነው፡፡

ከመስቀል አደባባይ ቀጥሎ ሁለተኛው የሚሆነው የለሚ አደባባይ ፕሮጀክቱ 14,400 ካሬሜትር ላይ የሚያርፍ ሲሆን የሕዝብ ስፍራ አደባባይ (ፐብሊክ ስፔስ)፣ የመኪና ማቆምያ፣ የመዝናኛ ስፍራዎች፣ ጂምናዝዬሞችን፣ የስብሰባ አዳራሽ፣ የስፖርት ማዘውተርያ ስፍራ፣ የሠርግና ሌሎች አገልግሎቶች የሚውል መናፈሻ፣ ሱፐርማርኬት፣ የቢሮ አገልግሎት የሚሰጡ ቦታዎች፣ መጻሕፍት የማንበቢያ ስፍራና የመሳሰሉት ይኖሩታል፡፡

- Advertisement -

Video from Enat Bank Youtube Channel.

አካባቢውንም በማስዋብ ከመንገድ አካፋዮች፤ አደባባዮችንና የእግረኛ መንገዶች ጋር ተናቦ የሚሠራ ሁለንተናዊ ፕሮጀክትም ነው ተብሎለታል፡፡

የከንቲባ ጽሕፈት ቤት በማኅበራዊ ትስስር ገጹ እንደገለጸው፣ ይህ ፕሮጀክት በግንባታው ወቅት እስከ ለ1100 ዜጎች የሥራ ዕድል የሚፈጥር ሲሆን፣ በቀጣይ በቋሚነት ለ400 ሰዎች የሥራ ቦታቸው የሚሆን ነው፡፡

ሥራው ሌትና ቀን ያለ ዕረፍት በመሥራት በ10 ወራት ተገንብቶ እንደሚጠናቀቅ የገለጹት ከንቲባ አዳነች፣ በጋራ ኃላፊነት አብሮ በመሥራትና በመተባበር የታሰበው ፕሮጀክት ዕውን ማድረግ ይቻላል ብለዋል፡፡

ፕሮጀክቶች በመሃል ከተማ ብቻ ሳይሆኑ በዳር አካባቢዎችም ማዳረስን ታሳቢ ያደረገ መሆኑ የተነገረለት የለሚ አደባባይ ፕሮጀክት፣ በመንግሥትና በግሉ ዘርፍ አጋርነት ከጥበብ ዲዛይንና ቢዪልዲንግ ፒኤልሲ ጋር በመተባበር ተገንብቶ የሚጠናቀቅ ይሆናል።

ቦታው የተመረጠበት ዋነኛ ምክንያት አዲስ አፍሪካ ዓለም አቀፍ ኮንቬንሽን ማዕከል በአካባቢው እየተገነባ ያለ በመሆኑ ነው ያሉት ከንቲባ ወ/ሮ አዳነች፣ አካባቢው ተጨማሪ አገልግሎቶችና ተያይዘው የሚመጡ ስፍራዎች የሚያስፈልጉት መሆኑንም አውስተዋል፡፡

ከተማዪቱን ከዘመኑ ጋር የዘመነ አሠራርና አስተሳሰብ በመያዝ ነው መቀየር የሚቻለው ያሉት ከንቲባዋ፣ የግሉን ሴክተር በማሳተፍ የመንግሥትን ክፍተት በመሙላትና በአጭር ጊዜ ፕሮጀክቶች በማጠናቀቅ ዕውን ማድረግ ይቻላል ብለዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...