Monday, July 22, 2024

[ክቡር ሚኒስትሩ ጠዋት ወደ ቢሯቸው ሲገቡ ጸሐፊያቸው ሰሞኑን በአባቶች መካከል ስለተደረገው ስምምነት ጠየቀቻቸው።]

  • ደህና አደሩ ክቡር ሚኒስትር?
  • ሰላም። ልታወሪኝ የፈለግሽው ነገር ያለ ይመስላል?
  • አዎ። እንዲያው ነገሩ ግርም ቢለኝ ልጠይቅዎ አስቤ ነው ክቡር ሚኒስትር።
  • ምንድነው?
  • ሰሞኑን አባቶችን አስማምታችሁ አልነበርም እንዴ?
  • ልክ ነው። ቤተ መንግሥት ጠርተን እንዲወያዩ አድርገን አስማምተናቸዋል።
  • እንዲያውም የጠፉትን በጎች ይዘን መጥተናል ብላችሁ ስትወስዷቸው በቴሌቪዥን ሁሉ ተላልፎ ነበር።
  • ልክ ነው።
  • ታዲያ ለምን ተመልሰው ወጡ።
  • ወጡ ማለት?
  • ስምምነቱን አፈረሱት።
  • አያደርጉትም?
  • አድርገውታል። እንዲያውም መግለጫ ሁሉ ሰጥተዋል።
  • ቤተ መንግሥት ድረስ ጠርተን አስማምተናቸው? አያደርጉትም!
  • የቤተ መንግሥቱ ካልሆነ ሌላ ቦታ ውሰዷቸው?
  • የት?
  • ፕሪቶሪያ!

[ፓርቲው ያፀደቃቸውን አገር አሻጋሪ መርሆች እንዲያሰርጹ ሁሉም የፓርቲው አባላት በታዘዙት መሠረት ክቡር ሚኒስትሩ ከቤታቸው ቢጀምሩም ባለቤታቸው የዋዛ ሆነው አልተገኙም]

  • የፓርቲያችን መርሆች እንደ አገር ለማሳካት ለምንፈልጋቸው ትልሞችና ለጀመርነው የለውጥ ሒደቶች ከፍተኛ አቅም እንደሚሆኑ ጥርጥር የለኝም።
  • ምኖች ነው ያልከው?
  • መርሆች።
  • ምንድናቸው?
  • አራት ናቸው።
  • ምን ምን?
  • አንደኛው መርህ፣ የዜጎች ክብር ነው!
  • ሁለተኛውስ?
  • ሁለንተናዊ ብልፅግና ለዜጎች!
  • እህ … ቀጣዩስ?
  • ነፃነትና እኩልነት!
  • እሺ … አራተኛውስ?
  • ኅብረ ብሔራዊ ወንድማማችነትና እህትማማችነት
  • ምን እማማችነት?
  • ኅብረ ብሔራዊ ወንድማማችነትና እህትማማችነት።
  • እሱ ብቻ ነው የሚቻለው?
  • የሚቻለው ማለት?
  • ማለቴ ከወንድማማችነትና እህትማማችነት ውጪ ሌላ ነገር አይኖርም።
  • ሌላ ነገር ማለት?
  • ኅብረ ብሔራዊ ጋብቻ?
  • ለምን ታፌዣለሽ?
  • እህ … እኔስ ከማን አንሳለሁ?
  • ከማን አንሳለሁ ማለት?
  • እናንተ ስታፌዙ ማለቴ ነው።
  • ወደ ብልፅግና የሚያስፈነጥሩን መርሆች ናቸው አልን እንጂ መቼ አፌዝን?
  • ተው … ተው …
  • ለምን?
  • የምትሉትና የምትተገብሩት ነገር አይገናኝማ? የተለያየ ነው።
  • የቱ ጋ ተለያየ?
  • ከምታደርጉት አንዱን ወስደህ ብትፈትሽ ታገኘዋለህ።
  • ምኑን ልፈትሽ?
  • ሰሞኑን በወልቂጤ ከተማ የተፈጸመውን ድርጊት ብትፈትሽ ልዩነቱን ታየዋለህ።
  • የምኑን ልዩነት?
  • ያስፈነጥሩናል በምትሏቸው መርሆችና በምትተገብሩት መካከል ያለውን ልዩነት።
  • ጥሩ፣ እንፈትሽ። ግን በወልቂጤ ምንድነው የተፈጠረው?
  • የገጠማቸው የመጠጥ ውኃ ችግር እንዲታወቅላቸው ሠልፍ በወጡ ነዋሪዎች ላይ የመንግሥት ፀጥታ ኃይሎች ጥይት ተኩሰው ሦስቱን ገደሉ።
  • አልሰማሁም።
  • ሰላማዊ ሠልፍ የወጡት እንኳን እንዳንተ አልሸሹም።

 

