Monday, July 22, 2024
- Advertisement -
- Advertisement -
ዜና‹‹መገናኛ ብዙኃን ሃይማኖት ተኮር ፕሮግራሞችን ሲያሠራጩ ከፍተኛ ጥንቃቄ ሊያደርጉ ይገባል›› የኢትዮጵያ...

‹‹መገናኛ ብዙኃን ሃይማኖት ተኮር ፕሮግራሞችን ሲያሠራጩ ከፍተኛ ጥንቃቄ ሊያደርጉ ይገባል›› የኢትዮጵያ መገናኛ ብዙኃን ምክር ቤት

ቀን:

መገናኛ ብዙኃን ሃይማኖት ተኮር ፕሮግራሞችን በሚያሠራጩበት ወቅት በከፍተኛ ጥንቃቄና በኃላፊነት መንፈስ እንዲሁም ከፍ ባለ የጋዜጠኝነት ሥነ ምግባር በመመራት ሊሆን እንደሚገባ የኢትዮጵያ መገናኛ ብዙኃን ምክር ቤት አስታወቀ፡፡

ምክር ቤቱ ከ60 በላይ የሕዝብ፣ የግል፣ የማኅበረሰብ መገናኛ ብዙኃንንና የጋዜጠኞች ሙያ ማኅበራትን በአባልነት በማቀፍ የቁጥጥር ሥርዓትን ተግባራዊ ለማድረግ እየተንቀሳቀሰ እንደሚገኝ ገልጾ፣ ከቅርብ ጊዜ ወዲህ አንዳንድ የመገናኛ ብዙኃን ከኢትዮጵያ ኦርቶዶክስ ተዋህዶ ቤተ ክርስቲያን የውስጥ ችግር ጋር በተያያዘ እያሠራጩት ያሉት ዘገባ  ከተጨባጩ እውነታ ያፈነገጠ ብቻ ሳይሆን ከትክክለኛ የጋዜጠኝነት ሥነ ምግባር ጋር የሚጋጭ መሆኑን ተገንዝቢያለሁ ብሏል፡፡

በተለይም አንዳንድ  ሃይማኖታዊ መገናኛ ብዙኃንና የማኅበራዊ ሚዲያ ተዋንያን  የራስን ሃይማኖታዊ አስተምህሮትና መንፈሳዊ መልዕክቶችን ከማስተማር ይልቅ እያሠራጩት ያሉት መልዕክት ሕዝብን የሚያሸብርና ሥጋት ላይ የሚጥል  ከመሆኑም በላይ አገሪቱን የእርስ በርስ ግጭት ማዕከል አድርጎ የማቅረብ ዝንባሌ እንደሚስተዋልባቸው መገናኛ ብዙኃን ምክር ቤቱ ጠቅሷል፡፡

ማንኛውም ሃይማኖት ተኮር ፕሮግራም በሃይማኖት ተከታዮች መካከል የእርስ በርስ ግጭት ማነሳሳት፣ የሌሎችን ሃይማኖት ወይም እምነት ማንኳሰስ፣ ወይም በሃይማኖት ተከታዮች መካከል አለመቻቻል እንዲፈጠር መቀስቀስ እንደማይፈቀድ በመገናኛ ብዙኃን አዋጅ 1238/13 አንቀጽ 70 ንዑስ አንቀጽ 2 ላይ በግልጽ መደንገጉን የገለጸው ምክር ቤቱ፣ በመሆኑም መገናኛ ብዙኃን ሃይማኖት ተኮር ፕሮግራሞችን በሚያሠራጩበት ወቅት በከፍተኛ ጥንቃቄና በኃላፊነት መንፈስ እንዲሁም ከፍ ባለ የጋዜጠኝነት ሥነ ምግባር በመመራት  ሊሆን ይገባል ብሏል፡፡

በተለይም በኢትዮጵያ መገናኛ ብዙኃን ባለሥልጣን ምዝገባ ያከናወኑ የሃይማኖት ብሮድካስት ባለፈቃዶች ሃይማኖታዊ አስተምህሮታቸውን፣ የፀሎት መርሐ ግብሮቻቸውን፣ ማኅበራዊ ጉዳዮችን የማከናወን፣ ሥነ ምግባር የማነፅና የማስተማር፣ ሃይማኖታዊ ተግባራቸውን በነፃነት የሚያራምዱበትን ምኅዳር የመፍጠርና ለተከታዮቻቸው ተደራሽ የመሆን መብት ያላቸው ቢሆንም፣ የሌሎች ሃይማኖቶችን አስተምህሮና የእምነት ምሰሶ ማጥላላት፣  የዜጎችን መቻቻልና አብሮ የመኖር እሴት የሚሸረሽሩ፣ ሁከትና ግጭት የሚጋብዙና በግለሰቦችና በማኅበረሰቦች ላይ አካላዊ ጥቃት እንዲፈጸም የሚያነሳሱ መሆን እንደሌለባቸው በመግለጫው ተዳሷል፡፡

መገናኛ ብዙኃን ለዘመናት አብሮ በኖረው ሕዝብ መሀል የሚያሠራጩት  ሃይማኖት ነክ መረጃዎች ከጥላቻ ንግግሮችና ቅስቀሳዎች የፀዱ እንዲሆኑ ሰባኪያንንና የሃይማኖቱ ተከታዮችን ማንቃትና ጥንቃቄ እንዲያደርግ ግንዛቤ ማስጨበጥ  ከመገናኛ ብዙኃን ባለሙያዎችና ተቋማት እንደሚጠበቅ፣ ለተሻለ የአገር ሰላም ግንባታ መገናኛ ብዙኃንና ጋዜጠኞች  በጋራ ሊቆሙ እንደሚገባ ያስታወቀው የመገናኛ ብዙኃን ምክር ቤቱ፣ መንግሥት ሃይማኖትን መሠረት አድርገው የሚነሱ ግጭቶች ማብቂያ ወደሌለው ሁከት ሊያመራ ስለሚችል የሕግ የበላይነትን ለማረጋገጥ ሕገ መንግሥታዊ ግዴታውን በኃላፊነት ስሜት ሊወጣ ይገባል ብሏል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...