Friday, April 19, 2024
- Advertisment -
- Advertisment -

[ክቡር ሚኒስትሩ ወደ ቢሯቸው እንደገቡ የፖለቲካ አማካሪያቸው ስለ ሰሜኑ ግጭት የሰላም ስምምነት አተገባበር ማብራሪያ ለመጠየቅ ገባ]

  • ክቡር ሚኒስትር ጥሰውታል?
  • እንዴ? እስኪ ተረጋጋ ምንድነው? መጀመርያ ሰላምታ አይቀድምም?
  • ይቅርታ ክቡር ሚኒስትር፡፡
  • ምን ገጥሞህ ነው?
  • ስምምነቱን ጥሰውታል ክቡር ሚኒስትር?
  • ኧረ ተውው ተረጋጋ፡፡
  • እሺ ክቡር ሚኒስትር ይቅርታ… ደንቆኝ እኮ ነው።
  • ስምምነቱን እንደጣሱ በምን ተረዳህ?
  • ክቡር ሚኒስትር የፌዴራል መንግሥት ጊዜያዊ አስተዳደር እንዲመሠርት ተስማምተው ሳሱ እነሱ ግን ከዚህ የሚቃረን ተግባር ሰሞኑን ፈጽመዋል።
  • ምን አደረጉ?
  • እንደኛ አዲስ የካቢኔ አደረጃጀት ላይ ውሳኔ አሳልፈዋል።
  • ሁለተኛውስ?
  • በስምምነቱ መሠረት የክልሉ ምክር ቤት መበተን ሲኖርበት ሌላ ነገር ተወስኖል።
  • ምን ተወሰነ?
  • የክልሉ ምክር ቤት ሕግ የማውጣት ሥልጣኑን ለክልሉ ሥራ አስፈጻሚ አሳልፎ ሰጥቷል።
  • አየህ ተረጋጋ ያልኩህ ለዚህ ነበር።
  • ለምን? እንዴት?
  • የክልሉ ምክር ቤት አዲስ የሥራ አስፈጸሚ መዋቅር ላይ ከወሰነ በኋላ ሕግ የማውጣት ሥልጣኑን ለሥራ አስፈጸሚው አሳልፎ ሰጠ ማለት ትርጉሙ ሌላ ነው።
  • አዲስ የሥራ አስፈጻሚ መዋቅር ላይ ሲወሰን የሚቋቋመውን ጊዜያዊ አስተዳደር ተቀበለ ማለት ነው።
  • እህ… እሺ እሱ እንደዛ ይሁን ሕግ የማውጣት ሥልጣኑን ለምን አሳልፎ ሰጠ?
  • ሕግ የማውጣት ሥልጣኑን ለሥራ አስፈጻሚው አሳልፎ ሰጠ ማለት ደግሞ ምን መሰለህ?
  • ምን ማለት ነው?
  • የክልሉ ምክር ቤት ፈረሰ ማለት ነው!

[ክቡር ሚኒስትሩ ከደኅንነት ጉዳዮች አማካሪያቸው ጋር ስለ ወቅታዊ ጉዳች እየተወያዩ ነው]