  • እኔ እየሸሸሁ አይደለም። አልሰማሁም።
  • ባትሰማውም ይኸው አሁን ሰምተሃል።
  • እሺ … በወልቂጤ የተፈጸመውን በማነጻጸር መርሆቹን እንድፈትሽ ነው ያልሽው አይደል?
  • አዎ።
  • እሺ ቀጥይ … እንፈትሽ።
  • መርህ አንድ የዜጎች ክብር ነው አይደል?
  • አዎ።
  • ከዚህ መርህ አንፃር የመጠጥ ውኃ የጠየቁ ነዋሪዎች ላይ ጥይት ተኩሶ መግደል የዜጎች ክብር መገለጫ ነው? ተገቢ ነው?
  • አይደለም።
  • መርህ ሁለት ሁለንተናዊ ብልፅግና ነው አይደል?
  • አዎ።
  • የመጠጥ ውኃ ማግኘት መሠረታዊ የዜጎች መብት አንጂ የብልፅግና ጥያቄ አይደለም።
  • እውነት ነው።
  • ይህንን መሠረታዊ መብት ጥያቄ ሳይመልሱ ሁለንተናዊ ብልፅግናን ማረጋገጥ ይቻላል?
  • አይቻልም።
  • መርህ ሦስት። ነፃነትና እኩልነት ነው። የወልቂጤ ነዋሪዎች ከሌሎች ከተሞች ነዋሪዎች ዕኩል የመጠጥ ውኃ ሊቀርብላቸው አይገባም?
  • ይገባል! ግን..
  • ቆይ ቆይ። የወልቂጤ ነዋሪ የገጠመውን ችግር የመግለጽና ተቃውሞ የማሰማት ነፃነት የለውም።
  • ነፃነትማ አለው፣ ነገር ግን …?
  • ግን ምን?
  • ሠልፉ የተፈቀደ መሆን አለበት?
  • መርህ አራት። ሕዝብን ቅራኔ ውስጥ እየከተትክ የሚፈጠር ወንድማማችነትም በለው እህትማማችነት አይኖርም። አራት ነጥብ።
  • በእርግጥ ስለ መርሆቹ አተገባበር ያነሳሽው በሙሉ ትክልል ነው። ጉድለት አለበት። ነገር ግን …
  • ‹‹ነገር ግን›› ካላችሁ ማምለጫ እየፈለጋችሁ እንደሆነ ይታወቃል።
  • በፍፁም አይደለም።
  • እሺ … ግን ምን?
  • የመርሆቹ አተገባበር ላይ ያነሳሽው ትክክል ነው። ግን መረዳት ያለብሽ እኛም አንቺ ያልሽውን ነው ያልነው።
  • እናንተ ምንድነው ያላችሁት?
  • ኢትዮጵያን ወደ ሁለንተናዊ ብልፅግና ማስፈንጠር የምንችለው በእነዚህ መርሆች ብቻ አይደለም ብለናል።
  • ታዲያ ሌላ በምንድነው?
  • መርሆቹን በአግባቡ መተግበር ስንችል ነው!
  • ለምን ትደረድራላችሁ ታዲያ?
  • ምን?
  • መርህ!

–         

–         

 
     

 

በብዛት የተነበቡ ፅሁፎች

- Advertisment -

ትኩስ ፅሁፎች

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...

የኢትዮጵያ ንግድ ባንክ ከፍተኛ ትርፍ ቢያገኝም የውጭ ምንዛሪ ገቢው ቅናሽ ማሳየቱ ተጠቆመ

የኢትዮጵያ ንግድ ባንክ በ2016 የሒሳብ ዓመት ያሰባሰበው የውጭ ምንዛሪ...
spot_img

ተዛማጅ ፅሁፎች

[ክቡር ሚኒስትሩ የቅርብ ወዳጃቸው ከሆነች አንድ ባለሀብት የተደወለላቸውን ስልክ አንስተው በኮሪደር ልማቱ ላይ የምታቀርበውን ቅሬታ እየሰሙ ነው]

ክቡር ሚኒስትር እኔ የኮሪደር ልማቱ ላይ ተቃውሞም ሆነ ጥላቻ እንደሌለኝ የሚያውቁ ይመስለኛል? በዚህ እንኳን አትታሚም።  የእውነቴን ነው ክቡር ሚኒስትር። አውቃለሁ ስልሽ? ለኮሪደር ልማቱ አዋጡ ሲባልም ያለማመንታት አምስት ሚሊዮን...

[ክቡር ሚኒስትሩ በችግኝ ተከላ ፕሮግራም ላይ ሳይገኝ ከቀረው አንድ የተቋማቸው ባልደረባ የሆነ የተቃዋሚ ፓርቲ አባልን አስጠርተው እያናገሩ ነው]

ለምንድነው በዚህ አገራዊ ፋይዳ ባለው ፕሮግራም ላይ ያልተገኘኸው? ክቡር ሚኒስትር ህሊናዬ አልፈቀደልኝም። መቃወምና መተቸት ብቻ ውጤት የሚያመጣ መስልዎህ ከሆነ ተሳስተሃል። አልተሳሳትኩም ክቡር ሚኒስትር? ቆይ የመጀመሪያ ዓመት የችግኝ ተከላ...

[ክቡር ሚኒስትሩ ከሚያከብሯቸው አንድ የቀድሞ ጉምቱ ፖለቲከኛ ስልክ ተደውሎላቸው እያወሩ ነው]

አንዳንድ ነገሮች ቢያሳስቡኝ ነው ቀጠሮ ሳልይዝ ላነጋግርህ የፈለኩት ክቡር ሚኒስትር፡፡ እርስዎማ ቀጠሮ መያዝ አያስፈልግዎትም፣ ምን ገጠመዎት? እኔማ ምን ይገጥመኛል አንተኑ ልጠይቅህ እንጂ? ምን? እውነት ለመናገር የማየው ነገር አሳስቦኛል፡፡ ይንገሩኝ...