Sunday, June 23, 2024
- ማስታወቂያ -
- ማስታወቂያ -

በግማሽ ቢሊዮን ብር ወጪ የተመሠረተው ቴሌቪዥን ጣቢያ ከዛሬ ጀምሮ መደበኛ ሥርጭት ሊጀምር ነው

spot_img

ተዛማጅ ፅሁፎች

በኢትዮጵያውያን ባለሀብቶችና በሚዲያ ባለሙያዎች በግማሽ ቢሊዮን ብር ወጪ የተመሠረተው ናሽናል ሚዲያ አክሲዮን ማኅበር፣ በከፍተኛ መዋዕለ ንዋይና በላቀ ቴክኖሎጂ ተደራጅቷል የተባለው ዘመናዊ የቴሌቪዥን ጣቢያ  NBC Ethiopia ከዛሬ ሚያዚያ 25 ቀን 2015 ዓ.ም. አገልግሎት መስጠት እንደሚጀምር ታወቀ፡፡

 ዛሬ ከሰዓት በኋላ በይፋዊ ሥነ ሥርዓት ይመረቃል የተባለው NBC Ethiopia፣   አሁን ባለበት መጠን 500 ሚሊዮን ብር ኢንቨስትመንት የወጣበትና በኢትዮጵያ የመጀመሪያው የግል የተሟላ የስቲዲዮ ሲስተምና የቀጥታ ሥርጭት ፋሲሊቲ ያለው ቴሌቪዥን ጣቢያ መሆኑን የጣቢያው ዋና ሥራ አስኪያጅ አቶ ብሩክ ከበደ ለሪፖርተር ተናግረዋል፡፡

ቴሌቪዥን ጣቢያው የወቅቱ ቴክኖሎጂ ያሟላ ወይም የተገጠመለት መሆኑን የገለጹት ዋና ሥራ አስኪያጁ፣ ለሁለት ዓመታት በሙከራ ሥርጭት ላይ ቆይቶ ከመስከረም 1 ቀን 2015 ዓ.ም. ጀምሮ መደበኛ ሥርጭት መጀመሩንና ከታኅሳስ 29 ቀን 2015 ዓ.ም. ጀምሮ ደግሞ ቀጥታ ሥርጭት መጀመሩ አስታውሰዋል፡፡

NBC Ethiopia፣ ብሮድካስት ሚዲያን ኢንዱስትሪ የማድረግና ኃላፊነት የሚሰማው፣ ለአገራዊ አንድነት፣ ሰላምና ዴሞክራሲ ግንባታ የበኩሉን አስተዋጽኦ  የሚያደርግ፣ ሙያዊ ሚዲያ የማስፋፋት ትልም ይዞ የተነሳ፣ ዘመኑን የዋጁ የፕሮግራም ፎርማቶችና  የዓለም አቀፍ  ደረጃ ያላቸው ቲቪ ሾዎችን  አካቶ የመጣ ዘመናዊ ሚዲያ መሆኑን  አቶ ብሩክ  ገልጸዋል፡፡

NBC Ethiopia እንደ አንድ ሙያዊና ኃላፊነት የሚሰማው ሚዲያ፣ አገራዊ ጉዳዮችን ትኩረት በመስጠት ለመፍትሔና ለመግባባት የመሥራት ተልዕኮ ያለው መሆኑን፣ የመንግሥት አሠራር ግልጽነትና ተጠያቂነት እንዲረጋገጥ፣ የሕዝብ ዓይንና ጀሮ ሆኖ፣ ለዴሞክራሲና ለሲቪክ ባህል ግንባታ አበክሮ እንደሚሠራ ጠቅሰዋል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች