Sunday, June 16, 2024
- Advertisement -
- Advertisement -

ማኅበራዊበኦሮሚያ ክልል የተከሰተው ኮሌራ ወደ ደቡብ መስፋፋቱ እንዳሳሰበው የክልሉ ጤና ኢንስቲትዩት አስታወቀ

በኦሮሚያ ክልል የተከሰተው ኮሌራ ወደ ደቡብ መስፋፋቱ እንዳሳሰበው የክልሉ ጤና ኢንስቲትዩት አስታወቀ

ቀን:

በኦሮሚያ ክልል ተከሰተ የተባለው የኮሌራ ወረርሽኝ ወደ ደቡብ ክልል በመስፋፋቱ ነዋሪዎቹ በበሽታው መጠቃት መጀመራቸውን የደቡብ ብሔር ብሔረሰቦችና ሕዝቦች ክልል ጤና ኢንስቲትዩት አስታወቀ፡፡

የክልሉ ጤና ኢንስቲትዩት ለሪፖርተር እንደገለጸው፣ የኮሌራ ወረርሽኝ ከነሐሴ ወር 2014 ዓ.ም. ጀምሮ በኦሮሚያ ክልል አራት ወረዳዎች እንደተከሰተ፣ ከዚህም ባሻገር ከባለፈው ሳምንት ጀምሮ ወረርሽኙ በደቡብ ክልል በተለይ ወደ ጌድኦ ዞን መከሰቱን ነው፡፡

በኦሮሚያ ክልል የተከሰተው የኮሌራ ወረርሽኝ በደቡብ ክልል ጌድኦ ዞን መስፋፋቱን፣ ወረርሽኙ ነዋሪዎቹን ማጥቃት መጀመሩን በደቡብ ብሔር ብሔረሰቦችና ሕዝቦች ክልል ጤና ኢንስቲትዩት ዋና ዳይሬክተር አቶ ማሙሽ ሐሰን ገልጸዋል፡፡

- Advertisement -

በጌድኦ ዞን የተከሰተው ወረርሽኝ እንዳይስፋፋ የቅድመ ዝግጅት ሥራዎች፣  የላብራቶሪ ምርምራ እየተደረገ መሆኑን ያስረዱት አቶ ማሙሽ፣ ወረርሽኙ የደረሰበትን ሁኔታ ከሚደረገው ክትትል በኋላ በሒደት እንደሚያስታውቁ ጠቁመዋል፡፡

ሪፖርተር ያነጋገራቸው የጌድኦ ዞን ሦስት ነዋሪዎች ባለፈው ሳምንት ጀምሮ ቤተሰቦቻቸው በኮሌራ በሽታ እየተጠቁ መሆነቸውን፣ ‹ወረርሽኙ ከኦሮሚያ ክልል ተስፋፍቶ መጥቶ ነው› የሚል እምነት እንዳላቸው ተናግረው፣ የሚመለከተው የመንግሥት አካል ጉዳዩ ሥር ሳይሰድ መፍትሔ እንዲሰጠው ጠይቀዋል፡፡

ነዋሪዎቹ ያስረዱት፣ ሕፃናትን ጨምሮ አዋቂዎች ሰሞኑን በአጣዳፊ ተቅማጥ፣ ትውከት፣ ከፍተኛ የራስ ምታት በሽታ መጋለጣቸውን፣ ባልተለመደ መልኩ ቆዳቸው የመሸብሸብ ክስተት እየተስተዋለበት በመሆኑም ወረርሽኙ ሊስፋፋ ይችላል የሚል ከፍተኛ ሥጋት እንዳደረባቸው ነው፡፡

እንደ ጤና ኢንስቲትዩቱ ገለጻ ከሆነ፣ እስካሁን ባለው መረጃ መሠረት ወረርሽኙ በጌድኦ ዞን ቢከሰትም ምን ያህል ሰዎች እንደተጠቁ ገና ማወቅ እንዳልተቻለ፣ በክልሉ ሥር በሚገኙ ሌሎች ዞኖች ይስፋፋል የሚል ሥጋት በመፈጠሩ ከሚመለከተው አካል ጋር ዳሰሳ እየተደረገ ነው ተብሏል፡፡

በሶማሌ ክልል አራት ወረዳዎች፣ በኦሮሚያ ክልል አራት ዞኖች ሥር በሚገኙ 18 ወረዳዎች ከ2014 ዓ.ም. ነሐሴ ወር ጀምሮ የኮሌራ ወረርሽኝ እንደተከሰተ፣ የኦሮሚያ ክልል አምስት ወረዳዎች ወረርሽኙን መቆጣጠር እንደተቻለ፣ የወባ በሽታና የኩፍኝ ወረርሽኝ በተለያዩ ክልሎች እንደተከሰቱ፣ የኮሌራ ወረርሽኙ ተከሰተባቸው በተባሉት በሁሉም ወረዳዎች 23 ጊዜያዊ የማከሚያ ማዕከላት ማቋቋም መቻሉን፣ በ18 ወራት 14,775 ሰዎች በኩፍኝ በሽታ መጠቃታቸውን፣ በዚህም 153 ሰዎች በኩፍኝ በሽታ መሞታቸውን ጤና ሚኒስቴር ባመጣው መግለጫ ማስታወቁ ይታወሳል፡፡

የተባበሩት መንግሥታት ድርጅት የሰብዓዊ ጉዳዮች ማስተባበሪያ ቢሮ (UN OCHA) በበኩሉ ከአንድ ወር በፊት ባወጣው መግለጫ፣ የኮሌራ ወረርሽኝ ተከስቶባቸዋል በተባሉት ወረዳዎች ከ3.3 ሚሊዮን በላይ ሰዎች ሥጋት ውስጥ መሆናቸውን፣ ከነሐሴ ወር 2014 ዓ.ም. ጀምሮ 50 ሰዎች መሞታውን፣ ወረርሽኙ ከተከሰተበት ካለፈው ዓመት ነሐሴ ወር ጀምሮ 2,276 ሰዎች በወረርሽኙ መጠቃታቸውን መግለጹ ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...