Monday, June 24, 2024
- Advertisement -
- Advertisement -
ስፖርትየኦሮሚያ ስፖርት ምክር ቤት ለስፖርት ማዘውተሪያ ሥፍራ የሚውል መሬት ለከተሞች አፀደቀ

የኦሮሚያ ስፖርት ምክር ቤት ለስፖርት ማዘውተሪያ ሥፍራ የሚውል መሬት ለከተሞች አፀደቀ

ቀን:

  • በክልሉ የሚገኙ ዞኖችና ወረዳዎች አንድ አንድ ሔክታር መሬት ተፈቅዶላችዋል

በኦሮሚያ ክልል ሥር የሚገኙ ዞኖችና ወረዳዎች ለስፖርት ማዘውተሪያ ሥፍራ የሚውል አንድ፣ አንድ ሔክታር መሬት እንዲያገኙ መወሰኑን የክልሉ ወጣቶችና ስፖርት ቢሮ አስታወቀ፡፡

ረቡዕ ሚያዝያ 18 ቀን 2015 ዓ.ም. የክልሉ ወጣቶችና ስፖርት የምክር ቤት ስብሰባውን ያደረገ ሲሆን፣ በክልሉ ሥር ያሉ ዞኖች፣ ወረዳዎች እንዲሁም ከተማ አስተዳደሮች የስፖርት ማዘውተሪያ የሚሆን መሬት እንዲረከቡ ውሳኔ አስተላልፏል፡፡

በምክትል ርዕሰ መስተዳደር የሚመራው የስፖርት ምክር ቤቱ፣ በክልሉ ስፖርታዊ እንቅስቃሴ እየተቀዛቀዘ በመምጣቱ ወጣቶች በስፖርት ማዘውተሪያ ሥፍራ ዕጦት ምክንያት በአልባሌ ቦታ እንዲውሉ ምክንያት በመሆኑና ክልሉ በስፖርቱ ያለውን እንቅስቃሴ አጠንክሮ እንዲቀጠል ለማስቻል መሬቱን ለማስተላለፍ ከውሳኔ መድረሱ ተጠቁሟል፡፡

በዚህም መሠረት የክልሉ ስፖርት ቢሮ ከከተማ አስተዳደሩ የመሬት አስተዳደር ጋር በመሆን እስከ ሰኔ ወር መጨረሻ የመሬቱን ካርታ ርክክብ እንደሚያደርግ ተገልጿል፡፡ የመሬት ርክክቡ ከተጠናቀቀ በኋላ የግንባታ ሒደት እንደሚጀመር የተገለጸ ሲሆን፣ በስፖርት ማዘውተሪያ ሥፍራዎች የሚኖረው ዲዛይን ይፋ እንደሚደረግ ተገልጿል፡፡

በኢትዮጵያ በነበረው አለመረጋጋት ከ2008 ዓ.ም. ጀምሮ የስፖርት ምክር ቤቱ ጉባዔ ሳያካሂድ የቆየ ሲሆን፣ በክልሉ በስፖርቱ የሚስተዋሉ ችግሮች እንዲሁም ስፖርቱን ለማሳደግ መደረግ ስላለባቸው ጉዳዮች ተወያየቷል፡፡

በክልሉ አቅም ያላቸው አትሌቶች መፍለቂያ ከተሞች ቢኖሩም፣ ማልማት ባለመቻሉ በአትሌቲክሱ ዝቅተኛ ውጤት እየተመዘገበ እንደሆነ ተነስቷል፡፡ ለዚህም ዋነኛው የማዘውተሪያ ሥፍራ ባለመኖሩ እንደሆነ ተጠቅሷል፡፡

ምክር ቤት በተለያዩ ጉዳዮች ላይ ውሳኔ የተላለፈ ሲሆን፣ የስፖርት ገቢን ማሳደግና በትምህርት ቤቶች አትሌቲክስን ማሳደግ የሚሉ እንዲሁም በክልሉ የሚገኙትን የስፖርት ማዕከላት ደረጃቸውን የጠበቁ እንዲሆኑ ማስቻል እንደሚገባ ተነስቷል፡፡

በተጨማሪም ወደ ፕሪሚየር ሊግ ላደጉ ክለቦች አስፈላጊውን ድጋፍ መስጠትና የፈረሱ የእግር ኳስ ክለቦች እንደገና ማቋቋም የሚሉት ጉዳዮች ላይ መክረዋል፡፡

በሌላ በኩል በሱሉልታ እየተገነባ የሚገኘው የደራርቱ የስፖርት ማዕከል ግንባታው ተጠናቆ ሥራ ይጀምራል ተብሏል፡፡

ከዚህ ቀደም በሱልልታ እየተገነባ የሚገኘው ማዕከሉ መዘግየት ጋር በተያያዘ ጥያቄዎች ሲነሱ መቆየታቸው ይታወሳል፡፡ ሆኖም የክልሉ ስፖርት ቢሮም ችግሩ  በአገር አቀፍ ደረጃ ያጋጠመ መሆኑን ሲያነሳ ከርሟል፡፡

ከዚህ ጋር ተያይዞም አብዛኛዎቹ ግንባታቸው ከፍተኛ ገንዘብ ፈሰስ ተደርጎባቸው ቢጀመሩም፣ በአግባቡ ሲጠናቀቁ አይስተዋልም፡፡ በኦሮሚያ የተለያዩ ከተሞች ግንባታቸው የተጀመሩ በርካታ ስታዲየሞችና የስፖርት ማዕከላት ቢኖሩም፣ በደፈናው የተገነቡ እንጂ የባለቤትነት ወረቀት የሌላቸውና ዝግ ስታዲየሞች መሆናቸው ተነስቶ ነበር፡፡

በሒደትም የክልሉ ወጣቶችና ስፖርት ቢሮ ዝግ የነበሩትን ለውድድር ክፍት ማድረግና ባለቤት የሌላቸውን ባለቤት እንዲኖራቸው ሲያደርግ መቆየቱን ገልጿል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...