Wednesday, May 22, 2024
- Advertisment -
- Advertisment -

[ክቡር ሚኒስትሩ ከአማካሪያቸው ጋር ሰላምን ስለማፅናትና ስለ ሰላም ድርድር እየተወያዩ ነው]

  • ክቡር ሚኒስትር ስለ ሁለተኛው ዙር ድርድር የሚያውቁት ነገር አለ?
  • ሁለተኛ ዙር ድርድር ማለት?
  • ሰሞኑን ይጀመራል ስለተባለው?
  • ‹‹ጦርነት ይብቃ፣ ሰላምን እናፅና›› ብለን ሰሞኑን ዕውቅና ሰጥተን ጉዳዩን ዘግተነው የለም እንዴ?
  • እሱንማ አውቃለሁ።
  • ታዲያ ሁለተኛ ዙር የሰላም ድርድር የምትለው ምንድነው?
  • በታንዛኒያ የሚካሄደውን ማለቴ ነው?
  • እ … እሱን ነው እንዴ?
  • አዎ።
  • ታዲያ ምን ማወቅ ፈልገህ ነው?
  • ሸኔ የሚባለው ማን እንደሆነ ማወቅ ፈልጌ ነው?
  • ምን ማለትህ ነው? የትጥቅ ትግል የከፈተብን ነዋ?
  • የት?
  • እዚሁ አገራችን ውስጥ ነዋ?
  • አገር ውስጥ መሆኑማ ገብቶኛል። የትኛው እንደሆነ ግን ለማወቅ አልቻልኩም።
  • እንዴት? ስንት ሸኔ አለና ነው ለማወቅ የተቸገርከው?
  • ባለፈው በሁለት አካባቢ የሚንቀሳቀሱ ሸኔዎች እንዳሉ አለቃ ሲናገሩ አልነበረ እንዴ?
  • እህ … እሱ ነው ግራ ያጋባህ?
  • አዎ።
  • እንዲያው ዝም ብለህ እንጂ ነገሩ እንኳን ግራ የሚያጋባ አልነበረም።
  • እንዴት ክቡር ሚኒስትር?
  • ገና ለድርድር አልደረሰማ!
  • ምኑ?
  • አንደኛው ሸኔ።
  • ታዲያ ከየትኛው ጋር ነው ድርድሩ የተጀመረው?
  • በሌላ ክልል ከሚንቀሳቀሰው ጋር።
  • ከእሱኛው ሸኔ ነው?
  • አዎ። ምነው ደነገጥክ?
  • እንዴት ከዚህ ቡድን ጋር መንግሥት ለሰላም ድርድር ተቀመጠ ብዬ ነዋ?
  • ይህማ መንግሥታችን የሚገለጽበት አንዱ ባህሪ ነው።
  • የቱ?
  • ሆደ ሰፊነቱ!
  • ግን ክቡር ሚኒስትር ቡድኑ የሚያነሳው ጥያቄ በሰላም ድርድር የሚፈታ ነው?
  • እንዴት?
  • ምክንያቱም ቡድኑ ወደ ትጥቅ ትግል የገባበት ዓላማ ይታወቃል። አሁንም ይህንኑ ዓላማውን ከማሳካት ወደ ኋላ እንደማይመለስ በይፋ እየገለጸ እኮ ነው?
  • የትግሉ ዓላማ ምንድነው?
  • እሱማ ግልጽ አይደል እንዴ?
  • እኮ ለእኔ ግልጽ አድርግልኛ?
  • እንዴ ክቡር ሚኒስትር?
  • አቤት? ግልጽ አድርግልኛ?
  • እኔ ግልጽ ነው አልኩኝ እንጂ፣ ሌላ ነገር እኮ አልተናገርኩም?
  • ሌላ ነገር ምን?
  • የትግል ዓላማው ትክክል አይደለም አላልኩም።
  • አዎ፣ እንደዚያ አላልክም።
  • ትችትም አልሰነዘርኩም።
  • አዎ፣ አልተቸህም።
  • እደግፋለሁም አላልኩም።
  • ምን ሆንክ? ጤነኛ አይደለህም እንዴ?
  • ኧረ ደህና ነኝ ክቡር ሚኒስትር።
  • ታዲያ ለምን ተደነባበርክ፣ የትግል ዓላማውን ግለጽልኝ ነው እኮ ያልኩህ?
  • እሱንማ ሰምቻለሁ።
  • እኮ ግለጽልኛ?
  • የክልሉ ሕዝብ የራሱን ዕድል በራሱ የመወሰን መብት እስኪያገኝ ድረስ እታገላለሁ ነው የሚለው።
  • እርግጠኛ ነህ?
  • አዎ! በድረገጹ ላይም ሆነ በሚዲያዎች በይፋ ነው የሚገለጸው።
  • አልቀየረም?
  • አልቀየረም። ይህንን ማሳካት ነው የሚፈልገው።
  • እንዴት? ይህማ አይሆንም!
  • እኔም የሰላም ድርድር ሊጀመር ነው ሲባል ግራ የገባኝ በዚህ ምክንያት ነው።
  • እንደዚያማ ሊሆን አይችልም።
  • እንዴት?
  • የሰላም ሊባል አይችልም።
  • ምኑ?
  • ድርድሩ።
  • ታዲያ የምን ሊባል ነው።
  • ድርድር።
  • እኮ የምን ድርድር ሊባል ይችላል?
  • ድርድር ብቻ!
  • ምን ለማሳካት?
  • እሱን አብረን እንሰማለን።
  • መቼ?
  • መጨረሻ ላይ።

በብዛት የተነበቡ ፅሁፎች

- Advertisment -

ትኩስ ፅሁፎች

የማዳበሪያ አቅርቦትና ውጣ ውረዱ

በቅፅል ስሙ “The Father of Chemical Warfare” እየተባለ የሚጠራው...

የኢትዮጵያ ልማት ባንክ የትርፍ ምጣኔውን ከ70 በመቶ በላይ አሳደገ

ከሁለቱ መንግሥታዊ ባንኮች መካከል አንዱ የሆነው የኢትዮጵያ ልማት ባንክ...

ያልነቃ ህሊና!

ከሽሮሜዳ ወደ አራት ኪሎ ልንጓዝ ነው። ነቀፋ አንሶላው፣ ትችት...
spot_img

ተዛማጅ ፅሁፎች

[ክቡር ሚኒስትር በኢትዮጵያ ታምርት ንቅናቄ እንዲሳተፉ ከተለዩ ባለሀብቶች መካከል እንዱ ጋ ስልክ ደውለው በንቅናቄው ላይ እንዲሳተፉ ግብዣቸውን እያቀረቡ ነው]

መቼም ኢትዮጵያ ታምርት በሚል የተጀመረውን አገር አቀፍ ንቅናቄ ሳትሰማ አትቀርም ብዬ ተስፋ አደርጋለሁ። ልክ ነው፣ ሰምቻለሁ ክቡር ሚኒስትር። አሁን ደግሞ ንቅናቄውን ለማጠናከር ኢትዮጵያ ታምርት የሚል የታላቁ...

[ክቡር ሚኒስትሩ የቢሮ ሥራቸውን አጠናቀው ከውጭ አገር የመጣ ወንድማቸውን ለመጠየቅ ያረፈበት ገስት ሀውስ ሲደርሱ ወንድማቸው በቴሌቪዥን የሚተላለፈውን ፕሮግራም በመገረም እየተከታተለ አገኙት]

ውይ መጣህ እንዴ? እስኪ አረፍ በል፡፡ ምንድነው እንዲህ ያስደነቀህ? ተደንቄ ሳይሆን ግራ ግብት ብሎኝ ነው። ምኑ ነው ግራ ያጋባህ? የድልድይ ማስመረቅና የድልድይ ማፍረስ ነገር ነዋ። አልገባኝም? አለቃችሁ ድልድይ ሲያስመርቁ የተናገሩትን...

[ክቡር ሚኒስትሩ ከዘመዶቻቸውና ቤተሰቦቻቸው ጋር ሆነው በዓሉን በመኖሪያ ቤታቸው እያከበሩ ነው። ባለቤታቸውም ለበዓሉ የተዘጋጀውን ዳቦ ባርከው እንዲቆርሱ ለሚኒስትሩ እያቀረቡ ነው]

በል ዳቦውን ባርክና ቁረስልንና በዓሉን እናክብር? ጥሩ ወዲህ አምጪው... አዎ! በል መርቅ... ከዓመት ዓመት ያድርሰን... ኧረ በሥርዓት መርቅ ተው? ከዓመት ዓመት ያድርሰን አልኩኝ እኮ ...አልሰማሽም? ከዓመት ዓመት መድረሱ ብቻ ምን...