  • በድርጅት ደረጃ የተወሰነው ጉዳይ አፈጻጸም በምን ደረጃ ላይ ነው?
  • የትኛውን ማለትዎ ነው ክቡር ሚኒስትር?
  • በቅርቡ ስለ ፖለቲካ ማርኬት ፕሌስ ተወያይተን ውሳኔ ማሳለፋችንን ዘነጋኸው? ወይስ አንተም…
  • እኔ ምን ክቡር ሚኒስትር?
  • ተጠልፈህ እንዳይሆን ብዬ ነው።
  • ማን ይጠልፈኛል ብለው ነው?
  • የፖለቲካ ነጋዴዎቹ፡፡
  • ክቡር ሚኒስትር እየቀለዱ መሆን አለበት?
  • ግራ ሲገባኝ እኮ ነው።
  • ግራ የገባዎት ምንድነው?
  • ማንን ማመን እንዳለብኝ።
  • ክቡር ሚኒስትር በእኔ መሥጋት የለበዎትም። የውሳኔዎቹን የእስካሁን አፈጻጸም በተመለከተ ግን ማለት የምፈልገው ነገር አለ።
  • ምንድነው ቀጥል።
  • ክቡር ሚኒስትር በድርጅትም ሆነ በመንግሥት ደረጃ ለይተን ያወጣነው የፖለቲካ ንግድ መንሰራፋት በንድፈ ሐሳብ ደረጃ ብቻ ሳይሆን በተግባርም የብሔራዊ ደኅንነታችን ዋና ፈተና መሆኑን አረጋግጠናል።
  • እንዴት?
  • እነዚህን የፖለቲካ ንግድ ተዋናዮች ከመዋቅራችን ቆርጦ የማውጣት መጠነኛ እንቅስቃሴ ብዙ ነገር እያሳየን ነው።
  • ምን አስተዋላችሁ?
  • ዋናው ነገር ይህ ችግር የብሔራዊ ደኅንነታችን ፈተና መሆኑን ሲሆን በሌላ በኩል ደግሞ ተዋናዮቹ ላይ መውሰድ የጀመርነው ዕርምጃ አደገኛ ምልክቶችን እያሳየን ነው።
  • አደገኛ ማለት?
  • ክቡር ሚኒስትር አንዱ ቦታ ዕርምጃ ለመውሰድ ስንሞክር የተፈጠረው ኔትወርክ በሌላ ቦታ ግጭት እየቀሰቀሰ አገሪቱን የማፈረስ አደጋ እየደቀነ ነው።
  • እስኪ ሁኔታውን በዝርዝር አስረዳኝ?
  • ክቡር ሚኒስትር ለምሳሌ ሰሞኑን ቤተ ክርስቲያን ላይ የተሞከረውን መውሰድ እንችላለን። ይህ ጉዳይ በቀጥታ የእነዚሁ የፖለቲካ ንግድ ተዋናዮች ኔትወርክ መሆኑን ደርሰንበታል።
  • እህ…
  • ዕርምጃው የክልል አመራሮችንም እንደሚያካትት የገመቱ ደግሞ አቅማቸውን ለማሳየት እየሞከሩ ነው።
  • እንዴት?
  • ዕርምጃው ገና ወደ ክልል መዋቅሮች ሳይደርስ በአጣዬ ግጭት በመቀስቀስ ቢነኩ ምን ሊፈጠር እንደሚችል እያሳዩን ነው።
  • ምን ሊፈጠር ይችላል?
  • የእነሱ ሥሌት የብሔር ግጭት መፍጠር ነው።
  • እህ….
  • በአዲስ አበባ አስተዳደር በመሬት ሥርቆት የጠረጠርናቸው ደግሞ መረጃ የማውደም ተግባር ፈጽመዋል።
  • ምን አደረጉ?
  • ግንባታው ተጠናቆ ሊመረቅ ቀጠሮ የተያዘለት የክፍለ ከተማው የመረጃ ማዕከልን በእሳት አጋይተውታል።
  • ዘግይተናል ማለት ነው?
  • ምን አሉኝ?
  • በዚህ ደረጃና ጥልቀት እስኪንሰራፉ አለመንቃታችን ያናዳድል።
  • አሁን እሱ አይጠቅምም ክቡር ሚኒስትር።
  • ምኑ?
  • መናደድ።
  • እና ምንድነው የሚጠቅመው?
  • መፍትሔውን ማለም!
   
 
     

 

በብዛት የተነበቡ ፅሁፎች

- Advertisment -

ትኩስ ፅሁፎች

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...

እጥረትና ውጥረት!

ጉዞ ከስድስት ኪሎ ወደ ቃሊቲ፡፡ ‹‹ይገርማል ቀኑ እንዴት ይሄዳል?››...
spot_img

ተዛማጅ ፅሁፎች

[የኢኮኖሚ ጉዳዮች አማካሪው ቅሬታ የቀረበባቸው አንዳንድ ጉዳዮችን ክቡር ሚኒስትሩ ተመልክተው ምላሽና ውሳኔ እንዲሰጡባቸው ለማድረግ ከክቡር ሚኒስትሩ ጋር እየተወያዩ ነው] 

ክቡር ሚኒስትር ተቋማችን በሚሰጣቸው አንዳንድ አገልግሎቶች ላይ ጥያቄ እየተነሳ በመሆኑ ነው ዛሬ ከእርስዎ ጋር ለመወያየት የፈለግኩት። የምን ጥያቄ? ማነው ጥያቄውን ያቀረበው? ጥያቄውን ያቀረቡት የተቋማችን ተገልጋዮች ናቸው። እሺ፣...

[ክቡር ሚኒስትሩ ከፖለቲካ ፓርቲዎች የጋራ ምክር ቤት አባላት ጋር በአገራዊ ጉዳዮች ላይ እየመከሩ ነው]

ክቡር ሚኒስትር ባለፈው ሊያወያዩን ሲመጡ ለአገራችን የፖለቲካ ችግር መፍትሔው አንድና አንድ እንደሆነ ነግረንዎት ነበር፣ ያስታውሳሉ? አላስታውስም። ባለፈው የተገናኘን ጊዜ ይህችን አገር ከችግር የሚያወጣው መፍትሔ አንድና አንድ...

[ክቡር ሚኒስትሩ በዕረፍት ቀናቸው በመኖሪያ ቤታቸው ሆነው ከባለቤታቸው ጋር ከውጭ እንዳይገቡ ስለተከለከሉ ምርቶች እያወሩ ነው]

እኔ እምልህ ...ኤል ሲ እንዳይከፈት ተከልክሏል ሲባል አልነበረም እንዴ? ኤል ሲ ደግሞ ምንድነው? ሌተር ኦፍ ክሬዲት ነዋ!? አልገባኝም? አስመጪዎች ከውጭ ለሚያስገቡት ዕቃ የሚያስፈልጋቸውን የውጭ ምንዛሪ ከባንኮች አይደል የሚያገኙት? አዎ። ኤል...